ارجوووو الدخول...وربي ذبحني الخوووف

مادري شقول
مابي تحطين هالموضوع في بالك لان ماراح يساعدك
من تجربتي فعلا كان الكشف الداخلي شي مو طبيعي و للحين افكر لو احمل مره ثانيه شبسوي اذا قالو كشف داخلي
حتى اني ماخليتهم يكشفون غير مرتين
بس يمكن سبب الالم لان الرحم كان مسكر و كلما توسع الرحم يقل الالم لان الدكتوره ماراح تحتاج تضغط للداخل اكثر

انتي لاتروحين المستشفى الا لما تحسين انك بتولدين قريب لان البكريه تبتدي عندها الالام و بعدها بيومين ولا ثلاثه تجي الولاده

الله يسهل عليك ان شاء الله و صدقيني مو عشان اطمنك بس هو فعلا الولاده تجربه حلوه رغم التعب اهم شي لاتخافين وخلي كل شي يمشي مثل ماهو ومابتوعين الا وانتي والده :)

حبيبتي ، أولا" مبروك حملك - وعقبالي يارب - وبعدين مين قال انه في شيء حلو بهالدنيا مايحتاج تعب ؟ " لا تُؤخذُ الدنيـا إلاّ غلابا " ! و الكلام عادة " يكون مبالغ فيه ، نصيحتي لك بأن دائما" تستعملي اسلوب " التنفس - النفس - خذي نفس - وصدقيني الله رح يهوّنها ورح ترجعي وتكتبي لنا عن تجربتك ، وانا عندي إبنة عمي ولادتها ولا تصدقين ماتاخذ اكثر عن ساعتين والله بأولادها جميعهم ، والله المُيسّر و انشاءلله تقومي بالسلامة وتفرحينا منك وانصحك بعدم الإستماع لكلام هذه وتلك ، فقط داومي على قراءة القُرآن وانشاءلله الأمور رح تمشي مع قليل من الإرادة ،،،

مثل ما قالو خواتي العزيزاااات

لا تفكرين وااايد ....لانها تجربه حلووووه وبتنسين الالم كله لما تسمعين البيبي يصيح او لما تضمينه علي صدرج .
وتتحسسين يديه ورجوله وخدوده اااااااااايه عليه وعلي ريحته .

يارب لا تحرمني من هنعمه ولا تحرم خواتي العزيزات

اختي انتي بس ارخي ولا تشدين وبيعدي الموضوع

اختي لا تخافين انا كنت مثلك بس كلهن سعات ومرن وراح تشوفينهن ساعات حلوات وراح تجربين مره ثانيه وثالثه انشاء الله:shy:

صدقيني مافيه شيئ صعب في هالدنيا مع الإرادة
أهم شيئ قوي قلبك وخلي الأمور تمشي طبيعي ... ولاتسمعي للي يقولك ان الفحص يعور لأن الله خلق لكل شخص قوة لتحمل الألم تختلف عن غيره
وبعدين تنذكري انه في شيئ حلو بعد هالمعاناة وهو ظهور طفلك للدنيا
اسأل الله لكي ولنساء المؤمنين ولادة سهلة ميسرة وأن يرزقك الله بطفل سليم معافى في أجمل صورة

الله يطمنكم ويريح قلوبكم يارب



وربي ريحتوني شوي



خلاص صرت احس بالم الولاده من كثر الخوف وانا بعد بدرري عليه مرره



كثير اسمع قصص تعبت اسمع والله



مشكورين ماقصرتم



يعطيكم العافيه



ودي وتحيتي

هلا أختي بسوووووووومة.. الله يقومج بالسلامة إن شاء الله وتقر عينج بشوفة البيبي يا رب

الغالية الموضوع ما يخوف ولا شئ... صراحة أنا كنت مرعوبة منه.و بس لأني أسمع كلام الممرضات وأسوي مثل ما يقولو لي .. تخلصت من هذا الرعب

قولي كيف..

قالت لي الممرضة حاولي ما تشدين وترخين عضلاتج لأنج لما تشدينها تضوقين الرحم مما يسبب هذا الألم.. كأنها تحاول تخترق شي ضيق غصب فأكيد بيسبب ألم. بس لما ترخين عضلاتج تخلين الرحم بحجمه الطبيعي ... وصدقيني والله ثم والله ثم والله لما أرخيت عضلاتي وما شديت وخذت نفس عميق خف الألم أثناء الفحص تقريبا 90%

ولليوم والحمد لله بس لأني أكتشفت هذا السر الخطير صار موضوع الفحص عادي جدا وما يهمني..

خذي بنصيحتي أختي وبتدعي لي :ok:

وهذه النصيحة لكل حامل جربوها وما راح تندمون..

هلا فيك اختي




اختي طمنتيني اكثرر وريحتيني شوي



ياااارب يسعدك ويكتب لك اجرك بكل حرف كتبتيه ياااااارب




بس انا سمعت انه فيه جل تحطه الدكتور وهي تكشف يعني ذا مايخفف الالم ولا يسوي شي ؟؟



مشكووره يالغاليه



ربي يوفقك

انا بقولج

الحمدالله انا ما حسيت بالفحص الداخلي ما عورني و لا شي .. مع ان تقريبا 4 دكتورات سووا لي ها الفحص بس الحمدالله و لا مرة عورني ... حتى لما فتحت الكيس حسيت بنغزة ثانيتين و خلاص .. بس انا قبل الحمل و بداية الشهور لما يسون كنت صدق اتألم اموت ..حتى يطلع من دم ما ادري ليش

المهم انتي اطلبي من الدكتورة اتكثر من المرهم و لا تتطلعين السقف حطي عينج على زيه الدكتورة و لا اتخافين .. على فكرة هذي نصيحة من دكتورة

و الله يعينج

البنات ما قصروا ما شاء الله


على العموم هاي التجربه بتصير ذكرى و انتي بعد بعدين بتفيدي غيرك


الله يسهل عليج

الله يسهل عليج..

بس حبيبتي ترى التجربه جدا رائعه..لا تخربينها بالخوف..وبعد ماتولدين بتنسين كل شي..

لما تكشف الدكتوره من تحت اخذي نفس قبل ما تقيس ولا راح تحسين بشي..

حبيبتي ابعدي عنج هاالافكار واهم شي فكري ف البيبي..

وادعي ربج بالتسهيل والياهل المعافا..

ربي يكتب لكم الاجر انشاء الله





يعطيكم الف عاافيه




يااروع اعضاء واروع منتدى شفته




تحيتي من القلب لكم