مرحبا يا احلى امهات في الدنيا
الف مبروك لكم كلكم والحمدلله على سلامتكم وسلامه البيبيات....
هذا الموضوع هو جزء ثاني لموضوع امهات اغسطس ...و بنتكلم فيه عن تجربه الولاده و الحياه في فتره النفاس و حياتكم مع البيبيات اليداد...
ببدا انا قصه ولادتي
انا ولدت والحمدلله بتاريخ 7-8-2006 قبل موعدي الاصلي اللي هو 11-8 ب 4 ايام
كنت طفرانه وخلاص ابغي اولد وافتك...وطبعا كنت اكثر من اكل التمر يوميا
المهم يوم 5-8 ياني الم فضيع من الليل..يعني وانا نايمه الالم صحاني..حسيت انه الم دوره بس يروح و يرد على فترات منتظمه يعني كل نص ساعه...فعرفت انه هذي البدايه..
يوم قمت الصبح اتسبحت عدل و جهزت باقي الاشياء في الشنطه...طبعا ريلي قاللي بوديج المستشفى..قلت له اصبر بعدني...و حتى امي قالتلي ترا بعدج اصبري..لان الالم كان بعده محتمل و ما نزل علي لا ماي ولا دم
المهم تميت طول اليوم اتألم و امشي في البيت...ومادري ليش يتني حاله اسهال عزكم الله
في الليل الالم زاد..اتصلت في المستشفى عشان يجهزون ملفي بس الممرضه قالتل خذي حمام دافي و خذي بندول..اذا ما خف الالم تعالي
سويت اللي قالتلي عنه و نمت..بس الالم زاد وزاد طول الليل ..وكل شوي اسير الحمام..و ريلي حس فيني و قاللي ها اوديج المستشفى..قلت لا الصبح نسير,,,
المهم الصبح وعيت ريلي الساعه 7 قلت له خلاص مب قادره...وانا اتجهز لسيره المستشفى نزلت علي ماده مخاطيه لونها بني..واتصلت في امي و قلتلها اني رايحه المستشفى
المهم وصلنا عال 8 و دخلوني حجرتي عشان يفحصوني...الممرضه قالتلي انتي بس 2 او 3 سانتي...يعني ترومين تسيرين البيت و تردين...قلتلها لا ماروم اسير لان الالم غير محتمل..طبعا بدا الطلق اييني كل 5 دقايق...المهم يوم يت الدكتوره قالتلي لا انتي 4 سانتي...و بطلت الماي...طبعا كان شي فضيع..شلال من الماي ينزل منج...ما تتخيلون شكثر انحرجت من ريلي...المهم قالوليشو تبين عشان تخففين من الالم...قلتلهم ابره الظهر...قالولي اختيارج موفق لانج ضيجه ووايد بتتالمين...المهم دخلوني غرفه الولاده..ويا طبيب التخدير و ريلي وياي ماسك ايدي.. والدكتور يركب الابره...وماشي 10 دقايق الا وانا في عالم ثاني...مافي الم...المنطقه اللي تحت متخدره و فيني احساس حلو واضحك و اسولف...ووصلت امي و ام ريلي وانا سوالف وضحك وياهم..وهم يقولون اول مره نجوف وحده بتربي جذيه...:)
عالساعه 2 و نص يت الدكتوره تفحص و قالت لي خلاص 10 سانتي!! طبعا انا استغربت...قلت بهال سهوله وانا مب حاسه بشي,,,بس جهاز قياس الطلق كان يوصل اعلى شي و غير هذا كانوا عاطيني طلق صناعي عشان يسرعون الولاده
عالساعه 3 قالوا خلاص يلا ولاده ولازم تدفعين...قالولي منو تبين وياج قلتلهم ولا حد..ابا اكون بروحي...لا امي ولا ام ريلي..طبعا اختي بعد يت و خوات ريلي
..وهني بدت المأساه
طبعا انا متخدره و مب قادره ادفع...مب قادره اركز عالمكان اللي المفروض ادفع منه لاني مب حاسه..وخففوا من الابره بس بعد مع اني حاسسه بالطلق بس مب قادره ادفع...ودكتورتين على راسي و الممرضه يحاولون وياي...
اخر شي شالوا ابره الظهر...وحسيت بكل الالم..طبعا من الالم حسيت الطلق متواصل و تعبت و بديت اصيح واصارخ..والدكتوره تقوللي يلا البيبي تعب وانتي مب يالسه تساعدينا...والممرضه كل شوي تطلع و تدخل و تقوللي ريلج وايد مضايج و خايف عليج...وامي تصيييح و ام ريلي تقرا قران...
