عندي شكوى على بعض البائعات الله يسامحهم

m

meeeera

عروس مشرقة

27-08-2006 | 06:17 PM

قوه بنات شخباركم
انا صراحه ماكنت ابي اكتب هالموضوع الا بعد ماتكررت الحركه معاي صراحه والله قهر

في بعض البائعات ومن غير ذكر اسامي الله يسامحهم وايد يسفهون الوحده يعني مثلا عارضع بضاعتها وانا دشت في خاطري واكتبلها اني ابي منها ترد علي وعق اتطنشني!!!!

كذا مره صارت معاي هالحركه
مره دشت في خاطري صناديق للساعات ورويت ريلي وعجبته الفكره ولكن للأسف ادز رسايل خاصه وع العام لكن مافي حد يرد!!!! والله قهر عقب مااخترت انا وريلي ودش الشي في خاطري اخر شي اشوف مافي رد!!! عيل لاتعرضين بضاعتج احسن!!!

ومره اخترت قميص نوم وايد عجبني بما اني اجهز لولادتي وتميت انتظر الرد كم يوم لكن للأسف مسويه دعايه حق نفسها ع الفاضي!!!

ومره عن فناجين الشوكولا!!!!

وغيره!!!

بس صراحه اللي بتسوي جذي وبتطنش خلق الله لاتعرض بضاعتها احسنلها والله!!!! ماتكلف نفسها حتى تتأسف على عدم الرد!!!

وبس هاي اللي كن في خاطري وبغيت اقوله وبلييز لحد يزعل من الحق!!!:sad:

n

nooooooor

عروس رائعة

27-08-2006 | 06:25 PM

هلا الغاليه

حبيبتي عادي يمكن عندهم ضروف

او رسالتج في اخر الموضوع لين تشوفها وترد عليها

يبي لها وقت وخاصه اذا الردود 3 او 4 صفحات

ما يقدرون يلحقون يردون على الكل في نفس الوقت

الحمدلله ما صارت معاي الى الحين وان شاءالله ما تصير

لان صج شيء يضايق

ع

عيون_الورد

عروس برونزية

27-08-2006 | 06:36 PM

[grade="800080 FF6347 008000 4B0082 00BFFF"]هلا الغاليه
البائعه لها ظروفها الخاصه عندها التزامات وعندها عيال ووووو

اعذريها

لان بعض الزباين يسألون وتردين وتوصل قريب 10 رسايل واخرتها الزبونه ولا ترد

وبعضهم يحجزون وابي وابي وعقب مايردون

يعني اكيد هي مب قصدها تطنش بس يمكن باعت اللي عندها ولا ردت ادش المنتدى
يمكن النت قطع عنها
يمكن حد مريض عندها
الله اعلم لا تعصبين يالغاليه
وااييد بنات يحجزن عندي وياخذن الاسم وحساب البنك وعقب ولا رد
اعذرهن
وانتي بعد اعذري لان اكيد قلبج كبير
^.^ [/grade]

ر

ربى

عروس متألقة

27-08-2006 | 06:43 PM

اختى لا تنقهرين
بس اكيد لهم ظروف لانهم هم بعد بيستفيدوا

ن

نهى1

عروس جديدة

27-08-2006 | 08:19 PM

السلام عليكم

معليه حبيبة قلبي القهر وارد للتاجرة و الزبونه

انتي شوفي شكثر رسايل على العام للتاجرة تصوري مثلها و اكثر على الخاص

طولي بالك و ان شاء الله المانع خير لكل التاجرات الي ما يردون

و على فكرة في تاجرات اعلنوا انقطاعهم عن المنتدى و ما زالوا البنات يفتحون مواضيعهم لان البنات معذورات ما قروا الاعلان

ب

برق لمع

عروس مبدعة

27-08-2006 | 10:22 PM

حبيبتي لاتزعلين عادي انا اتاجر في جهاز الاظافر والله كثير رسائل تييني لدرجه اتعب من قرايتها لكن بعضهم الله يسامحهن يعلقوني وبعدين يختفون وهذا يقلل من مصداقيه الي يطلبون فياليت الي مب جاده ما تطلب عشان ما تشتت التاجره ما اقصد السؤال عن التفاصيل هذا من حق اي وحده اما الي تطلب التفاصيل بعدين تقول احجزي لي ابا وتوافق على السعر وبعدين تختفي ولا تكلف على نفسها تعتذر وتعطل البضاعه عن البيع هذي حركه م ب حلوه بعد
حبيبتي اذا ارسلتي لاي تاجره قولي لها انج جاده وتبينه ضروري

ل

ليالي العين

عروس رائعة

27-08-2006 | 10:38 PM

ميييرة كله ولا زعلج الغالية

ومثل ما قالوا البنات كلن وله ظروفة .... وان شاء الله بردن عليج

وان شاء الله ما تصير مع حد... وانا اتمنى من الزبونات ان ما يبهدلن التاجرات بالطلب ويسالن بالاسعار واخرتها طنش

الله لا يحطني بهالموقف ولا يحط احد فية

واللحين ابتسمي وان شاء الله تلاقين ردود منهن بأقرب وقت

م

مزيونه العين

عروس نشيطة

27-08-2006 | 10:40 PM

أنا مع الأخت ميرة

كذا بضاعة طلبتها أكثر من أربع او خمس طلبيات وصاحبة البضاعة مطنشة

والله في بعض الأخوات يكتبون موضوع ويعرضون البضاعة وبعدين ما تشوفهم العين

في المنتدى..

من جي الناس تخاف تطلب بضاعة أو تحول فلوسها..

الله يسامح الأخت............اللي فصلتلي دون ذمة وضمير كله من الرخيص غير عن المعروض في الصور..

الله كريم
وكل وحده وضميرها

n

nwar

عروس نشيطة

28-08-2006 | 12:30 AM

خخخخخخخخخخخخخخخخخ
والله انج فاضية تحترين على شي ما يستاهل

صج فراغة

: )

n

nwar

عروس نشيطة

28-08-2006 | 12:31 AM

:gum: خخخخخخخخخخخخخخخخخ
والله انج فاضية تحترين على شي ما يستاهل

صج فراغة :gum:

: )

m

meeeera

عروس مشرقة

28-08-2006 | 01:17 AM

تسلمون خواتي ع المرور

بس انا ما كتبت هالموضوع الا بعد ماصارت الحركه معاي وايد ونطرت عليهم كم يوم...
يمكن صج كل وحده لها ظروفها بس اذا الوحده مب قد الشي لا تسويه !!!!

لاني نطرت ع الوحده منهم تقريبا 4 او 5 ايام... ماظلمت حد....