وسوني بهمي بالدعاء فإن حالتي لايعلم بها إلا الله عز وجل

لقد كثر بقلبي الهم ولاملجأ اللي إلا الله عز وجل الذي لاإله غيره فأنا في حالة ضيق مادي شديد فلا استطيع توفير إحتياجاتي الضروريه حتى والله لوقولكم ماعندي ثمن الصابون حق وجهي تدرون لي اسبوع ماغسلت وجهي والله ماضحك معاكم ولكن فعلا انا ماديا محتاجه لاتظنون اني اعلمكم كأي اجد مال من احداكم لا والله حشى نفسي فلدي عزة نفس لاأقبل المال من اي كائن يكون ادري بتقولين روحي لأهلك اصلن اهلي مو مره حالتهم يعني وسط وإذا طلبت لااجد شي الحمدلله على كل حال غيري مو لأقي يأكل بس هناك ضروريات والله ياجماعه مولاقيتها انا دوبني تخرجت وحاول اني ألقى وظيفه احفظ فيها ماء وجهي والله اني اكتب لكم وقلبي احسه يتقطع راحمه نفسي الله يعين بس طبعا انا ماعندي مصروف يمشي لي لا في اليوم ولا في الشهر أول يوم كنت بالجامعه كان عندنا مكأفاه ألف ريال وكنت اسدد فيها فواتير الثابت والجوال الحين ماعندي شي حتى أهلي مايسددون فواتيري مع ان خواتي الباقيات امي تسدد فواتيرهم بس انا لا مع ان فواتيري بحدود المعقول ولقد مره سألتها ليه؟..الحمدلله على كل حال.. ترى ضاقت بي الدنيا الناس تغيروا لاعادهم الناس ولااحد يرحم حتى الأخ معاد يرحم اخوه الله يخرحنا من هالدنيا سالمين طاهرين اللهم آمين بس والله ياجماعه مو بس الضيقه بفلوس تدرون عمري الحين 24 سنه والحمدلله شكلي مااحب امدح شكلي بس حتى الحريم ينهبلون علي بس تصدقون ماجاء يخطبني اي إنسان لاقريب ولابعيد محد جاء يخطب من ابوي ليومك هذا (والله اني قاعده ابكي الحين) دايم اقول اكيد ربي كاتب لي الخيره بس دايم اشوف نظرات ان اللي اصغر منك تزوجوا وانتي الحد الحين قاعده كذا وش اسوي طيب النصيب بيد الله عز وجل انا مابيدي غير الدعاء بس احس فيني ضيقه فضيعه غير كذا عندي احساس محد يحبني عشأن كذا ماعندي صديقات وأغلب صديقاتي يتهربون مني لكلمتهم الله يشهد اني لااحكي بّأحد ولاأسب أحد ولا أحسد احد قلبي صافي بس وش اسوي والله اكتب لكم ودموع اربع اربع حتى امي لعصبت على احد في البيت ماتلقى غيري عشأن تخانقه يعني تزعل على وحده اي احد من اخواني سوء اللي اكبر أو اللي اصغر تجي تخانقني انا وتوجه الكلام لي مادري ليش حتى وحده من قريباتنا كانت موجوده وشافت موقف مثل كذا قالت امك دايم تلومك انتي حتى لومانتي غلطانه وحتى خواتي وخواني يقلون دايم أنتي أكثر وحده ماتحبها امي ليش زين يقلون لي والله دايم تنقال الكلمه هذه حتى دايم اشوف بعيون الناس اللي يقربون لي الشفقه الله يعين بس والله مادري وش قاعده اقول طلعت اللي في قلبي وبس فرحانه مره ان رمضان قرب احب اصلي فيه واصيح ارتاح سامحوني اخذت من وقتكم بس انا مثل الطفل الضايع اللي يدور على احد يمسك بيده ويدله وش يسوي......أبغاك تدعون لي ان الله يرزقني بوظيفه حلوه مره تحفظ ماء وجهي ويرزقني بزوج صالح ينسيني الهم والغم حتى لوماتكتبون اهم شي تدعون لي