اخر شي قالتلي الدكتوره لازم نشفط البيبي..
و بالفعل شفطوه...
و طبعا بطلعه الروح طلع احلى حمودي,,,
جفته اول ما طلع راسه ..و عقب الجسم...و يوم قصوا الحبل السري..حسيت نفس الافلام...
و يابوه على صدري بعد ما الدكتور فحصه و تم على صدري و الدكتوره تخيط الغرز...
والله اني اول ما شفته خلااااص نسيت كل اللي صار...و عيوني دمعت...
و شوي ولا يدخلون كلهم..وريلي حبني على راسي و جاف احلى مخلوق في الدنيا
الحين بخليكم لاني لازم اسير اجوف حمودي ..اظني نش من الرقاد :)
يلا نتريا قصصكم
امهات اغسطس 2006...شاركونا قصص ولاداتكم وايام النفاس
a
20-08-2006 | 08:58 PM
ا
20-08-2006 | 10:33 PM
الف مبرووووووووووك اختي
والحمد لله على سلامتج وسلامه حمودي
ويتربى في عزكم
والحمد لله على سلامتج وسلامه حمودي
ويتربى في عزكم
ر
20-08-2006 | 10:37 PM
ألف الحمد لله على السلامه
و يتربى في عزكم الصغيرون
ما شاء الله لاقوة إلا بالله
الغاليه
بس غريبه خذيتي الأبرة و ردو شلوها
ليش جان شفطوه بدون ألم
يلا كل العذاب هذا ربك بيكتلج الثواب فيه
بس قوليلنا شو أخبار الخياطة
و ليش ما خليتي ريلج يدش معاج
و يتربى في عزكم الصغيرون
ما شاء الله لاقوة إلا بالله
الغاليه
بس غريبه خذيتي الأبرة و ردو شلوها
ليش جان شفطوه بدون ألم
يلا كل العذاب هذا ربك بيكتلج الثواب فيه
بس قوليلنا شو أخبار الخياطة
و ليش ما خليتي ريلج يدش معاج
f
20-08-2006 | 10:40 PM
الله قصه حلوووه خخخخ ...
ان شاء الله يتربى في عزكم ...
ما خبرتينا يشبه منو ؟ انا حاسه ان يشبه ابوه ماعرف ليش!!! احساس خخخ
تحملي على عمرج و على حمووووووووودي
ان شاء الله يتربى في عزكم ...
ما خبرتينا يشبه منو ؟ انا حاسه ان يشبه ابوه ماعرف ليش!!! احساس خخخ
تحملي على عمرج و على حمووووووووودي
أ
20-08-2006 | 10:47 PM
الف مبرووووووووووك
&
20-08-2006 | 10:47 PM
حمدالله عسلامتك عيوني
وألف مبروك على ما جاك
الله يحفظه لك ويتربى بعزك وعز ابوه ان شاء الله :)
والله يجعله ذرية صالحة ان شاء الله
وألف مبروك على ما جاك
الله يحفظه لك ويتربى بعزك وعز ابوه ان شاء الله :)
والله يجعله ذرية صالحة ان شاء الله
ع
21-08-2006 | 01:18 AM
الحمدالله على السلامة شوقتيني للنونوات الصغار بس مب الولادة
و الله يبارك فيه .. تعالي ما قلتي اي غرفة خذتي العادية و لا في اي بي
و الله يبارك فيه .. تعالي ما قلتي اي غرفة خذتي العادية و لا في اي بي
ش
21-08-2006 | 04:50 AM
الحمد عالسلامه اختي ويتربى حمودي في عزكم انشاء الله
وادعيلي بالسهاله
وادعيلي بالسهاله
أ
21-08-2006 | 05:50 AM
ღالســــــــــــــــلام عليــــــكم ورحمــــــــــــة الله وبركــــــــــــــــــاتهღ
الحمدلله على السلامه ويتربى في عزكم ان شاء الله..
بس لو اتحملتي الالم شوي علشان خاطر عيونه وتكسبين أجر.. يالله باذن الله يكون من الذريه الصالحه..
خبريني فديتج اي مستشفى والا عياده الي رحتيله!؟
اعذروني ان قلت مشاركاتي وردودي في المنتدى..
باذن الله سوف ارجعلكم كم كنت سابقا..
ادعولي بان ربي يسهلها علي وارزق بالذريه الصالحه..
