ريحوني الله يريحكم دنيا وآخرة
ثريا الامارات
27-08-2006
22 رد
1,705 مشاهدة
السلام عليكم ورحمة الله وبركاته
بنات أنا بنت مخطوبة من 4 شهور تقريبا وفي هالفترة كنت احس بألم في صدري واضطريت اسافر
عشان افحص على عمري ...سويت الفحص وقال لي الدكتور ان ما يعتقد ان هالكسرة اللي بصدري سرطان
واذا ابى اتأكد اكثر راح ياخذ عينه من صدري عشان يطمني اكثر بس قال ما في داعي تسوين هالشي وانتي بعدج صغيره
عمري 21 وهالمرض ما يطلع الا عقب
بس قال تعالي عقب 6 شهور وبرجع اسوي لج اشعه وبشوف حجم الكسرة اذا زادة فأنتي في خطر واذا بقت مثل ما هي فهذا شي عادي
والحين خطيبي يبغي يملج ...أنا ما ابى لين ما اطمن اخاف اهوهقه ...قلت لابوي قول له يأجل الموضوع لين نص السنه على الاقل
بس ابوي عصب علي وقال ما فيج شي لا توسوسين ....املجي وتوكلي على الله
بس أنا وايد اوسوس ...خطيبي ما يعرف عن مرضي ...هو يكلم امي وابوي بس
افكر احيانا اخذ رقمه من موبايل امي واكلمه واقوله
ما ادري شو اسوي ما اعرف
ساعدوني
انصحوني
قولوا اي شي
طمنوني
اولا الف الف مبروك يا الغاليه وما عليج شر
لا تقولين الى خطيبك اي شي ولا تفاولين على عمرج وروحي حق طبيب ثاني انا اعرف بنات وايد فيهم هشي وبعدين تطلع غده دهنيه
عندنا في البحرين حمله مكافحة مرض سلطان الثدي يروحون الحريم الى المركز وسون فحص وبعدين يعطونهم تحويل وقولون لهم احنا شاكين انكم مصابين وخلون الناس في حاله خايفين على عمرهم وبعدين لين راحو حق الاخصائي في المستشفى يقول مافيكم شي او هذا كيس دهني او غده عاديه وكان يلوم موضفين المركز
والبنت لي اعرفها مثل عمرج وطلع فيها عقب ما اخذوا لها اشعه كيس دهني فقط لا غير
انتي بعد روحي الى طبيب ثاني وسوي فحص ولا تخافين وتفائلي بالخير بتلاقينه
طمنينا عليج
هلا بأختي الغاليه صح هالكلام لاتوسوسين ومالداعي اتقولين شي حق خطيبج
وكلش لاتوسوسين لأن مب زين فكري في مستقبلج وقولي دايما حق نفسج ان مافيج الا العافيه وصلي وادعي ربج وانا بادعي لج ان شاء الله ومافيج الا العافيه وبتتزوجين وبتستانسين ان شاء الله ربنا يوفقج يا الغاليه
*
**أم عبدالرحمن**
عروس مبدعة
27-08-2006 | 02:29 PM
(f) هلا أختي ثريا الامارات
لا توسوسين وايد ولا تخافين ونصحج تروجين عند دكتور جراح وهو إلي راح يعرف حالتج بضبط
وإن شاء الله مافيج إلا العافيه ومن ناحيه إنج تكلمين خطيبج بموظوعج فمو حلوه منج إنج إنتي إلا تكلمينه وما له داعي أصلا كل هذا إل تفكرين فيه سمعي كلام أبوج وتوكلي على الله وخير البرعاجل (f)
حبيبتي وانا مع رأي الخوات روحي على دكتور ثاني احسن لانه هالشغلة ما فيها ...
وانا بقولك لا تقولي لخطيبك وتوكلي على الله وان شاء الله ما فيك الا العافية
b
birds can fly
عروس مشاركة
27-08-2006 | 03:17 PM
لا ياحببتي ان شاء الله يطلع خير وبعدين متقوليش لخطيبك شئ وتوكلي علي الله
الله يشفيج ان شاء الله و يطمن قلبج و ييسرلج اموورج
و ألف مبروك
لا توسوين اختي
الوساوس تخليج تتوهمين اشياء اكثر واكبر
وتوكلي على الله واملجي ومافيج الا العافيه
هالكسرة اللي فيج ان شاء الله عادية وماتخوف
انا طلعت فيني لا رحت مستشفى ولاشيء والحمدلله متوكله على الله ولا اوسوس
والحمدلله راحت
بس انتي افحصي عادي لا تخافين خلي ايمانج قوي
بسم الله الرحمن الرحيم
اول شي بالبركة حبيتي و ربي يتمم على خير
و لا توسوسين الغالية فلن يصيبنا الا ما كتب الله لنا
توكلي على الله صلي استخارة و املجي
ومافي داعي تقولين له شي..ان شالله مافيج الا العافية
و كل شي نصيب و اذا هو يحبج بيوقف وياج و دام الدكتور طمنج مافي داعي للخوف
انا اول ما عرفت انه عندي تكيس سويت عزا و قلت ما بعرس و ما بظلم اللي وياية
بس الدكتورة طمنتني وقالت لي مافي داعي للخوف و الوسواس
و انا متوكلة على ربي فلا تحاتين اختي
صلي استخارة و ان شالله ربي ما راح يخيبج :)
الله يريحكم فديتكم والله كلكم
والله اني ارتحت وايد من قريت ردودكم ...
