تجمع التاجرات الكويتيات...الرجاء التفضل بالدخول والمشاركــة

صراحة خووووووش موضوع الله يعطيج العافية فتون

بالنسبة لي نشاطي هو بيع دراعات وملابس كاجوال
وتوني يديدة بالساحة لا جربت شحن ولاتحويل فلوس ولا شي
وان شاء الله راح اشارك بمعارض بالكويت قريبا

وافكر اتوسع بالنشاط وابيع على اللي خارج الكويت بس ودي استفيد من خواتي بالنسبة لطريقة تحويل الفلوس شنو احسن طريقة؟ الويسترن يونيون ولا شيك ولا شلون؟ انا سمعت ان الويسترن يونيون يقصون من المبلغ وايد وقت التحويل شرايكم؟
وشنو احسن طريقة للشحن؟ البريد المستعجل ولا الممتاز ولا شركات الشحن؟


وهم ودي اعرف من البنات اللي يشاركون بالمعارض

شنو اكثر معرض عليه اقبال؟
انا سمعت عن بيت ديفا ولوذان وفيلا السلام

انتوا شرايكم؟


وودي اسمع رايكم بنات بموضوع شاغلني

انا طبعا سبق ونزلت موضوع بقسم التسوق عن الدراريع وانحذف لانه مافيه صور

صراحة انا وحدة اخاف احط صور تصاميمي والسبة سوالف سرقة التصاميم اللي منتشره جدا

يعني لاشفتي صورة بمجله وقلدتيها ممكن

بس وحدة مثلي اصمم واتعب واجابل الخياط واروح خياط غالي عشان لايكرر الموديل اخرتها تيي وحدة الله يهداها تلطش الموديل وتسويه بالعربيد وتبيعه بعشرين دينار مو حرام!!

انتوا شرايكم بالظاهرة؟

ناهيكم على ان هالشي حرام ويدخل ضمن السرقة اذا ماتدرون
لانه اللي تسوي جذي سرقت جهد وتعب وافكار المصممة الاصلية للموديل

وفي شغله ثانية تبط جبدي بعد
لما تتعبين على موديل ورايحة رادة على الخياط تبينه يضبطه وتناشبينه وتحوسين على الاقمشة والكلف
اخرتها تييج وحدة تقولج ليش سعرج جذي غالي؟ هذا الموديل سهل مايبيله شي والخامات رخيصة!! يعني احباااااااااط مو طبيعي

مايقولون البنت تعبت على الدراعه والموديل والافكار والخام
يبون كل شي بسعر التراب مايصير

خو الخامات الرخيصة ملوت سوق دبي تبين وهم الخامات الزينه تبين
شحقة تكسرون مجاديف البنات جذي؟

واخرتها يروحون حق وحدة من هالمصممات ويدفعون لها شيء وشويات على خامات خايسة موديلات مكررة

بس اللي بترزق الله يناشبونها اي ليش؟

ولا اذا وحدة تعرفج ودرت انج تبيعين لايمكن تشتري منج تروح تشتري من برة اغلى ولا تشتري منج

يعني اخذوها قاعدة لابغيتوا تبيعون على معارفكم لاتقولون لهم هذا شغلكم انسوا يشترون منكم حزتها

انتوا شرايكم؟ هلا صادفتكم مواقف من هالنوع؟

السلام عليكم ورحمة الله وبركاته

الأسم: كاكو$كراميل

البضاعه: دراريع وملابس كاجوال وملابس مناسبات عند الطلب

ماشاء الله عليكم كفيتو ووفيتو صراحه في توارد خواطر بيني وبين كتكوته لأن تحوشني هالمواقف

أتعب وآخر شئ يقولونلي غالي وليش وما يسوى ويقلبون بالهدوم ويحذفونهم أستغفر الله حتى الأحترام انعدم ليش

وصراحه تنبط جبدي لما أحط كلف من النوع الزين والغالي والا في انواع من التطريزات والشغل اليدوي واللي ياخذ وقت وتعب مايعرفونله الخياييط واسويه بنفسي وبايدي يقولون لا ما يسوى واشدعوه صج مسويته اوديه العربيد احسن