§*)§®¤*~ˆ°مواضيع اهديها لكم قبل ذهابي هديه من قلبي لكم جميعكم§*)§®¤*~ˆ°
ركن العناية بالبشره والجسم
قناع ممتاز لكل أنواع البشره وخاصه قبل المكياج مع الصور
خلطه حلوه وسهله لتغذية البشره+ تنقيتها+ تنظيفها تحت حرارة هذا الصيف رووووووووعه
طريقه سهله تخلي الوجه منور ومورد ومشدود والشفايف مورده ومشدوده (مجرب)
ركن الماكياج والعطــــور
BoOoOom خطوه خطوه لتوزيع مكياج العيون سموكي+أبيض مع الصوره (حصريا في عروس)
صور ماكياج (طاووووسي) للمناسبات اعمليها بنفسك+ خطوات+ اسماء الكولكشن
Q
21-08-2006 | 11:19 AM
ألـــف الحمدالله على السلامة انا كنت دايما في رابطتكم اشوف شخباركم ومبرووك لكل اللي ولدوا بس ام عزيز شكلها ربت امس مالها حس واااايد تأخرت عنكم الظاهر ماكله لحم ناقة خ خ خ خ
a
21-08-2006 | 12:41 PM
مرحبا بنات...
شو هذا وين بنات اغسطس؟؟ وين قصص الولاده؟؟؟؟
اكيد مشغولين مع البيبيات..الله يعينكم...:)
ام سعودي22
الله يسلمج الغاليه و يخليج
ريم81
الله يسلمج حبيبتي و عقبالج قريب ان شالله
حبيبتي..الشفط كان حل اخير...لاني خلاص تعبت و كنت بموت من الالم و البيبي بعد تعب..عشان جذيه شفطوه...يعني اول شي حاولوا معاي بازاله تأثير الابره..بس يوم ما نفع معاي شفطوه...وطبعا ما كان فيه وقت يردون الابره فشفطوه وانا اتألم..
بصراحه الخياطه لين الحين ما تجرأت اجوفها من الخوف...بس تعورني ساعات يوم امشي وايد او ابذل مجهود..]لا الله المستعان
وليش ريلي ما يدش معاي....حبيبتي مستحيل اي وحده تكون على هالوضعيه و تخلي ريلها يجوفها...ياما سمعنا عن رياييل جزوا حريمهم بعد ما شافوهم يولدون...انا ما احب ريلي يجوفني وسخه و متبهدله او مب متسبحه..تخيلي اخليه يجوفني في هاك المنظر...غرفه الولاده صارت كأنها حد مرتكب فيها جريمه من الدم كل مكان...المهم انه جافني و انا اتويع يومين لين قبل ما يحطون الابره.. و حس فيني..غير الصراخ اللي سمعه من برع غرفه الولاده...امي تقوللي اول ما بديتي تصارخين شرد مادري وين سار...:)
fashion girl
الله يخليج الغاليه..وعقبالج قريب ان شالله
الحمدلله ما زعل حد..يشبهنا نحن الاثنين...بس اول ما انولد كل حد قال يشبه امه :)
liwliw
تسلمين حبيبتي و كلج ذوق
malaak
الله يخليج و يبارك فيج حبيبتي
عروس اللولو
يلا عيل شدي حيلج و يبي نونو ثاني :)
الغاليه انا ربيت في الامريكي...
شمسا
الله يسلمج الغاليه و يسهل عليج
أم سعيده
شكرا الغاليه..بس تقصدين اني ما خذت اجر؟؟؟بس منو قالج اني ما تحملت الالم؟؟؟؟ الابره كان تأثيرها يمكن ساعتين بس و باقي الوقت كله انا اتألم..يعني تخيلي المرحله الاخيره و اللي هي دفع البيبي قالتلي الدكتوره المفروض في اقصى الحالات ما تطول اكثر عن ساعه وانا طولت 3 ساعات مع اقوى درجه للطلق بالاضافه الى طلق صناعي...لدرجه ان ويهى ازرق و رقبتي و انتفخت...وطلعت بقع حمرا على ويهي الحمدلله خازت عقب كم ساعه
Qtr Girl
الله يخليج الغاليه
وعقبالج
شو هذا وين بنات اغسطس؟؟ وين قصص الولاده؟؟؟؟
اكيد مشغولين مع البيبيات..الله يعينكم...:)
ام سعودي22
الله يسلمج الغاليه و يخليج
ريم81
الله يسلمج حبيبتي و عقبالج قريب ان شالله
حبيبتي..الشفط كان حل اخير...لاني خلاص تعبت و كنت بموت من الالم و البيبي بعد تعب..عشان جذيه شفطوه...يعني اول شي حاولوا معاي بازاله تأثير الابره..بس يوم ما نفع معاي شفطوه...وطبعا ما كان فيه وقت يردون الابره فشفطوه وانا اتألم..
