وينكم بنات البحرين..ساعدوني بتجهيز عش الزوجية

وينكم يا اهل البحرين تردون على موضوعي؟؟؟؟

هلا اختي

روحي هوم سنتر او هوم بيسكس عندهم اشياء حلوة و اسعارهم زينه
وسمعت في محل على شارع البديع عنده اثاث حلو بس ماشفته الصراحه

و محلات الاثاث وايد يعني ماتتوهقين روحي احمد شريف اسعارهم زينه و حتى الدفع بالتقسيط يكون .

و الاجهزه الكهربائيه ليش ماتنطرين لي مايصير تخفيضات احسن و ادوات المطبخ روحي السعوديه عندهم اشياء حلوة و رخيصه .

و الفساتين في مدينه حمد في محل ياجر فساتين او عندج رومان دزاين انتي تصممينه و ياجرونه عليج .

هذي اللي في بالي الحين و ان شاء الله البنات يساعدونج

أمونة إختي ألف ألف مبروك...
ترى حالي من حالج داير راسي من اللف مع ريلي على محلات الأثاث تكسرت ريولنا و ما عجبنا شي بصراحة محلات الأثاث كله منزلين أطقم نوم دفششششششششششه ما تنفع لشققتنا لأنها نتفه وايد صغييييرة....

شرايج يا أمونة نتباحث فهلموضوع و نساعد بعض و نبدا شوي شوي ... يعني أول شي طقم النوم و عقب ما خلصنا النوم ننتقل للصالة و هكذا لينما نوصل للبس و خرابيط البيت من إكسسوارات و غيرة..؟؟؟؟

على فكرة لا تعورين راسج مع الأجهزة لأن معظمها بتييج هدايا..

وينكم يا اهل البحرين تردون على موضوعي؟؟؟؟

مبروك حبيبتي ويارب يسعدكم ويهنيكم

بالنسبة للمفروشات أنا مثل حالتكم داير راسي على أثاث راقي وفي نفس الوقت بسيط وناعم
ناس وايد نصحوني أروح السعودية بس نا متأكدة ان في بالبحرين بس وين ماعرف ..!

الفستان أنا دايم أفصل عند رومان ديظاين وإذا ما تبين عندج محلات وايد بشارع البوكوارة
وفي محلات وايد للإيجار يعني بارزين بس ما أنصحج فيهم .. فصلي ولبسيه اللبسة الأولى بوايد أحسن

الكوشة أنصحج تروحين الشبكة اللي في سنابس أو تصممين عند جندل اللي في السقية
عندهم وايد أفكار حلوة وجديدة ويصمم لج الشكل اللي تبينه

أدوات المطبخ أنا كلهم من هوم سنتر ومنازل سواء تجهيزات السفرة أو الأدوات الكهربائية
وحتى الستائر تحصلين في هوم سنتر أو جي سي بيني اللي في السيف

أتمنى أكون أفدتج وربي يبارك لكم

أم أسووله:
هلا اختي

روحي هوم سنتر او هوم بيسكس عندهم اشياء حلوة و اسعارهم زينه
وسمعت في محل على شارع البديع عنده اثاث حلو بس ماشفته الصراحه

و محلات الاثاث وايد يعني ماتتوهقين روحي احمد شريف اسعارهم زينه و حتى الدفع بالتقسيط يكون .

و الاجهزه الكهربائيه ليش ماتنطرين لي مايصير تخفيضات احسن و ادوات المطبخ روحي السعوديه عندهم اشياء حلوة و رخيصه .

و الفساتين في مدينه حمد في محل ياجر فساتين او عندج رومان دزاين انتي تصممينه و ياجرونه عليج .

هذي اللي في بالي الحين و ان شاء الله البنات يساعدونج

هلا حبيبتي
مشكووورة وايد على مرورج ونصايحج يا الغلا
انه رحت هوم سنتر حق غرف النوم يهبلوون وووووووووووووووووايد بس المشكلة صيني وماليزي
وسمعت عن الصيني ان مع النقل الدايم يتكسر وما يظل على حاله وانه بكون بشقة يعني المكان مو دايم

فقررت انه وخطيبي نسوي نجارة

بس هوم بيسكس مارحته ..بروح له انه وخطيبي وان شاء الله نلاقي في شي حلوو
وبالنسبة للمحل الي بالبديع رحته بس الي فيه اشياء ناعمةة وايد وايد ولون واحد


بالنسبة لاحمد شريف رحته قلبووو وعجبنا بعض الاثاث الي عندهم حق الصالة بس قلنا بنخليه لنهاية يعني اذا ما حصلنا احلى بنرد له

انزين انه ما عرف متتى التخفيضات حق اشتري الاجهزة الكهربائية

بالنسبة لادوات المطبخ فكرة حلوة بروح اشوفهم من السعودية

بالنسبة للفساتين انه شفت شغل رومان دزاين بصراحة شغل عدل وروعة واحتمال اتاجر منه
انه عاجبيني بيني وبينج فساتين كيدي لكن كيدي ما ياجر وحسافة على فستان العرس ابيض وما راح استفيد منه بعدين بيظل مخزن بس