خلاص ليش يايه أنا حاطه أسعاري غاليه بس الشغل مضبوط وزين وماكو من القطعه ثنتين

والا يروحونلج حق س من المصممات شغلها بدا ب60 بالمعارض والحين اقل شئ 300 والخام يلوع الجبد قطن من كثر ماتستخدمه بكل قطع اللي تسويهم ولا ملوت الخامات والخياييط عندها واحنا خلف الله نحوس وندور ونروح ونيي وننقي وينشفون ريجنا هالهنادوه ومايعطون ويه بعد آخر زمن ويقولونلج لج شغلها احلى منج واهي موديلاتها من سنة الطفحه ماتغيرت

وبالنسبه للي تعرفينهم مره قلت لناس أعرفهم أني اسوي نقشات كرستال شواروفسكي على الشيلات اللي آخذه سعر الكرستال و4دنانير شغل أيدي يا بلااااااااش
تخيلوا قالو لا أحنا نسويه بالأوتي ووحده قالت أنا أعرف اسويه لكم ببلاش <<<شوفوا الحسد
وأنا اسويه بجهاز مو بالاوتي وطرق بدائيه
تخيلوا ما سووه واللي قالت اسويلكم طلعت نقشاتها مو حلوه ولا عجبت خواتها وحطت الكرستال العادي البلاستيك الرخيص وتخفس ومو لازق عدل ويطيح
وبعدين شرو شيلات الوحده 35 يستاهلون الحمدلله والشكر الله يعطيننا يا رب على قد نيتنا

بالنسبه لأخت كتكوته وكل البنات اللي بيعرفون

الشحن للخارج بالبريد الممتاز للسوائل وبالبريد المستعجل للأشياء الجافه (أن شاء الله بستخدمه للي تبي أدزلها بره الكويت) البريد المستعجل لازم تلفين الشئ اللي بتدزينه بخام قطن أبيض أخذولكم طاقه ولففوا بالأغراض والشحنه الوحده توصل 20كيلو ماكو مشاكل للعنوان الواحد
أول نص كيلو 900فلس وكل نص كيلو زياده 500فلس
هذا معلومه خذيتها من أخت عزيزه

اما للتحويل نصيحه اللي بتاخذ منج واهي بره تدزلج المبلغ كامل بالويسترن يونيون ياخذون على كل 140 أو 150$ رسوم 14$
ولازم تعطينها (الزبونه) الأسم المضبوط اللي موجود بجواز سفرج وبيعطونها رقم سري
تعطيج اياه تروحين لأي محل الصراف أعتقدر مو صراف الفلوس لأ شركة الصراف تعطينهم الأسم والرقم السري اللي عطتج اياه بنفس اللحظه تستلمينه

وعقبها دزي البضاعه :)

اي صحيح بنات أشلون أعرض بضاعتي وبنات ياخذونهم ويسوونهم مو حرام؟؟
بخامات عاديه ورخيصه أحس بيرتفع ضغطي

السلام عليكم

ما شاء الله على بنات الكويت :)

انا أم جوري ...
من الكويت
واعرض بضاعتي

وهي التونيك الماليزي والشامبو واستورده مباشرة من ماليزيا وانا وكيلة الشركة في الكويت ولله الحمد ... وهذا الرابط يفيدكم



http://www.3roos.com/forums/showthread.php?t=157241&highlight=%C7%E1%CA%E6%E4%ED%DF+%C7%E1%E3%C7%E1%ED%D2%ED


كذلك سجادة الصلاة المعطرة بالعود والصندل وهي مصنوعة من الكتان وبلد المنشأ اندونيسيا ... وهذا الرابط يفيدكم

http://www.3roos.com/forums/showthread.php?t=162705&highlight=%D3%CC%C7%CF%C9+%C7%E1%D5%E1%C7%C9

كذلك عندي عطر شيخ العرب وهو الشكل الجديد من عطر الشيخ .... ريحة حلوة وروعة وله زباين دايمين عندي :)

راح اقول لكم عن الخلطت عنه قريبا ان شاء الله
عندي مخلطات ورشوش ولوشن للجسم ان شاء الله بنزلها مع رمضان باسم عطورات الجوري :)


دراريع واشغال كروشيه وخاصة بالوان علم دولة الكويت انزلها مع العيد الوطني كل سنة :)

