الطلاق

طيب زوجها وش رايه بالموضوع

وهل ابدا تسامحه وتراجعه عن الهجران والا لا ؟

ابغض الحلال عند الله الطلاق

انا من رأى تتكلم مع جوزها ويتفاهموا

وربنا يوفقها للى فية الخير ليها

[grade="00008B FF6347 008000 4B0082"]اذا عنده النيه انه يعوضها الفتره اللى فاتت بلاش تهد بيتها وتشوف هيعمل ايه اما اذا كان مش حاسس اصلا انه مقصر ومش ندمان على بعده عنها فالطلاق هو الحل الوحيد يعنى عشان تبدأ حياتها من جديد مع حد يقدرها ...وربنا معاها ... وجزاكى الله خير على وقوفك جمبها[/grade]

اظن الحرم ادرى بحالها قوليلها تستخير قبل لا تاخذ اي قرار

هو دايما يقول لها انه عارف انه مقصر معها وانه ظالمنها وانه انه وانه لكن يقول لها ما باليد حيلة هذي ظروفي حاليا واتمنى الله يحل الموضوع ان شاءالله

لكن هي عايشة تحت ضغط الاهل والناس الي دايما تتسائل وين الزوةج وليش ما يزورهم وليش وليش وليش انتوا عارفين الناس والمجتمع

حتى اهلها كلامهم تاعبنها صح انهم مع بنتهم وزعلانين عشانها بس مهما كان ظرفها يخليها حساسة لاي موقف واي كلمة وانا بصراحة ما الومها لاي شي بتسويه فهي الحين تقولي شو اسوي اظل على موقفي واطلب الطلاق عشان ارتاح على الاقل ما حد بيسالني ليش ما يزوركم وهل يتصل او لا وهل كذا وهل ذاك هالشي والله له تاثير نفسي على الاعصاب

لكن بصراحة من داخلها اعرف انها ما تبا الطلاق علشان كذا هي مترددة واتتمنى اللحظة الي تشوفه وتقعد معه لكنها مكابرة وتقول انها طلبت منه خلاص مو معقولة ارجع بكلامي بعد ما الحيت في طلبي بس بصراحة قلت لها دوري على طريقة حلوة تخبريه فيها بتغيير رايك حسيت انها تبا تتراجع وخايفة بس لو تعطوني طريقة اعلمها فيها كيف تراضيه وتتراجع بكلامها عن الكموضوع وياه طبعا قبل ما يتم كل شي

دام هو حاس بالتقصير و عارف

وهيه عارفة انه غصبا عنه ماعليها من الناس

و تستخير و تنتظره اذا تحبه فعلا و هي زوجة مضحية

لانه الناس ماراح يفيدونها و الناس عليهم من الظاهر بس

و ما راح يعوضونها اذا هي خسرته

و راح اذكر لج موقف في وحدى اعرفها ظل زوجها مسجون يمكن اكثر عن ست شهور

و شوفي مدى عظمة الحرمة هاذي ابدا ما طلبت الطلاق و ظلت تستنى صحيح تعبت كثير

بس تحملت عشان عيالها و هذا هو طلع الحينة و ان شالله يعوضها كل اللي فات

الراي في الاول و الاخير لها

بس نصيحتي لا تستعجل و ما عليها من كلام الناس لانه الناس ماراح يفيدونها يوم بتحمل اسم مطلقة

و ليش ما تحاول هي تزوره :) لين ربي ايسرها

بس تعرفي الضغط النفسي على الشخص شو يسوي لكنها حاولت وكانت حابة انها تروح له بس للاسف ابوها وقف ضدها وماخلاها تطلع من البيت وتروح له قال لها ماشي روحه لو يباج هو الي يجيه هنا مو انتي الي تروحي حاولنا نفهمه انه هو غصب عنه وان شغله والقانون بس ابدا مو راضي يفهم مو مصدق هالكلام هي قالت بروح اقعد معه لو يومين على الاقل تريح اعصابها وتقعد وتتفاهم وتعرف لمتى هالوضع تعرفوا كلام التلفون ابدا ما ينفع حتى اني سالت الشيخ في اتلمنتدى هل على الاب اثم لو منع الابنة من الذهاب للزوج لكنه للاسف لم يرد علي ربما لانشغاله
المهم الحين بسبب ما حدث وبسبب ما فعله والدها ورفضه للذهاب اليه قالت خلاص ما اقدر اعيش بهالطريقة الطلاق احسن واريح لي

ومثل ما قلت لكم هي تباه لكني قلت خليني ادور لها على طريقة تخبره فيها انها تحبه وما تبا تتطلق طبعا هي قالت مستحيل طلبت الطلاق مباشرة واصريت عليه وفجأة اتصل واقول لا ما اطلقني مو حلوة

انا قلت عاد لو احصل لها طريقة مثل مسج كلام حلو اي شي من تفكيركم ترسله له او اي حركة تسويها علشان تبين له انها تحبه وما تبا الطلاق

بس طبعا نبا الحل الموضوع اليوم قبل بكرة تعرفوا احنا ما نعرف متى ممكن يروح المحكمة ويطلق اليوم بكرة الله اعلم فنبا نتدارك الوضع

اذا تطلقت حبيبتي بثبت عليهم كلام الناس يعني بدل ما تصير اشاعات ما لها اصل تصير حقيقية

وانا بصراحة ما بعرف شو هو قانون العمل !! اول مرة اسمع في !

