عرايس البحرين .. من احسن للعلاج د. فرح ام د.كيران

افاااااااااااا ولا احد رد علي؟؟؟؟
يعني انا الوحيدة اللي من البحرين!!!!

مرحبا اختي بالنسبه حق العلاج انا اتعالج عند الدكتورة فرح والله دكتورة شاطرة وحبابه واااايد
اما كيران والله ما جربتها اختي وزوجة اخي ياخذون الوزن عندها يقولون زينه بس يوم تضحك ويوم مكشره وما تعطيهم فيس
اختي اذا رحتي المستشفى بتشوفين كتيب عن الدكتورة فرح والدكتورة كيران والعلاجات اللي يعالجون بها المرضى اما فرح موجود انها تعالج حالات العقم ومتابعة المريضه حتى التلقيح الصناعي تسوي اما كيران مو مكتوب لها انها اتابع حالات العقم بس تعالج اللي عندهم تكيس وان شاء الله خير ويرزقج ربي بالولد الصالح واذا عزمتي يا اختي توكلي لا تتحيرين ولا تحاتيين واللي ايي من الله كله خير وصلاح لنا

حبيبتي انا مثلج تابعني او مثلج ناس يقولون زينة او ناس يذمونها .
لكن انا مرتاحة منها وبواصل معاها.

شكلي انا بعد بكمل عندها وبشوف... لأني قبلها جربت عفاف شافعي وما عجبتني..مالها خلق تتكلم.. ويوم اجهضت رحت عند فكريةمصطفى بس كان بدالها وحدة هندية .. ونفس الشي.. احسهم ما يعطونج فرصة تتكلمين وتسألين او حتى تفهمين.. وغير هذا يحبطوووووووونج.. لكن فرح مع اني دشيت عندها مرة بس تكشف علي.. لكنها طيوبة وتقعد تفهمج كل شي وتخليج متفائلة...
يالله...انشالله تكون سبب واحمل باذن الله...

انا ما جربت الثنتين بس قريت البروشر عنهم
من الصوره ابين على فرح انها حبوبه وكيران مكشره " بطبعهم ها الهنود من نعطيهم مراكز يترفعون" بس اذا حالتج عاديه ومجرد مراجعه للحوامل توكلي وكملي عليها بس اذا لشي معين اتصور انه كيران عندها خبره في امور اكثر من فرح وتقدرين اتشوفين من البروشر مالهم

انصحج اختي بدكتوره فرح اعرف وحده حملت على يدها

مرحبا اختي ..

انا اعرف دكتورة باكستانية مثل الذهب في معاملتها و تهتم فيك اذا زرتيها .. انا كنت زايرتها يوم

اللي كنت بالشهر السادس لان سويت حادث و صار الجنين ما يتحرك .. المهم كانت معاملتها طيبة لآخر

حد و تطمنك و تعطيك نصايح ..

و انا اعرف وحدة من نسايبنا ما حملت عشر سنوات تقريبا او اكثر و حملت بفضل الله ثم بفضلها و لو

انها عجزت مع المستشفيات و العيادات الخاصة و حتى برا طلعت للعلاج ..

اسمعها الدكتورة صباح و هي باكستانية .و عندها شهادة كبيرة .

مكانها في مجمع الخليج الطبي اللي يم السلمانية , انتي اكيد تعرفينه و هو اول ما تدخلين

تشوفين لائحة باسماء الاطباء اللي فيه .

مااعرف اي يوم هي تتواجد لانها استشارية في مستشفى البحرين التخصصي . لكن انصحك

تتوكلين على الله و تزورينها .

و الله يعطيك الذرية الصالحة ..

شكرا على الردود حبيباتي... انا بواصل عندها وبشوف شنو علاجها.. اذا شفت ما منها فايدة بشوف الباكستانية... اللي علي اني اخذ بالاسباب عل وعسى الله يرزقني


رب لا تذرني فردا وانت خير الوارثين