للاستفسار من داخل الكويت

7947553

ومن خارج الكويت

[email][email protected][/email]


بالنسبة للتحويل على صرافة الوحيد ولهم افرع بالكويت وتصل المبالغ نفس اليوم وياخذون عمولة 2 دينار ويتعاملون مع صرافات كل البلدان
فرع جوهرة الخليج 2405435
فرع الفحيحيل : 3924053
فرع الجهراء : 4564204

اما الشحن بالبريد المسجل وتصل في خلال خمس الى سبع ايام والرسوم لاول نصف كيلو 900 وكل نصف كيلو زيادة 250 فلس
هذا طبعا للملابس وغيرها من الاشياء الغير قابلة للكسر او السوائل فهذه تكون عن طريق البريد الممتاز ورسومه اول نصف كيلو 5 دنانير واي نصف كيلو بعده بدينارين وتصل خلال يومين الى ثلاثة

طبعا لا تتجاوز ال 30 كيلو

اما شركات الشحن الاخرى والتي توصل لباب البيت فغالية شوي مثا ارامكس والدي اتش ال والفدكس

وهناك شركات شحن تاخذ على الثلاثين كيلو 22 دينار ولكن استلام الطردج\ في المطار مثل الصوان والباز للشحن

هناك الطريق البري عن طريق النقل الجماعي وياخذون مبالغ زهيدة نسبة الى الشركات الاخرى وتصل البضاعة خلال اسبوع الى عشر ايام وممكن تجلبين بضاعة من الخارج مثل مصر وسوريا ولبنان والاردن والسعودية عن طريقهم ... وهناك شركات كثيرة اللي تبي ارقامهم تقول لي :)

كراميل ابي شيلة خصوصي شلون ابي اكتب اسم عيالي عليها :)

مشكوريييييييييين يابنات ديرتي ماقصرتوا على تفاعلكم وردودكم

كتكوتة وكاكاو كراميل
صراحة الله يعينكم على سالفة بوق الموديلات صج شي يرفع الضغط

وطبعا انا اوافقكم بسالفه ان الاهل لاشافج تبيعين شي ماياخذون منج ولا يطلعون بشغلج الف عيب هذا منتشر الحمدلله والشكر

واحنا ياخلاف لا شفنا وحدة نعرفها يايبه بضاعه طرنا خذينا منها الاكو والماكو على بو تصيرلنا ونشجعها بس مو كل الناس مثلنا

يالله الله كريم


ام جوري ماشاء الله عليج كفيتي ووفيتي ماقصرتي على معلوماتج القيمة وان شاء الله يستفيدون البنات من معلوماتج عن الشحن وتحويل الفلوس

انا بالنسبة لي كنت افكر اشحن الخلطة مالت الشعر بس هي ثقيله والشحن غالي 5 دنانير وكل زيادة دينارين بالله جم يطلع عليهم مساكين!!!

فقلت خليني على شغلي بالكويت احسن
وبحاول اشوف الشحن البري ممكن اجربه اذا ارخص

وننطر باقي التاجرات الكويتيات اييون يشاركونا بتجاربهم عشان نستفيد من بعض
نبي نخلي هالموضوع مرجع لنا فيه كل المعلومات اللي نحتاجها

ام جوري الله يعافيج ياليت تعلميني شلون تيبين بضايع من برة عن طريق البر؟ يعني اقولهم شنو ابي وهم يشترونه وايبونه لي ولا شلون؟

وياليت تعطيني ارقامهم اللي يوصلون عن طريق البر ماعليج امر

شكرااا فتون علف على الموضوع وعلى الدعوه للمشاركه بالموضوع

انا بديت تجارتي تقريبا من سنه وكل شغلي بالنت
والشي الأساسي الي ابيعه الدراريع ومرات يكون عندي شغلات ثانيه
يعني الحين عندي علب على دبب تصلح حق القرقيعان او حق الغرف

وبنسبه لصعوبات
انا شوي كسووووله تلقيني أجل شغلي وبعدين بيوم واحد اخلصه كله ويكون متعب هل يوم
والي يطلبون ويخلون الطلبيه اشهر وبعدين يقولون ماعجبتنا البضاعه مانبيها ردي فلوسناا