بصراحه الخياطه لين الحين ما تجرأت اجوفها من الخوف...بس تعورني ساعات يوم امشي وايد او ابذل مجهود..]لا الله المستعان
وليش ريلي ما يدش معاي....حبيبتي مستحيل اي وحده تكون على هالوضعيه و تخلي ريلها يجوفها...ياما سمعنا عن رياييل جزوا حريمهم بعد ما شافوهم يولدون...انا ما احب ريلي يجوفني وسخه و متبهدله او مب متسبحه..تخيلي اخليه يجوفني في هاك المنظر...غرفه الولاده صارت كأنها حد مرتكب فيها جريمه من الدم كل مكان...المهم انه جافني و انا اتويع يومين لين قبل ما يحطون الابره.. و حس فيني..غير الصراخ اللي سمعه من برع غرفه الولاده...امي تقوللي اول ما بديتي تصارخين شرد مادري وين سار...:)
fashion girl
الله يخليج الغاليه..وعقبالج قريب ان شالله
الحمدلله ما زعل حد..يشبهنا نحن الاثنين...بس اول ما انولد كل حد قال يشبه امه :)
liwliw
تسلمين حبيبتي و كلج ذوق
malaak
الله يخليج و يبارك فيج حبيبتي
عروس اللولو
يلا عيل شدي حيلج و يبي نونو ثاني :)
الغاليه انا ربيت في الامريكي...
شمسا
الله يسلمج الغاليه و يسهل عليج
أم سعيده
شكرا الغاليه..بس تقصدين اني ما خذت اجر؟؟؟بس منو قالج اني ما تحملت الالم؟؟؟؟ الابره كان تأثيرها يمكن ساعتين بس و باقي الوقت كله انا اتألم..يعني تخيلي المرحله الاخيره و اللي هي دفع البيبي قالتلي الدكتوره المفروض في اقصى الحالات ما تطول اكثر عن ساعه وانا طولت 3 ساعات مع اقوى درجه للطلق بالاضافه الى طلق صناعي...لدرجه ان ويهى ازرق و رقبتي و انتفخت...وطلعت بقع حمرا على ويهي الحمدلله خازت عقب كم ساعه
Qtr Girl
الله يخليج الغاليه
وعقبالج
و
21-08-2006 | 12:48 PM
الف حمد لله على سلامتج
ومبروك ما ياكم
ومبروك ما ياكم
ن
21-08-2006 | 01:00 PM
الحمدلله على سلامتج
والف مبرووك على حمودي الحللووو
والله يحفظه لكم ويتربى بعزكم
بس عندي سؤال هل سبب الابرة هو ضيق عنق الرحم او ضيق وصغر الحوض؟؟
والف مبرووك على حمودي الحللووو
والله يحفظه لكم ويتربى بعزكم
بس عندي سؤال هل سبب الابرة هو ضيق عنق الرحم او ضيق وصغر الحوض؟؟
ر
21-08-2006 | 02:20 PM
حمد الله ع سلامتك ويتربي بعزك حمودي:clap:
ا
22-08-2006 | 08:23 AM
الموضوع وايد حلو بصراحة يسلينا واحنا منتفخين ونحسب الولادة اليوم باجر
جزاك الله خير ياام حمودي على هذا الموضوع الشيق
والله يبارك لك في حمودي
جزاك الله خير ياام حمودي على هذا الموضوع الشيق
والله يبارك لك في حمودي
a
22-08-2006 | 02:48 PM
مشكوريين بنات الله يرزق الجميع ان شالله
هلا نوووسه ..من زمان ما جفناج..انتي عرستي ولا بعدج؟؟؟
ابره الظهر نصحتني الدكتوره اخذها ...قالتلي منطقه مرور الطفل ضيجه عندج فاحسن لج تتخدرين عشان تقدرين تستحملين الالم...
هلا نوووسه ..من زمان ما جفناج..انتي عرستي ولا بعدج؟؟؟
ابره الظهر نصحتني الدكتوره اخذها ...قالتلي منطقه مرور الطفل ضيجه عندج فاحسن لج تتخدرين عشان تقدرين تستحملين الالم...
ك
22-08-2006 | 05:20 PM
الف الف مبروك
بصراحه شجعتيني اخذ ابره الظهر بولادتي الاولى تعبني الطلق كل ما رتفع لاكن الم الدفع يمكن عندي اسهل من الطلق.
