انا ام يديدة وتعبانة ساعدوني

الحمدلله على سلامتج ومبرووك عليج البيبي ان شالله

حبيبتي الي تمرين فيه عادي ..

يعني التعب والسهر طبيعي .. واللا كيف بتكونين ام هههه

الأطفال بها العمر نومهم ما يكون منتظم يعني لو شو سويتي كل يوم بتحصلين نومه شكل .. عشان جي يفضل في هالفترة انه حد يساعدج فيه وادري انه في اغلب الأوقات صعب ..

ولا تنسين ولدج في هالعمر الغازات بتأذيه واااايد وممكن صياحه وترفيسه عشانها ..فوديه لدكتور يوصف له دوا مهدي للغازات ..

اما بالنسبه للبراز ممكن مثل ما قلت الغازات .. بس احسن وديه وتطمني ..

والسبوح مب لازم كل يوم .. يوم ورا يوم لأنه ياهل ما يوصخ عمره بشي ..

بس بالنسبه للنوم تحملي شوي بتتعبين لين يتعدل رقاده انا مابا اصدمج لكن هههههه ولدي عمره سنه و شهرين من انولد لليوم يمكن 5 مرات الي رقدهم متواصل من الليل للصبح هههههه

صح سمعت انه يفضل انه الأم ما تشرب منبهات لأنه يكون في حليبها وبالتالي الياهل يرضع فجربي تودرين الشاي والقهوة يمكن تكون نظرية صح
والله يعينج

اختى تعوذى من ابليس الطفل فى هذا العمر لازم تكون نومته متخربطه وبالنسبه للرضاعه عادى لانه مو متعود ولازم تعلمينه على الرضاعه الطبيعيه لاها تقوى مناعه الصفل ونصيحه منى علميه على الرضاعه الطبيعيه لان انا ولدى ما علمته على الطبيعيه فتعود على الصناعيه واصبح ما عنده مناعه كل شوى مريض وبالنسبه للبراز فهذا شى عادى قاعد يطلع الوصخ الى كان داخل البطن والسائل البنى هو الوصخ فلا تخافين اختى او تحاتين بيكبر انشاء الله وتنسين

الف حمدلله على سلامتج والاخت عيون ما شاء الله عليها ما قصرت معاج.. وانا معاها في اللي قالته لج.. الامر طبيعي... عيل شلون صارت الجنة تحت اقدام الامهات الا من التعب والسهر اللي تبذله خلال تربيتها للطفل...

عموماً بعد اكماله الاربعين راح ينام ساعات متواصلة اكثر... حتى لو كانت بالنهار تقدرين ترتاحين خلالها.. والله يوفقج ويعينج على التربية واي استفسار احنا حاضرين لج..

كان الله في عونج.... انا حالي مثل حالج ما يسر.... في هالعمر الأطفال يحتاجون الى عيون ما تنغلق..وقلب ما يتعب....بس صدقيني بعد 3 اشهر راح تلاحظين الانتظام في الطفل..وبالتالي بينعكس عليج أختي.....

والله يخلي لج الصغير...

اختج كنوز

الله يكون في عونج .. بس كلنا مرينا بهذي الاشياء عادي ....خليج صبوره وكلما يكبر بيهدا وبتنسين هذي الايام . ..لما تشوفينه يكبر ويبتسم ويحاول يناديج..

انتي حاولي شوي شوي تنظمين جدول الرضاعه و النوم يا حبيبتي

اولا التعب شي عاديكل ما يكبر شوي بترتاحين اكثر و اكثر

بلنسبه للرضاعه حاول تخلين رضاعته كل ساعتين ولو حصل و تم يصيح في وقت غير وقت رضاعته عطيه ماي دافي شوي او شاي

و يوم بيي وقت رضاعته عطيه الحليب

يوم بترضعينه تاكدي قبل الرضاعه يكون البامبرز نظيف و ملابسه مريحه و لفيه و بعدين نيميه بطريقه مريحه و رضعيه علشان يرضع و ينام مرتاح

و بالنسبه للنوم نظي نومته و اذا كان يبغي ينام في وقت غير وقت النوم جربي تخلينه من دون بامبرز و بملابس خفيه و لا تلفينه خليه يرتاح بتشوفينه ما بيرقد و بعدين وقت النوم سبحيه و ليه و شربيه حليبه و رقديه في مكان مب بارد و لا دافي جو معتدل و بتشوفينه بيتعود على النظام اللي انتي تسوينه و عقب بيرتاح و بترتاحين

و من الساعه 7 الين الساعه 10 المسا لا تخلينه يرقد لاعبيه و مسحيه و تحري في لين الساعه 10 بعدين غسليه و بدلي عنه و رضعيه و حطيه في فراشه بيرقد لج ساعات متواصله

و الله يبارك لج فيه اي استفسار ثاني نحن حاضرين

شكرا لكم عالردود والتواصل.........بس انا مب مضايجة من قله النوم بس اتحرى هو في شي لانه طول الليل ماينام


واكيد تعبنا واخر شي حصلنا البيبي لازم نهتم فيه ومانهمله وصراحة امي مسمتني بوعيون من كثر ماراقب ولدي


