بنات الامارات 00مأساة متزوجه تبا تكمل درااسه

ا

القاسميه 999

عروس جديدة

21-08-2006 | 09:51 PM

السلام عليكم ورحمة الله وبركاته

اشحالكم خواتي

بغيت مساعدتكم وخصوصا بنات الامارات

انا خريجة ثانويه ومتخرجه سنة 2001 يعني مافيه جامعه حكوميه تقبلني لانه الاولويه لخريجين السنه طبعا انا من كم سنه وانا اقدم فالتقنيه وغيرها لكن ماشي امل لانه يالله يالله يغطون خريجين هالسنه

وانا بصراحه عندي طموح اكمل وحتى زوجي يشجعني بس للاسف ماعرف وين اقدم انا فخاطريه ادرس ادب انجليزي ممكن ادلوني عمكان او جامعه لو بالانتساب ويكون معترف فيها
سمعت عن ولونغوغ ممكن تخبروني عنها وعن تكاليفها وساعات الدرااسه لاني احاتي زوجي ووولدي مابا اخليهم بروحهم لفتره طويله

ادري طرار ويتشرط بس والله حالة المتزوجه صعبه ويلست البيت ممله

ساعدوني الله يخليكم
واذا حد نفس حالتي وحصلت تدرس ياريت نتواصل عشان تفيدني ويزاكن الله الف خير خواتي

a

aboura

عروس رائعة

21-08-2006 | 11:51 PM

حبيبتي ليش ما تتواصلي مع وزارة التعليم العالي و البحث العلمي وهم بيساعدونك على الحصول على المعلومات عن الجامعات المعتمدة في الدولة ،، تحياتي لك ،،

ه

هم شجون

عروس مشرقة

22-08-2006 | 01:06 AM

الله يكون في عونج

يا اختي اذا تبين الدراسة لازم تضغطين عليهم عشان تدشين

ونصيحة مني لج صلي صلاة الاستخارة

تحياتي

هم شجون

ت

تهاني الحلوة

عروس جديدة

27-08-2006 | 03:52 AM

أنا أنصحج تعيدين الثانوية حتى لو منازل, شو يعني كلها سنه و بتمر و بعدين قدمي في جامعة الامارات أو زايد او التقنية بعد زينة

والله الموفق

ا

الحياه جروح

عروس مشاركة

27-08-2006 | 05:45 PM

أنا رايي من راي اختي تهاني الحلوه ... انصحج تعيدين الثانويه وتدخلين جامعه الامارات

الصراحه من رايي اعتبر جامعة الامارات الانسب للمتزوجات لاني انا متزوجه قبل لا اخلص ثانويه وادرس فيها واقدر ارتب جدولي الدراسي على راحتي :shy:

م

ملاك الورد

عروس برونزية

27-08-2006 | 06:40 PM

انزين اختي ادخلي جامعة خاصة أحسنلج انا بصراحه كان في خاطري ادش
جامعة الشارقة بس ما صار نصيب لاني ييت متاخره وانا
متخرجة سنة 2001 لكن اربيعتي متخرجة سنة 2000 وقبلوها على طول
وانا ان شاء الله هالاسبوع بسجل
.. فانتي استخيري وتوكلي على الله .. بخصوص الاسعار دشي على
موقع جامعة ولونغونغ حاطين الاسعار .. وربي يوفقج ان شاء الله ..