مرحبا بنات :salam:
تصدقون انا صارلي 9 سنوات متزوجة وكنت فاشلة في الطباخ لمدة 4 سنوات تقريبا :sad: وبعدها ( سبحان مغير الأحوال ) صرت ولا اجدعها طباخة :shy:
واليوم عندي لكم طريقة عجينة البيتزا والمعجنات ورفيجتي قالت انها سوتها (جباتي ) فوق الطابي :ok:
المقادير:
3 أكواب طحين فاخر ( الكويتي )
3 ملاعق طعام حليب بودرة
1ملعقة طعام سكر
نصف ملعقة صغيرة ملح
1 ملعقة طعام خميرة فورية ( الحبوب الناعمة مو الكبيرة )
ربع كوب زيت
كوب وربع ماء
الطريقة:
خلطي المكونات الجافة وضيفي عليها الزيت وبعدين الماي بالتقسيط يعني يمكن تحتاجين اقل من كوب وربع الماي ويمكن شوي ازيد لين تكون عجينة متماسكة وما تلصق باليد
عجنيها مدة 5 - 10 دقايق وخليها تتخمر لمدة ساعة
وإذا حسيتيها تتلصق باليد رشي طحين شوي عليها من فوق
وبعدين سوي اللي تبينه واذا تبون ياعطيكم حشوات للمعجنات والبيتزا
وبالعافية :clap: :clap: :clap:
