بنات عروس محتاجتلكم وايد..في هالسالفة

السلام عليكم يا بنات عروس
ارجوكم تساعدوني في هالورطة
انا بصراحة عندي مشكلة وهي مشكلة انسانه تعز على واااااايد ،وبصراحةمشكلتها معورتلي قلبي ، واتمنى انكم اتسعاعدوني بمشوراتكم .
انا لي صديقة عزيزة على وايد ، نشات في بيئة محافظة جدا وشا الله لها انها اداوم في احدى الدوائر الحكومية في وظيفة حلوة وحساسة ، صديقتي على قدر من الجمال والاخلاق والكل كان يحترمها ويحاول انه يتقرب منها باي طريقة بس هي ما كانت تعطي لاي واحد هالفرصة ، لانها كانت ترفض هالنوع من التفكير ،وكانت محافظه جدا حتى من ناحية لبسها وحشمتها، المهم في مرة من المرات جاها واحد من قسم اخر يطلب منها طلب بخصوص الشغل وكانت اول مرة تشوفه فيها ، بصراحة صديقتي اعجبت فيه وااايد بس ما حبت انها تقول لانه كان مجرد احساس عابر ، الريال شكله جنتل واسلوبه روعة ، المهم بعد كم يوم دق عليها في المكتب وكان مرتبك واايد ، ويسال اسئلة تافهة وما لها داعي ، وسكر ، وبدات اتصالاته تزيد ،ربيعتي كانت ملاحظة بس كانت تقول انها تبا تشوفه لشو يبا يوصل ، وفي مرة من المرات كانت في بنت تسولف عنه ، وطرت انه هالريال متزوج وعنده عيال، طبعا من هالموقف استحرت(عصبت) ربيعتي لان هالموقف حسسها انها تحبه وتغار عليه ، و تضايقت وااايد ، وبدات تفكر فيه بدرجة جنونية ، تخيلو يا بنات كانت ما ترقد الا ساعتين احيانا من كثر ما تفكر فيه ، وكنت اقولها حاولي تسيطرين على نفسج من البداية بس كانت تقول ان شعورها غصبن عنها حاولت تنساه بس ما قدرت ، وكل ما تحاول تنساه رجع واتصل ، طبعا هو يتصل عشان الشغل وما صارحها بشي ابدا لين هذاك الوقت وفي مرة من المرات شافها واقفة مع رفيجتها على باب الادارة اتصل فيها على طول وقالها ليش واقفة عالباب قالت له ليش في شي قالها لا بس مب حلوة توقفن عالباب وخصوصا اذا كنت جميلات بعد ما فينا الادارة تصير زحمة ، تكلم بطريقة ادل على غيرته ،بس بعد ما اعترف طبعا رفيجتي قالت له اعتقد ان هذا الامر خاص وما احب حد يعلق على تصرفاتي ابدا، وانهت المكالمه ، وبعد ما مل ابدا ورجع حق اتصالاته ، وحتى لما كان يجي امكتبها كل زميلاتها في الشغل انتبهوا وقالو لها شفيه هذا جذيه يطالعج ، قالت ما ادري وما علقت ، المهم يا بنات البنت من فترة لاحظت انه تغير وايد وصار ما يدق نفس قبل ولا يهتم حتى نظراته صارت غير، يحاول انه يسرق النظرة عشان يشوفها من غير ما تشوفه ، يمكن في داخله متردد لانه فعلا يبين علي انه يحبها وخايف يصارحها ، صارت الحين هي اللي تركض وراه تخيلو يا بنات انها وصلت لمرحلة انها تبا تعترف له بحبها له عالاقل ترتاح من الجبل اللي فوق صدرها وفعلا اتصلت فيه بس ما اعارها اي اهتمام وكان يتهرب من اي تلميح ، بس هي اصرت وحست انها وصلت لمرحلة ما تقدر تصبر عليه ، قالت له يا فلان حس عاد والله حرام عليك ، قالها انا فعلا في خاطري كلام بس ما ابا اقوله حاليا قالت ليش قال بس مب الحين وقالها انه ياينه خط وبيرجع يتصل عليها بس للاسف ما اتصل من امس ، وهي تحترق تعد الدقايق عشان يدق وكل ما رن موبايلها قالت اكيد هو بس للاسف ، انا خايفة عليها وايد من هالسالفة ،رفيجتي تعبانه واييد والله انها غامضتني شو الحل معاها ساعدوني يا بنات ، لا تقولون تنساه الحب يا بنات عذاااااااااب ومستحيل تقدر تنساه بهالسهولة خصوصا اناه صابرة عليه من كم سنة ولا نطق