انه فستان خطوبتي من الخطوبة للحين مالبسته وعشان جي ما راح اشتري فستان عرس وابي اتاجر

انزين ما قلتي لي اش رايج بالاثاث اذا شريته من السعودية تنصحيني فيه؟ ولا شلون؟
واذا تنصحيني فيه؟ شنو المحلات الي تنصحيني فيها وعندها اثاث وايد حلووو وسعر مناسب؟؟
واكون لج شاكرة عمري
وتسلمين يا الغالية ولاتحرمينا تواصلج

اَخر العنقود:
أمونة إختي ألف ألف مبروك...
ترى حالي من حالج داير راسي من اللف مع ريلي على محلات الأثاث تكسرت ريولنا و ما عجبنا شي بصراحة محلات الأثاث كله منزلين أطقم نوم دفششششششششششه ما تنفع لشققتنا لأنها نتفه وايد صغييييرة....

شرايج يا أمونة نتباحث فهلموضوع و نساعد بعض و نبدا شوي شوي ... يعني أول شي طقم النوم و عقب ما خلصنا النوم ننتقل للصالة و هكذا لينما نوصل للبس و خرابيط البيت من إكسسوارات و غيرة..؟؟؟؟

على فكرة لا تعورين راسج مع الأجهزة لأن معظمها بتييج هدايا..

اي والله .. حاسة فيني يا عمري.. عشانج متوهقة مثلي..والله مو عارفة شسوي..
انه وخطيبي وقفنا ندور بالبحرين لان وصلنا لحالة ياس مو عاجبني شي.. وانه ذوقي صعب .. بس احب الاشياء اليديدة والاستايلات الغربية والاثاث القديم.. وبنفس الوقت نبي نسعر عدل

على رايج يا قلبي نسال مع بعض لين مانوصل لحلول تفيدنا مع بعض..

مثل ما قلت غرفة النوم فكرت اشتريها نجارة من محل ..والصالة لحين متوهقة انه وخطيبي على سالفة السوفا يعني مو لاقية سوفا سعر زين ويهبل

انه عارفة الاجهزة بيبونها هداية بس ما دري انه شراح ايبون بالضبط واعتمد عليهم واتوهق بعدين اخاف هههه
بس نصيحة ام اسولة شكلها حلوة
ما فكرت ابد بالادوات اشتريها من السعودية
والحين صار في بالي اخذها من هناك
بس شفت في هوم سنتر ووووووووووووووووووووايد يهبلون

بالنسبة للاجهزة وايد بحاتيها مو عارفة متى تكون تخفيضات ههه

مشكورة يا الغالية
يلا نساعد بعضنا
والف مبروك لج بعد انتي يارب

الفرس:




مبروك حبيبتي ويارب يسعدكم ويهنيكم

بالنسبة للمفروشات أنا مثل حالتكم داير راسي على أثاث راقي وفي نفس الوقت بسيط وناعم
ناس وايد نصحوني أروح السعودية بس نا متأكدة ان في بالبحرين بس وين ماعرف ..!

الفستان أنا دايم أفصل عند رومان ديظاين وإذا ما تبين عندج محلات وايد بشارع البوكوارة
وفي محلات وايد للإيجار يعني بارزين بس ما أنصحج فيهم .. فصلي ولبسيه اللبسة الأولى بوايد أحسن

الكوشة أنصحج تروحين الشبكة اللي في سنابس أو تصممين عند جندل اللي في السقية
عندهم وايد أفكار حلوة وجديدة ويصمم لج الشكل اللي تبينه

أدوات المطبخ أنا كلهم من هوم سنتر ومنازل سواء تجهيزات السفرة أو الأدوات الكهربائية
وحتى الستائر تحصلين في هوم سنتر أو جي سي بيني اللي في السيف

أتمنى أكون أفدتج وربي يبارك لكم

الله يبارك فيج يا الغالية
وعسى ربي يسعدج ويهنيج

فديتج والله
اي والله يا الغلا.. انه بعد قالوو لي روحي السعودية بتلقين احلى .. انزين وين اروح بالسعودية.. والله ما عرف اسماء المحلات الي عندها اثاث روعة.. بالله افتر بالسعودية كلها ههه
يليت من العروسات وحدة تساعدنا من خبرتها وتعلمنا اسماء محلات راقية واسعارها مناسبة


اي انه بعد صار في بالي رومان دزاين والله اعلم من الحين للعرس

من جم يوم رحت عرس وكانت الكوشة من الشبكة ناعمة وحلوة حق عرس وعجبني وسجلته في القائمة

بالنسبة لجندل اول مرة اسمع عنه يبيله اشوف شعنده

اي شفت ستائر حلوة بهوم سنتر وادوات واجهزة كعربائية .. انه الحين قلت بشوف اذا بالسعودية نفس الشي واسعار حسن يمكن اخذ من السعودية واذا لا باخذ من هوم سنتر ومنازل

مشكورةة عمري والله ماتقصرين.. عارفة انتي نفس الماساة الي اعانيها..

