.. آرائكم لا عدمناكم ..

السلام عليكم

خواتي يمكن مشكلتي تكون بسيطة بس محتارة و ابي آرائكم

انا متقدم لي شاب محترم موظف و من عايلة معروفة و ما يعيبه شي
و لو يتقدم الى اي بنت ما راح تتردد في الموافقة عليه
بس انا مترددة اوافق عليه و لا لا

انا والدتي متوفية الله يرحمها و انا حالة مكانها في البيت و في تربية اختي و اخوي
و ابوي رافض يتزوج رغم انه صار على وفاتها سنتين
و اهو مب كبير وايد عمره ما تجاوز الـ 46 سنة
عمتي حاولت معاه اكثر من مرة تخطب له بس اهو رافض حتى زعل عليها
و قال لها اذا بتفتحين هذا الموضوع مرة ثانية لا تيين بيتي و ما بتزوج مرة ثانية

انتوا الحين تقولون وين المشكلة ؟

المشكلة ما اقدر اتزوج و اترك اختي و اخوي خاصة انهم صغار و مراهقين
و ابوي رافض يتزوج و محد بيكون موجود يداريهم و يراعيهم
صح ابوي موجود بس اهو ما يقدر يسوي لهم كل شي
تعرفون في اشياء الريال ما يقدر يسويها مثل الحرمة

شنو الحل برايكم يا خواتي ؟

صح انا صغيرة ( عمري 19 ) بس الوحدة ما تضمن كل مرة ايي لها واحد زين
و بعد ما اقدر اترك اخواني بدون حد يهتم فيهم و ابوي مب راضي يتزوج