والشغلات الي ضايق

اهما

انه بنات معاج بالمنتدى اشوفينهم يبيعون شغله وبعدين بصدفه تلقينهم بالخش يبيعون شي ثاني
بس مايقولون علني عشان يبقى كل شي مخشوش ومحد ينافسها او يعرف موديلاتها وبضاعتها ويقلدها او ينزل من اسعاره عشان تكون مثل اسعارها


وبعد البنات الاستغلالين صج اتضايق منهم تكلمني على اساس تبي دراريع وبعدها يطلع
عندها خياطه وتبي موديلات تبي اصمم لها او تبي ايب لها بضاعه من الكويت دراريع بنفس قيمتها

او تبي ادليها على بضاعتي من وين اشتريها

ووايد صادفتني هل مواقف


وبنسبه للشحن انا جربت ارامكس ممتاز بس اذا موكل ساع ادقين عليهم يطنشونج
وارامكس وايد غالي

والبريد المسجل تمام وسعره رخيص بس يطول 10 ايام

البريد الممتاز يوصل خلال ثلاث ايام بس غالي

وبنسبه لخواتي الي يصممون ويخافون تنوخذ تصاميمهم
النت مافيه حقوق ماتقدرين تقولين حق اي بنت لاتقلدين تصميمي
بس اذا خايفه احد ياخذ تعبج عرضيهم بمعارض داخل لكويت افضل

وافضل معرض وعليه دوس بيت ديفا

وان شاء الله خالاتي بيعرضون فيه بداية شهر 9


والله يوفق الجميع

مشكوره ام جوري مجهود صراحه تشكرين عليه
بس الحين انا موقفه اسوي الشيلات للأسف :(

بس يليت طريقة الشحن البري يعني منو احسن شئ اتعامل معاهم؟
لأن في بنات طالبين طلبيات بره الكويت ويبونهم بس الشحن المستعجل حسافه يطول


أحلى كويتيه واشلون اسعارهم هناك؟؟
أنا أن شاء الله اذا حصلت حطز عندهم بأحجز بديفا أول اسبوع رمضان لأن للحين ماخلص شغلي يبيله شوية وقت
يعني اشلون قولكم ما اشترك بالمهرجان؟ حسافه :(

حبيباتي بنوتات الكويت
آسفة داخلة عرض بموضوعكم
بس انا محتاجة مندوبة لأغراض بالكويت
يا ليت اللي تقدر تراسلني

انا اصمم دراعات راقية للاستقبالات والعرايس يعني شغل مميز وراقي مو خامات رخيصة

القطع اللي اشتريها مشكوكة تطلع علي بالشيء الفلاني وكله حراير وستان غالي من الزين
واسعاري بعد غالية من 200 وطالع لانه القطعه الوحدة تكلف
ولانه بضاعتي غالية قلت ماراح اسوي من الموديل الا حبة وحدة عشان اللي دفعت تكون متميزة باللي تلبسه ومحد مثلها

وان شاء الله بشارك بمعرض في بيت ديفا وبيت لوذان لان عليهم اقبال اكثر شي

لحد الحين نشاطي داخل الكويت ماجربت اتوسع بره لانه ماافكر اطرش حق وحدة صورة موديلاتي اخرتها مثل ماقالت احلى كويتية تطلع تبي تقلد الموديل وبس

قلت خليني داخل الديرة وماشاء الله الزباين يحبون الشي المميز فماراح يطيح شي بجبدي ان شاء الله

أشدعوه وين بنات الكويت التاجرات اختفوا ليش ماكو تفاعل

السلام عليكم
معاكم ام فجر نكي فجوره اصمم دراعات فخمه وراقيه وقمصان عمليه طويله وعندي شنط ماركة كوش من امريكا وانا معروفه بمنتديات حوا وكويتيات وانا من زمان مشاركه بهالمنتدى بس هم سكروا موضوعي اول ايام وقطعت والحين رديت لكم :)
بالنسبه لشركات الشحن انا اتعامل مع شركة كويك اند كوبي بالشويخ وبالديره واكو بالسالميه يالسوق عنهم شركات وايد كنت اتعامل مع شركة نسيت اسمها كنت ادز دراريع للسعوديه والامارات الكيلو عل 8 دنانير يحسبونه وخلال يومين يوصلونهم عند باب البيت صج ارتحت لهم وسمعت الشحن الممتاز ارخص واحسن بس ماجربت رحت لهم مره قالولي غلفيه بخام ابيض وحالتهم حله جنه كفن وهونت:) بعد