وان افضل انها تتصالح مع زوجها ويلاقوا حل ... ممكن تبعثله مسج

((( انا آسفة يا زوجي الحبيب على تسرعي وعلى طلبي الطلاق منك وانا اعرف ان كل الذي تفعله وتغربك عني هو من اجلي ومن اجل ان توفر لي حياة كريمة ، صدقني لم يكن طلب الطلاق نابعا من قلبي ولكن من شدة حبي لك وعدم قدرتي تحمل العيش بدونك تفوهت بالكلام المر رغما عني ، وانا مازلت احبك ومستعدة ان اضحي بعمري من اجلك ...امس ، والآن ، وللأبد ... يا اغلى الناس .... زوجتك المشتاقة .....)))

خالتي زوجها بشتغل في الامارات وهي ساكنة هي واولادها في بيتهم في فلسطين ما تشوف زوجها الا باجازات المدارس بسبب ظروف عمله وتقعد معاه على الشات ... وهي تشعر بالوحدة ولكن اولادها وجيرانها مو مقصرين ودايما عاملين عزايم للاقارب وجلسات حلوة

الله يصبرها يا رب

شكرا على ردك

السلام عليكم

واللهي يا اختي ابغض الحلال عند الله الطلاق ، خليها تستخير وماخاب من استخار الخالق وثبت وشاور اولى الامر منهم 0


والله يوفقها ان شالله 0


الكاسكو

اختي قلوب تعرفين شو مشكلتنا نحن في المجتمع العربي
اننا نعطي لكلام الناس اهمية ونحط لهم وزن ونحسبلهم الف حساب
لين نخرب بيتنا بايدنا وهم بس يتطمشون ويكملون حياتهم ونحن نموت قهر ..
قولي لاربيعتج تستهدي بالله ولا تخرب بيتها بايدها وتسمع كلام علان وفلان
البنت ما تزوج عشان تتطلق على اشياء مثل هذي .. قبل الطلاق الواحد يسوي
ويفكر بمليون شغله وان لقى كل الابواب مسدوده وبعدين يفكر بالطلاق ..
والله سبحانه وتعالى حط للانسان حلول قبل لا يلجأ للطلاق .. الريال قاعد
يشتغل عشانها عشان بيته ومستقبلهم يعني تقدر شوي ظروفه والزوجة العاقله
والذكية تشجع زوجها عالشغل وفي نفس الوقت ادبر امورها وتعرف كيف تجذبه لها
وتخليه ما يستغني عنها .. وفوق كل هذا تدعيله بالصلاح والتوفيق .. خليها تسد باب
بيتها على نفسها وما عليها من كلام الناس الفاضيين اللي ما وراهم غير الهم والفشل
وتقعد بينها وبين نفسها وتفكر في مصلحتها ومصلحة بيتها ولا تكون انانية ..
او انها تستشير حد من اهلها عاقل وفاهم يكلم زوجها .. والله يوفق ويصلح الامور بينهم ..

ياليت توضحين اكثر زوجها ليه هاجرها ليه مايجيهم ؟؟

هل هو مسجون والا كيف بالضبط ؟؟

اتمنى توضحين السبب اللي يخليه مايتواصل معهم لكن يحبهم !!

عشان نقدر نساعدها

!!!!!!!!!!!!

لا اختي ما هو مسجون الحمدالله بس شوفي هالرابط بتفهمي وبتعرفي المشكلة

http://www.3roos.com/forums/showthread.php?t=192283

السلام عليكم ورحمة الله وبركاته

و الله أختي قلوووووب إحترت مع صديقتك...

شوفي...هي الناس لها مقدرة على التحمل...و هذه المقدرة تختلف من واحد لآخر...

يعني مثلا فلاة ما تقدر تتحمل هذا الوضع...لكن صديقتك تستطيع أن تتحمله...

لذلك...ما في فايدة من شكواها أختي...هي راضية باللي يصير...و لما فكّرت مرة تثور و تطلب حقها...علطول رجعت في كلامها...

ما عرفت حتى الآن...ما هو رد فعله بعد هذا الطلب ؟ هل رجع تكلم أو ناقشها ؟

و أبوها معاه حق 100%...ليش الذل ؟ مش بنت ناس هي يعني ...واللا ما تستاهل ييجي بيتها يقعد مع أبوها و يحل هذا الموضوع ؟