شكل الطرحة للعراايس تكفون تدخلون

هلا اختى
الهايفة
اولا مبروووووووك الله يتمم لك فرحتك بكل خير يااااارب
بصراحه ماعندى فكره لكن شوفى انتى وش تحبين
انا عن نفسي ان شاء الله فرحي قريب وتعجبني الطرحه تكون اطول من الفستان لكن مش كثير يعنى الطرحه كلها مترين احس انها احلى والناس اذواق ولو تدرى انا فى اشيائي ما خذه كل شئ نااااااعم ولو تدرى عنى الوالده يااااااويييييييلى منها الله يشفيها ويرفع عنها ياااااااارب راح تقولى انتى عروووووووووس وتعرفى الشغلات الثقيله
اوكى عمرى انتى الحين خبريني وش الأفكار الحلوة للأكسسوار اللى بتاخذينه والمسكه حق الورد خلينا نستفيد
لنا لقاء
فمان الكريم
أختك أنيين الصمت

مبرووك والله يتمم عليج ويرزقج بالذريه الصالحه

اقولج راي الطرحه الطويله أحلى وأرز وحتى أطلع العروس ومادري أنا شفت ناس طرحتهم قصيره بس مو حلوه تخربهم

والله يتمم عليج ويجمع مابينكم

اختي الهايفة مبروك عليج عرسج
اذا تبين رايي الطرحة طويلة احلى تعطي طلة و هيبة للعروس
وبعدين الحين في حركات حلوة مثل انج تسوين الطرحة على جنب و بالاخير الناس اذواق :shy: :shy: :shy:

ينقل لركن استفسارات العروس

أختي الهايفه

صح اختي انا بعد اسمع يقولون اللحين موضة الطرحه القصيره والتاج

واذا انتي عاجبتج توكلي على الله وان شاء الله تطلع عليج تجنن:shy:

والله يوفقج ويسر لج امورج ان شاء الله

أختج الـدانــــه

اذا انتي عاجبتنج وطلعت حلوة عليج فسويها


اما انا احب الطويله

تسلمون حبايبي عالنصايح الحلوة
أنيين الصمت اللة يقوم الوالدة بالسلامة يااارب

نور الكويت العيون الدباحة الدانة نوووسة

تسلمون ماقصرتو

يااارب يرزقكم ويوفقكم اللهم أميييييييييييييييين

ولا تنسوني بالدعاء ان الله يتمم على خير ياااااااااااااااااااارب

السلام عليكم و رحمة الله و بركاته
اختي الهايفة انا اختك هدي من مصر
اولا مبرك علي عرسك و يا رب يتمملك علي خير و يرزقك بالزريه الصالحة
انا من رأي ان الطرحة الطويلة احلي لانها بتميز العروس عن غيراتها و كمان بتدي شكل جميل جدا عندنا في مصر بيمشو مع الموضة و الطرحة اللي انتي بتسالي عليها بيعملوها عندنا بس انا مش بحس بجمال العروسة اما الطويلة فهي جميلة وعامتا جربي الاتنين وشوفي القصيرة ام الطويلة انسب ليكي المهم شكلك مش الموضة
اسفه طولت عليكي بس انا حبيت اقول النصيحة و مبروك للمرة التانيه
(f) (f) (f) (f) (f) (f) (f) (f) (f) (f) (f) (f)

حبيبتي كله حلو ان شاء الله والطرحة القصيرة عملية في الرقص وركوب السيارة ...المهم البسي طرحة وخلاص!!!! لانه صديقتي اشترت طاقية زفاف خاصة للعروس تبي تتميز !!وكانت رح تلبسها وانا لحقتها بآخر ايام قبل عرسها وقلتلها اشتري طرحه احلى للعروس شو طاقية وما طاقية !! العروس حلاتها بالطرحة والفستان الابيض

dodo_dodo
العروس سوسو
تسلمون ياقلبي على راييكم الحلو :clap: :clap:
وبالتوفيق :shy:

الصراحة الطرحة طويلة احسسسسسسسسسسسسسسسسسسسسن
مب حلوة القصيرة بالمرة
وبعدين خلي عالجوانب مطرزة وفيها رينبو لااااااااااااااااااااااااااامع
ومطرزة
اتطلعج حلللللللللللللللللللللللللللللوة وايد
لا اتسوين قصيرة ابد
مب حلوة علينا احنا الخليجيات
واصلا القصيرة ما تعطي منظر ابد

القصيره حلوه اذا ظبطوها لج عدل
والله يوفقج

عيوني..