بس الحين عندي مشكله ابي اشارك بموضوع يديد موراضي يطلع لي مسج من الاداره شالحل

وهذا رابط شغلي القديم وعندي شغلات يديده عارضتهم بمعرض نادي الفتاه انشالله بتاريخ 13/9
حياكم الله

http://go.3roos.com/0ILWhhrxKQx

صباح الخير
حبيبتي كاكو كراميل

بنسبه حق بيت ديفا بصراحه وايد غالي
يعني اول مادشين الغرفه الي بالويه ب90 او 80
والي يمها فيها غرفة لقياس ب70
والي بالممر مكان واحد مربع صغير 40
وهذي اسعارهم ليوم واحد

وبنسبه للحجز
حبيبتي انسي انسي تلقين حجز
تعرفين خالاتي حاجزين من شهر 4 تقريبا
وعرضهم لسبوع الياي بأذن الله

عاد بنات تعالو المعرض
ترا اسعارهم وايد حلوه ودايما تكون ارخص الموجود
ودراريعهم راقيه وايد وخاماتهم بعد راقيه وفي بعض الخامات ايبونها من بره

وهم بنات الي عندها نفانيف حفله راقيه وفيهم شغل وموديلات يديده وتبي تبيعها او تأجرها
او الي تبي تشتري او تأجر نفوف حلو وموديل يديده
اختي تأجر وتبيع نفانيف حفلات وهم تاخذ نفانيف الي تبي واهيا تبيعهم وتأجرهم لهم
وعندها فوق 50 نفنوف وتقريبا 10 نفانيف عرايس


طفوف حبيبتي شنو اهيا بضاعتج؟؟

تحياتي
بنت الكويت

اففففففف 80 و 90 لييييييش!! لو أأجر غرفة بفندق المارينا احسن لي ههههههههه

انزين اختي كويتية دامج تعرفين الاسعار ياليت تعطيني فكرة عن اسعار بيت لوذان لان قالولي ان هو اللي عليه دوس اكثر شي واللي يروحون له يشترون غالي عادي

بس وحدة صدمتني تقول راحت بتحجز قالولها نعطيج موعد السنه اليايه!!!!!!!!

وبرايج شنو احسن المعارض عشان اعرض فيها؟
ابي معرض يكونون اللي ريوحون له يشترون مو يتطمشون ويمشون

واي صج قهر
أدق عليهم يقولولي تعالي عادي حياج شوفي المكان وحجزي
وبالأخير يطلعون جذي؟
وأصلا مو هذي الأسعار اللي عطوننا اياهم بالتليفون
انا الحين المعرض الوحيد المتوفر لي معرض درة الشهور اعتقد بيبدي 17 او18 هالشهر
راح يكون بمنطقة الروضه ان شاء الله
بس المشكله الاقبال عليه قليل غير ان وايد يتطمشون ويمشون
وراح ابيع اكسسوارات شغل ايدي ان شاء الله يمديني
متى ماقرروا وقت المعرض بالضبط ييت وقلتلكم علشان تسوون لي دعايه :) يالله الهمه بنات الديره كل وحده تعاون الثانيه
احلى كويتيه قوليلي وين بالضبط ماخذين مكانهم علشان اقول لمعارفي يروحون
وان شاء الله اذا الله كتب نمرهم
الكويتي انفع ههههههههههه


فجوره اسفرت وانورت حياج الله حبيبتي معاننا
تو ما نور المكان كنت ناطرتج تشاركين :)

اف اف اف
معقوله المعارض لهالدرجة غاليه!!!!
شدعوه ينوا وقعدوا

انزين بنات شرايكم بمعرض بيت 32 بالعديلية؟
منو جربتهم ولا راحتلهم؟
تهقون فيه اقبال ولا نص ونص؟

حبيباتي الكويتيات لازال العرض قائم احتاج مندوبة لتجميع طلبات المنتجات الزوجية لبنات الكويييييييت