كل ماتعرفين شي لاتبخلين علينا.. واحنا بعد ماراح نبخل عليج..
يلانتساعد ونفيد بعض
شاكرة مرورج

الله يبارك لك أختى ويتمم زواجك على خير..

بخصوص الأثاث، أنا أخذته كله من مفروشات أحمد شريف، لأني غرفهم حجمها معقول وتصلح لمثل شققنا، حتى السجاد من عندهم..

باقي تجهيزات الشقة أخذتهم من هوم سنتر، من أغراض الحمام والمطبخ والتحف وغيرهم.

بخصوص الأجهزة الكهربائية، لا تشترين الضغار مثل خلاط العصير والكيك والمايكرويف لأن كلهم بتحصلينهم هدايا،،، كل اللي عليك تاخذينه الغسالة والثلاجة والفرن (أخذتهم من المؤيد اللي مقابل بنك البحرين الوطي الرئيسي)

بخصوص الملابس مافي غير السعودية ،أحلى وأكشخ وأرخص...

حبيبتي أمونة أنا أخذت غرفتي من هوم سنتر وطبعاً الصناعة ماليزية بس قوية أحنا غيرنا مكان أثاثنا مرات ولا يتكسر ولا صاده شي بالعكس أحسهم وايد عمليين وبالنسبة لفستان العرس جربتي اتروحين ليدي مون اللي في البديع؟ وايد فساتينه حلوه وممكن يفصل لج ويأجره عليج وايد حلويين وطبعاً إذا بغيتي الأدوات الكهربائية روحي محل اسمه الأسود أرخص من جيان أنا أخذت الثلاجة والغسالة والمكيف من عنده وايد مرتاحة منهم وشفت نفس الشي في جيان بس أغلى بشوي وهوم سنتر اتحصلين أشياء حلوة للمطبخ وإذا تبين صحون حلوة للتقديم وبسيطة روحي بيت التنزيلات عندهم أشياء حلوة وإذا تبين مكتبة للتلفزيون أحلى شي أحمد شريف او بوكنان وأتمنى أني أفدتج

رانيا البحرينية:
الله يبارك لك أختى ويتمم زواجك على خير..

بخصوص الأثاث، أنا أخذته كله من مفروشات أحمد شريف، لأني غرفهم حجمها معقول وتصلح لمثل شققنا، حتى السجاد من عندهم..

باقي تجهيزات الشقة أخذتهم من هوم سنتر، من أغراض الحمام والمطبخ والتحف وغيرهم.

بخصوص الأجهزة الكهربائية، لا تشترين الضغار مثل خلاط العصير والكيك والمايكرويف لأن كلهم بتحصلينهم هدايا،،، كل اللي عليك تاخذينه الغسالة والثلاجة والفرن (أخذتهم من المؤيد اللي مقابل بنك البحرين الوطي الرئيسي)

بخصوص الملابس مافي غير السعودية ،أحلى وأكشخ وأرخص...

مفروشات احمد شريف سمعت عنها وشفتها وايد حلوة صح
انزين بالنسبة لسجادهم اسعارهم زينة؟ومناسبة؟

اغراض الطبخ والحمام والتحف من هوم سنتر حلوين

اوك راح اشتري الغسالة والفرن والثلاجة والتلفزيون اهم شي بس اخاف اتوهق ومحد اييبهم هدايا هههه

السعودية عندها فساتين جاهزة للعرس ورخيص سعرها؟

انزين شنو بالنسبة لمفروشات السعودية اش رايكم فيها ومحلات الي تعرفينها هناك تبيع اشياء روعة وباسعار مناسبة؟

شاكرة لمرورج حبيبتي

AHussain:
حبيبتي أمونة أنا أخذت غرفتي من هوم سنتر وطبعاً الصناعة ماليزية بس قوية أحنا غيرنا مكان أثاثنا مرات ولا يتكسر ولا صاده شي بالعكس أحسهم وايد عمليين وبالنسبة لفستان العرس جربتي اتروحين ليدي مون اللي في البديع؟ وايد فساتينه حلوه وممكن يفصل لج ويأجره عليج وايد حلويين وطبعاً إذا بغيتي الأدوات الكهربائية روحي محل اسمه الأسود أرخص من جيان أنا أخذت الثلاجة والغسالة والمكيف من عنده وايد مرتاحة منهم وشفت نفس الشي في جيان بس أغلى بشوي وهوم سنتر اتحصلين أشياء حلوة للمطبخ وإذا تبين صحون حلوة للتقديم وبسيطة روحي بيت التنزيلات عندهم أشياء حلوة وإذا تبين مكتبة للتلفزيون أحلى شي أحمد شريف او بوكنان وأتمنى أني أفدتج

هوم سنتر شفت بضاعتهم تهبل بس المشكلة الغرف مو بمقاس غرفة الروم الي عندي
وشفت بعض الماليزي ماعجبني
فاقترح علي خطيبي نشتري نجارة
بالنسبة لليدي مون سمعت عنه
الاسود قالو لي عنه ان اهو وايد زين افكر اروحه

تسلمين يبغي لي اروح بيت التنزيلات وهوم سنتر
وبوكنان واحمد شريف


شاكرة مرورج قلبي