الطرحه الطويله أحلى لنا العرب..


لأن التسريحه تكون كبيره نوعاً ما..والمكياج ثقيل..


وإنتي لو تلاحظين في الأفلام..إن الغرب لما يسوون طرحه قصيره..يكون المكياج ناعم مره..ويادوب يبان..وشعورهم بدون تسريحه..أو مسوين حركه بسيطه لمقدمة الشعر..


والطرحه القصيرة ما تقدرين تتحكمين بشكلها..


يعني بتحطينها أخر التسريحه..وخلاص...


وإذا كانت تسريحتك نازله شوي..بيطلع الشكل مو حلو..


بس الطرحه الطويله غير..

تقدرين تسوين تسريحه على جنب..وتحكين الطرحه ملفوفه على راسك..بالعكس مع التسريحه..


يعني نهاية شكرك جايه على كتفك اليمين..لفي الطرها بحيث إنها تنزل على كتفك اليسار..


هذا اللي هالبين عليه الحين..


وكل ما أروح زواج او أشوف عرايس بكوافيرات..حركاتهم كذا..مع تغيير بسيط..

تقدرين مع الطرحه الطويله تسوين حركه كأنها ملمومه ومرفوعه شوي..تحت إذنك..وتحطين وسطها إكسسورا..أو ورد طبيعي مثل اللي بالباقه..

أو تطوينها وتخلين طرف أطول..ومن تحت التسريحه تنزل..


بتكون كأنها طبقتين..


عشان يغطونك فيها قبل ما يجي المعرس..ويرفعها لك..


وإن شاء الله ألقى صور توضح اللي أقصده..




بالتوفيق..والله يسعدك..


في أمان الله..

هلا أختي
ألف مبروك والله يتمملك على خير يا رب بالنسبة للطرحة أنا أشوف الطرحة الطويلة من الخلف وقصيرة نوعاً ما للخصر بتكون أحلى وأنا عرسي قريب بعد ان شاء الله وجالسة أدور عن فساتين أعراس كشخة حتى أخذ فكرة أوسع فإذا عنك شيء حلو ياريت نستفيد من بعض ومبرك مرة ثانية عسى تتهنين يارب وتكون لك زواجة السعد

هلا اختي الف مبروك والله يتمم عليج يارب


بصراحه الطرحه الطويله احلى لانها تعطي هيبه للعروس

ألـف مبروك اختي الهايفه وان شاء الله تتيسر امورج وتطلعين اجمل عروس

انا عرسي بعد العيد وفكرة الطرحه قصيره تنحط على الشعر من جدام مثل الطرحه الطويلة بس نهايتها تتثبت على الأكتاف شكلها جدا راقي وملكي .. والذيل يتثبت على الخصر ..

الطرحه القصيره دارجه هالأيام والتاج بعد ..

اتمنى لج التوفيق (f)

بالتوفيق يالغالية

انا مع الطرحه الطويلة راح تطلعين انعم واحلى

وانتي وذوقك يالغالية

الله يسعدك يارب

طويييييييييييله أحلى وتكون أطول من الفستان

بنت خالي سوت طرحه قصيره طبقتين و وحده أطول من التانيه وكانت دانتيل طلع شكلها مرررررررره بايخ

العيــون الذباحــة:
اختي الهايفة مبروك عليج عرسج
اذا تبين رايي الطرحة طويلة احلى تعطي طلة و هيبة للعروس
وبعدين الحين في حركات حلوة مثل انج تسوين الطرحة على جنب و بالاخير الناس اذواق :shy: :shy: :shy:

نفس رايي

من رأي الطرحه الطويله احلى

تقدرين تخلينه مشبوكه في الفستان
او صوب طويل وصوب قصير