وخلاص بتوكل على الله ...وبرجع افحص عند دكتور ثاني
الله يحفظكم كلكم يا رب وييسر اموركم كلها
والله اني مرتاحة حيييييييييييييييل عقب ما قريت ردودكم :)
زينب العروسه:
هلا بأختي الغاليه صح هالكلام لاتوسوسين ومالداعي اتقولين شي حق خطيبج
وكلش لاتوسوسين لأن مب زين فكري في مستقبلج وقولي دايما حق نفسج ان مافيج الا العافيه وصلي وادعي ربج وانا بادعي لج ان شاء الله ومافيج الا العافيه وبتتزوجين وبتستانسين ان شاء الله ربنا يوفقج يا الغاليه
انا رايي من راي اختي زينب العروسه:shy:
الله يعطيج الصحة والعافية ياربي:salam:
طمنينا عليج
ان شاء الله مافيج الا الخير
والله يطمن قلبج ويريحج ولاتوسوسين وتوكلي على الله وصلي وادعي ربج حبيبتي
ياختي توكلي على الله وملجي هاذي اكيد وساوس وحتى لو بين بعدين قولي ماكنا ندري عادي لا تخافين ياروحي واستخيري انتي 0
ا
الغـــ كله ـــلا
عروس مبدعة
29-08-2006 | 02:30 PM
ثريا طمنينا عليج
خلي عنج الوسوااااس .. وبالبركة مقدما ..
اول شئ املجي .. وبعدين ليش يتوهق؟؟
هو لما ملج مافيج شئ .. واذا طلع شئ عقب ( الله لايقول ))
لازم هو يشاركج فيه لان زوجك رسمي ..
توكلي على الله .. ولاتحاتين شئ ..
بالتوفيق يارب ..
ت
تذكرني...اناغير
عروس مشرقة
30-08-2006 | 06:04 AM
[CELL="filter:;"][ALIGN=center]لاتستسلمين لقول دكتور واحد ..انا قد وجعني صدري ولا اقدر اتنفس خاصه اذا كان الجو بارد ورحت لدكتوره وقالتلي احتمال سرطان <<<<ما عندهم وقت ....والله لايوريك اعتفست والشيطان عللى آخر وناسه وما غير قاعد على راسي وكن الدنيا عنده ما فيه غيري ...المهم ويوم رحت حق دكتور ثاني وتشوفين اشرح له وخديداتي دموووووع <<<<<وخري عني بس لا تغرقين ....وبغو الدكاتره يحولوني على الطبيب النفسي ليه هالصياح <<<لايفوتكم فلم هندي .....والشيطان الله لايوريط ما غير يترحم علي ماغير يقول ...<<متي ..خلالالالاص بتموتين ...وهلم جره ........واخرتها صار الي عندي مجرد تمزق في عضلة الصدر بسبب ولاده ..<<<<.شفت وين كنت ووين صرت وخفت انها تتقطع بالمره اذا فيه ولاده ثانيه والحمد لله ربي تمم علي وولدت ثانيه ونسسسسسسسيت العضله المتمزقه ....وهذا من فضل ربي ومنته على له الحمد والشكر .[/CELL]
حبيبتي لاتحاتين مافيج شي بأذن الله بس حبيت اقولج في وحده اعرفها نفس حالتج قالولها فيج سرطان بيدج واقعدت شهور وهي مرعوبه بعدين سولها اشعه وطلع تهشش بالعظام مع كيس ماي وسولها عمليه وكلعت بعد اسبوع مافيها شي توكلي الله مافيج الا العافيه انشاءالله
أن شاااااء الله ماعليج شر يارب
طمنينا عليج الغاليه... والله يتمم عليج عالخير
ك
كيفي مزاجي اجنن؟؟
عروس جديدة
02-09-2006 | 05:47 AM
ثريا الغاليه
لا توسوسين
وخلك طبيعيه
ولا تخربين فرحتك وفرحة اهلك في
والحمد لله ماصاير الا كل خير
@
@بنت السلطان@
عروس متألقة
02-09-2006 | 07:15 AM
لاتوسوسين
ولاتقولين حق خطيبك
عليك بالدعاء
وباذن الله مافيك الا كل خير
ويارب يوفقك انتي مع خطيبك وتعيشون حياة سعيده باذن الله