سؤال عن سودوكريم

شوفي صح سودوكريم مهب واقي بس يعالج الاتهبات بقوه بصراحه ممتاز بس انا احطه كل

ماغيرتله البابرز والافضل تغير الحفاضه كل ثلاث او الربع ساعات وبنسبه لمبرز انا استخدم المعروف

بصيدليات لاكن مادققت بلاسم بصراحه

مرحبا اختي خرزة زرقة...

شوفي اختي.. مثل ما قالت لج اختنا.. سودو كريم فقط لمعالجة الالتهاب.. مو للوقاية منه.. فيه كريمات مخصوصة في الصيدلية للوقاية من الالتهاب في منطقة الحفاض... عن نفسي استخدمت VASOGEN عصارة لونها وردي والكريم لونه ابيض عادي... او تقدرين بكل بساطة تحطين طبقة خفيفة من الفازلين.. بدل الكريمات الواقية..

اهم شيء اختي عشان تتفادين الالتهاب انج تبتعدين عن الاشياء المسببة له:

اول شيء التهوية، وهو الشيء اللي تسوينه مثل ما ذكرتي... ربع ساعة كل يوم كاااافية ..

بعد عندج تبديل الحفاظ كل 3 ساعات.. لأن الطفل الحين تغذيته كله سوائل .. فتكون كمية الابوال عنده كبيرة... لازم تبديل الحفاظ اول باول وعدم تركها مدة اطول من 3 ساعات عشان ما تصير فرصة لتكون الالتهاب...

بمجرد تبرز الطفل سارعي لتبديله.. لا تتركينه بالحفاظ.. حتى لو كان بالليل وانتي تعبانة...

لا تستخدمي المحارم الورقية المبللة او الرطبة لتنظيف الطفل .. حتى لو كان من الابوال فقط... الماء الجاري هو الافضل لنظافة الطفل... اقتصري في استخدام المحارم في الطلعات او السفر..

نوعية الحفاظ اللي ذكرتيها زينة.. وانا استخدمها لطفلي من ولادته الى الحين وما غيرت :) التهوية فيها ممتازة وما تسرّب.. وعيبها فقط وجود رائحة كريهه فيها ... اذا حسيتي ان نوعية الحفاظ هي السبب في الالتهاب.. تقدرين تغيرين النوعية.. اسمع يمدحون بامبي.. بس بصراحة ما جربتها.. :)

مثل ما قاالو البنات ماشالله ما قصروا

ماشاء الله الأخت جمانة ماقصرت..

سودو كريم لمعالجة الطفح وليس للوقاية منه،،، الحين بهالسن المشكلة الطفل يتبول كثيرا، لأن غذائه يعتمد على السوائل،، فماراح تقدرين تتركينه كثير بدون حفاظ، بس حاولي كل فترة تخلينه يكون تتهوى المنطقة..

يمكن الحفاظ مايناسبه، شوفي نوع ثاني (هجيز او بامبي)، بالنسبة لتجربتي، البداية كنت أستخدم هجيز بس مقاساته غلط، من عمر التسع شهور غيرت له إلى بامبي، وايد أفضل ومايسرب وفيه مؤشر للبلل....

السلام عليكم شوفى يام البيبى يمكن انو المشكلةفى نوع الحفاظ اصلا ومو لازم يكون بامبرز عشان يناسب طفلك ياريت اكون افدتك بشى وبس

هلا حبيبتى
أتمنى افيدج
انا قبل كنت استخدم سودو كريم بس ما حسيت في اي نتيجه يعنى لما يصير عنده احمرار ما كا يفيده ابداً .. واستخدم له كريم درابولين عسب يشيل الاحمرار .. لكن اذا ما فيه احمرار .. بعد ما تغيرين له الحفاظ حطي لي كريم اسمه ( تروفو ) وااايد زسن ويمنع الاحمرار وهو عباره عن كريم يحتوي على مواد طبيعية ..

بس يالغاليه الدكتور يقول بعد ما نغسل الطفل لازم انشف المنطقة زين .. وعقب ما تنشفينها اتركيه بدون بامبرز لمدة 5 - 10 دقايق على الاقل لانه المنطقة اصلا تكون رطبة ولازم يصيبها هواء عسب تنشف عدل وعقب تحطين الكريم .. وبالعكس بامبرز واايد زين بس انتِ اتبعي التعليمات اللى قلتها لج وباختصار كالآتي
1. اغسلي المنطقة
2. نشفيها زين بالفوطة
3. اتركيها لمدة 5 - 10 دقايق على الاقل
4. حطي كريم ( تروفو ) وانتظري دقيقة عسب الكريم يتخلل الجلد
5.البسيه الحفاظ

وما عندج وقت معين لتبديل الحفاظ .. كلما حسيتى إنه البامبرز ممتلىء غيري حق ولدج .. واتبعي اللى قلته لج وصدقينى ما بتشوفين لا احمرار ولا شي .. الكريم هذا واقي يمنع الاحمرار

انا استخدم لولدي سودو كريم مرتين باليوم وخصوصا لما اعرف انه بينام وقت طويل علشان ما يصير له التهاب من الحفاظه

و استخدم له بامبرز العادي

و التهويه ظروريه مرتين باليوم

اول ما يصحى الصبح اهويه لانه يكون نايم نومه طويله و البامبرز حر على جسمه
و التهويه الثانيه العصر بعد نومة الظهر


و سودو كريم لا يعلى عليه

المبدعة وسحايب دبي مشكورات عالرد واشكر الاخوات الغاليات على التواصل

والمبدعه صراحة نصايح اوكيه وانا بلتزم فيه اكيييييييييييييييييييد بس الاحظ سودوكريم يفيد ولدي بس اذا مانفع ع الايام بغير ان شاء الله

المهم أنك تحطين له كريم دايما كل مرة قبل ما تلبسينه البامبرز، عشان يسوي طبقة عازلة عن البلل.......
عني أنا أستخدم "سيباميد إكسترا سوفت" للوقاية، لكن إذا صار له التهاب استخدم سودو كريم، وهو الوحيد اللي نفع ولدي...

البامبرز أبداااااااااااا ما ناسب ولدي، يسويلة حساسية فظييييييييييع، كأن جسمه محروق بسم الله عليه، أستخدم له هجيز "اللي لونة أزرق مع أخضر"، لأنه في نوعين والنوع الثاني أرخص بس وايد يسرب.....