وسحليب دبي كلامج سمعته من صديقة فيعني اكيد في نتيجة بجرب طريقتج وشكرا لج

[frame="7 80"]عزيزتى اللى اتمرين فيه شى طبيعى كل الاطفال فى هالعمر ايمرون فى هالمرحله وبالنسبه لعدم ا
لنوم بيتعدل نومه انشالله ونفس الشى بالنسبه للرضاعه .......
.الله ايخليه لج ويكبر وتشوفينه معرس انشا لله[/frame]

ولدي عمره شهر ونص العمر كله يارب.........بس مشكلته عنيد وقت الرضاعة لما ارضعه يصرخ ويرفس ليش ماادري بس مب كل الرضعات اوقات

وابي اعرف انا الاحظ ولدي كل حين يبي يرضع كل نص ساعه واستغرب منه لما كنت بالمستشفى كان يرضع بعد كل ساعتين او 3 وكنت اعطيه من الصدرين

بس الحين اعطيه صدر وعقب لما يصيح اعطيه صدر غير لانه مافيني حليب وايد لاني مااتغذى عدل


فهل سبب جوعه اني ارضعه من صدر واحد وشو تنصحوني عشان اخليه مايرضع كل حين

بس لاتنصحوني بالصناعي لاني قاعدة بالبيت ومااشتغل يعني عادي اعطيه طبيعي....اتريا ردودكم

[glint][grade="00BFFF 4169E1 0000FF"]حبيبتي عادي هذا أمي الله يطول بعمرها كانت تعاني مني مره بس شوفي إذا مافيه شيئ يوجعه
يعني بطنه أو أذنه


لاكن الله يهديه ويجعله من حفاظ القرآن يارب [/grade][/glint]

شكرا لج اخيه اتريا رد الاخريات

انا و انت بالهوا سوا خاصة انه عمر ابني من عمر ابنك تقريبا
المهم انا انصحك تحمميه بماي دافية قبل النوم ورضعيه منيح وجربي انك تنيميه على بطنه
انا في البداية كنت اخاف انيمه على بطنه بس الدكتور طمني و اشوف ابني يقدر يحرك راسه من اليمين للشمال عادي بس رغم هيك عيوني عليه عشرة عشرة و هو ينام بسريره الملاصق لسريري .

ما شالله الاخوات كفوو ووفو وما عليكي الا بالصبر والله المستعان

اللي تمرين فيه أختى طبيعي كلنا مرينا فيه، الفترة الأولى صعبه ماكنا انام فيها ونومنا متقطع، بس لما يكبر الطفل تشوفينه يتغير من ناحية النوم..
ماشاء الله الأخوات ماقصروا معاج وامعندي شي أزيده على كلامهم،،، حاولي تنظمين نومه، بين المغرب إلى الساعة عشر حاولي تخلينه صاحي وبعدها نوميه يكون ترتاحين أنت بنومتج..
الله يبارك لج فيه...

اختي الغالية ولدك مو عنيد بالرضاعة بس ولدك صغير ولما يعصب هو ويرضع معناه انه ينمغص
فتلاقيه بدو يرضع وبنفس الوقت ممغوص لان المغص هذا معروف بمغص الثلاث شهور بقى لا تخافي

واختي كل ما رضع الولد منك اكتر كل ما استفاد اكتر واكتر وانتي كمان تستفيدي برجوع جسمك كالسابق
ونصيحة لا ترضعيه من صدر واحد نصيحة اخت لاختها بكرا انتي اللي تتضرري ويصير عندك صدر اكبر من صدر والفرق حيكون كتييير واضح

كللي واتغذي عليكي بالحليب وحطي معه جوز هند والله طعمه رااائع ويكثر الحليب اللي فيكي
واكثري بالبقدونس والخضرة

حرام ابنك مسؤوليتك اذا انتي ما اكلتي زين هو مارح يشبع وبالتالي مارح يصح
الله يحفظلك ياه يااارب ويقويكي انتي كمان
اسفة على الاطالة اعذريني

شكرا لكم على النصايح الحلوة

أولا ممنوع تنومينه ع بطنه ..ليش؟؟؟
انا اقولج لو استفرغ و انتي مو حوليه بينكتم و نفسه بيضيق...
نومي ع جنب احسن شي او اسنديه بقطعة ع جنبه افضل
بالنسبةللنوم قوميه الساعة 8 الليل و لا تنموينه لعبيه ازعجيه ما تيجي الساعة 11 الا و غرقااان نوممم
جربي و خبرينا
بالنسبة للرضاعة مو كل ما فتح فمه عطيتيه الصدر لا خليه يجوع زين و بعدين رضعيه و اذا يرافس كثير يمكن خشمه مسكر من الزكام

مرموقه كلامج صحيح انا اشوفه يرافس وصج زكمان .....بس بخصوص النوم ماشي فايدة الحين صار كلش مسكين ماينام بس يرقد ساعه ويقوم اي وقت بنام فيه بس ساعه وخلاص ماادري ليش وحتى يكون صاحي المغرب من 6 لين و1 بالليل ويرقد من الساعه وحده لين 2 ويقوم لين الصبح وبعدين ينام ساعه مااعرف ليش ........؟؟؟؟؟؟؟؟