سلااااااااااااااااااااااا اااا م..
وحده من زميلاتي متزوجه .. لها سنه تقريبا..وساكنه فوق اهل زوجها..
المهم ان صديقتي متضايقه كثير .. من اهل زوجها .. لانهم يدخلون بيتها
بدون استئذان .. حتى لغرفة النوم .. سواء كانت موجوده في البيت ولا
خارجه.. واستشارتني في الموضوع .. هي تبي حل يخليهم يحترمونها
ويعرفون ان هذي مملكتها الخاصه .. بدون ما تحرج نفسها وتزعلهم..
اتمنى من كل اللي عنده حل يقوله..
شوفي انا اقول الله يعين صديقتش عليهم
وبصراحه الله وحده يعلم الخفايا ,لازم صديقتش تعرف وتطيح على السبب اللى يخليهم يدخلون بيتها وغرفتها بدون اذن. بعدها تشوف الحل الانسب
سواء زعلهم او لا
مشكوره .. فرحه.. هم يدخلون بسبب وبدون سبب ...
وهي ما تبي تخسرهم صعبه .. وخاصه انها بنفس البيت..
في هذه الحالة يمكن الحل بيد زوجها من عطاهم المفاتيح ,,,,,,
وطبعاً صعب تغيرين طبع فيهم اعرف وحدة عشرة سنين واهل زوجها يسون كذا لانها من البدايه ما وضحت لهم وش تحب وش تكره ,,,,وكانو يتحججون با الدينمو حق المويه وبعد ما شاف زوجها التضايق بعد عشرة سنين طلع الدينمو فوق عند اهله على حسابه ....
ولابد اولاً تحاول تبدي تضايقها من هذه الفعلة بالتلميح لان التلميح ينوب عن التصريح ...اذا ماتقدر تخلي ولدهم يتضجر من كذا طبعاً لاخواته مو لامه او حطي مزلاج لما تكونين فيه عشان يدقون الباب لما يدخلون .... وانتِ حره تفتحين والا لا ,,,
قولي لهم كنت نايمه او ما سمعت المهم تحاولين ما تخسرينهم .... او اذا هم ناس واضحين ويحبون الصراحه خليها تتشجع وبكل ادب تقولهم لو سمحتم الى بيدخل يدق الباب عشان صراحه احراج ساعه ان ورجلى نكون في وضع مانحب احد يطلع عليه .. هذا من خصوص الحياة الزوجيه وانتم عارفين ... او بعبارات اخرى ....
والصراحه راحه دام انها اول سنه ...
هلا خواتي
اختي امونه السبب اللى انا قصدته هل دخولهم البيت بدون اذن منها لانهم يبون يفرضون سيطرتهم عليها واستفزازها في كل لحظه او ان السبب انا هاذا الشئ طبيعي ومتعودين عليه في حياتهم يعني ما يقدرون الخصوصيه
فإذا حست صديقتش ان السبب الاستفزاز والسيطره فعليها فرض شخصيتها بالقوة وتمنع دخولهمالا في الاوقات الى هي تشوفها مناسبه وبالشكل الصحيح واللائق اما اذا كان الشئ طبيعي في حياتهم فراح ينفع الهدؤوء والصراحه معاهم
المثل يقول اسأل مجرب ولا تسأل طبيب
اذا ضلت تفكر في رضاهم وماتبيهم يزعلوا منها وفي حقيقتهم يستفزوها راح يزيد الشئ اللي يصدرمنهم وللاعظم لاتوضح انها محتاجه لهم وتبي رضاهم تخلي الامر طبيعي جدا معاهم وتكثر من المزحات الخفيفهوبأمكانها تلفق موقف موحقيقي يشعرهم بالخجل من تصرفهم كأن تبقى في النهار بروب النوم الخاص مثلا حتى يتفاجئوا بها او تترك باب الحمام مفتوح اثناء دخولها اذا كانت بمأمن طبعا من الداخل عليها
يمكن ما تتقبل هالفكره بس اتوقع تنفع
السلام عليكم
طبعا وضعها محرج شوي وانا معها في انها ما تبي تخسرهم بس ما لها دعوة انها تقعد بروب النوم او تقفل الباب و تفتحه بمزاجها لان الواحد يعمل باصله على حد تعبير المصريين . عندي ثلاث نصايح لها الاولى انها تعاملهم نوعا ما برسمية يعني ترسم بينها و بينهم حدود فما يعتبرون البساط احمدي و يدخلون حتى غرفة النوم. وعلى ذكر غرفة النوم احسن شي انها تقفلها واذا لهم حاجة داخلها هي تعطيهم اياها و طبعا هي لها كل الحق في انها تقفلها واذا سألوها ليش تقول لهم انها توها مرتبتها او عندها مفاجئة لزوجها ما تبي احد يعرفها يعني:p . ويتراوى لي يا أمونة المزيونة انها لو تنزل تقعد معهم اكثر جان ما بتتضطر انها تستحملهم في شقتها يمكن هم يحبون القعجة وياها مو اكثر. ......... و شكرا
في رأئي لو كان قصدهم الجلسه معاها كان يدقو التلفون ويقولون لها اذا مانتي مشغوله نزلي معانا شوي لأنها وحده وهم اكثر فمن الطبيعي نزول واحد اسهل عليهم من صعود اكثر
واذا كان فعلا يحبو مجالستها فماكو داعي الدخله بدون استأذان
وانا يوم حددت اقتراحاتي تركت الحريه لصاحبة الشأن لأنها هي الاقرب للمشكله وبتعرف اكيد ليه يصير اللي هي ماتحبه
وسلامتكم
مشكوراااااااااااااااات يالغاليات..
فرحة ..
الام الحنون..
عروس بحرينيه..
على الاقتراحات الرائعه..والنصائح المفيده .. كانها جواهر ثمينه..
واتمنى من له راي آخر .. ان يشاركنا..
مرحبا اختي انا والله كانت عندي اخت تعانيى نفس المعاناه وحلتها بالتالي
1 قامت تقولهم بطريقه غير مباشرة مثلا تحكي علي لسان صديقتها وبعدين تقول رايها بصراحة تقول مثلا ....لازم الواحد مايفرض نفسه علي احد حتي لو هي اختهم
2 طلبت من اخوهم يتكلم في السالفه وهم موجودين او بعد مايدشو
عليهم يعني يتولي هو الموضوع
3تتعامل معاهم مثل ماتبي يعاملونها يعني تروح لهم ومثلا تطلب من اخته شي وتستاذن انها تدخل غرفتها وتطلب منها تجي معها واذا سالتك تقول ما احب ادش الغرف الا مع اصحابها وتاكد علي هالشي;) ;)
رد مع اقتباس