@ :: قصيدة مُبكية ( يوم انشدوني عن دموعي ) تفضلوا :: @

[poem font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يوم انشدوني عن دموعي وانا امك=جاوبتهم وابعدتهم عن طواريك
مابغى اجرحك في كلمة تزيد همك=مابغى اقول ان السبب من تجافيك
يوم لمست الصدر في يوم ضمك=نسيت انا اللي حولي وقمت ابكيك
مادري انت عايش وارتجي لمس جسمك=او ميتن واقول يرحمك واليك
ياما سهرت وزاد غمي لغمك=مارتاح ليمن تهتني في لياليك
وياما الى طوّلت نومك اشمّك=واتأكد انك عايشن لي ورجّيك
وياما ازعلوا مني خوالك وعمّك=ياما هجرت اقرب قريبن ضحك فيك
وياما انتظرتك عند بابي وانا امك=واقول في يومن تجيني واحييك
اخاف من يومن يجيني يغمك=ويجيك علمي مع عزيزن يعزّيك
انا على الله داخلة ثم لمّك=ارحم قليبن تالي الليل يشكيك
فكّر بمن هي صابها الضيم وظلمك=واذكر حشا(ن) ضمّك وعسر المساليك
ودّي اشوفك قبل يومي و يومك=لو مرتن بالعام يالله يخليك
مابيك تقطعني اذا امري يهمك=بقعد معك واضحك واسولف واحاكيك
ياوليدي اذكر كلمتن قال ثمّك=لاقلت كلمة يوه قلبي يلبيك
واذكر زمانن به فراشي بجنبك=ولا شكيت تقول يمّه و اسمّيك
ولاشتد مابك فوق كتفي ازمّك=مارتاح لحظة لين ربي يشافيك
والختم لاجتك الرسالة وانا امك=يمّه تجي ولأ انا ازحف واجيك[/poem]