بصراحه شجعتيني اخذ ابره الظهر بولادتي الاولى تعبني الطلق كل ما رتفع لاكن الم الدفع يمكن عندي اسهل من الطلق.
*
22-08-2006 | 09:53 PM
مراحب:salam:
angel eyes
ألف مبروك.........والحمد لله على السلامة.....ويتربى بعزك إن شاء الله(f)
أنا كان موعدي 11/8 يوم الجمعة .... لكن ولدت في 6/8 يوم الأحد
قبل يوم الأحد بيومين كان يجيني ألم متقطع ومحتمل وكنت أمشي كثير فيخف علي الألم وفي صباح يوم الأحد تقريبا الساعة السابعة بدأينزل معي شوية دم (وأنتم بكرامة) وطار عني النوم مع الخوف مع أنه ماكان معي ألم كان دم فقط قمت أجهز أغراضي لأني حسيت إن ساعة الصفر حانت
وكان زوجي في الدوام في ذاك الوقت كلمته وعلمته عن الدم بس ما خليته يجي حبيت أصبر لحد ما يجيني ألم في ذاك الوقت دخلت المنتدى وقلتلكم إنه بدا ينزل معي دم ونصحتني انجل وأم عزيز بالذهاب للمستشفى بس قلت أبصبر للظهر وبعدين أشوف ويوم صارت الساعة العاشرة بدا معي ألم خفيف وزاد الدم وبديت أمشي كل ما زاد علي الألم ويخف علي وبعد صلاة الظهر جاء زوجي من الدوام وقالي نروح للمستشفى قلتله نصبر لحد ما أحس إن الألم صار ما يطاق وبعد صلاة العصر رحت للمستشفى بعد ما صار الألم يجي كل خمس دقائق يوم دست الدكتورة قالتلي مفتوح 4 سم الصراحة فرحت كثير ما كان ودي أطول عندهم مثل حملي الأول لما جيت قالوا 2 سم فقط :angry: قامت الدكتورة وشقت كيس الماء وصار الألم ما يحتمل فظييييييييع :confused: وكانت الساعة الرابعة والنصف في ذاك الوقت كان زوجي معي كان يتألم كثير لما يشتد علي الطلق طلبت منهم مسكن وعطتني الممرضة ابرة ولا نفع أحس بالألم وعطتني ثانية وثالثة ورابعة وما في أمل الألم أقوى من المسكن لما صارت الساعة السادسة قالتلي الدكتورة الحين 10 سم الحين ولادة والحمد لله ماطولت 10 دقائق وطلع صلوحي للدنيا ومثل ما قالت أختي انجل نسيت الدنيا يوم شفته ونسيت الألم كله سبحان الله وجلست الدكتورة تخيطني ساعة كامة مرة غريبة لأنه في ولادتي الأولى ماطولت في الخياطة لا والصدمة الكبيرة يوم قالتلي ما تطيح خيوطك إلا بعد شهر مدة طويييييييييلة
على فكرة ولدت وماأحد عرف إني أولد لما انتهيت كلم زوجي أبوي وأمي وأبوه وأمه وخبرهم ما حبينا نقلقهم لأننا في مدينة وهم في مدينة أخرى فكانت مفاجئة حلوة لأن ولادتي جاءت قبل الموعد
الحين صار لي 17 يوم والحمد لله صلوحي طهرناه والحين هو بخير وعافية وأنا طبعا خيوطي إلى الان ماطاحت لأن الدكتورة تقول تجلس شهر ما تطيح :angry:
يالله نبي نسمع قصص الباقين لاتتأخرون علينا:clap:
angel eyes
ألف مبروك.........والحمد لله على السلامة.....ويتربى بعزك إن شاء الله(f)
أنا كان موعدي 11/8 يوم الجمعة .... لكن ولدت في 6/8 يوم الأحد
قبل يوم الأحد بيومين كان يجيني ألم متقطع ومحتمل وكنت أمشي كثير فيخف علي الألم وفي صباح يوم الأحد تقريبا الساعة السابعة بدأينزل معي شوية دم (وأنتم بكرامة) وطار عني النوم مع الخوف مع أنه ماكان معي ألم كان دم فقط قمت أجهز أغراضي لأني حسيت إن ساعة الصفر حانت
وكان زوجي في الدوام في ذاك الوقت كلمته وعلمته عن الدم بس ما خليته يجي حبيت أصبر لحد ما يجيني ألم في ذاك الوقت دخلت المنتدى وقلتلكم إنه بدا ينزل معي دم ونصحتني انجل وأم عزيز بالذهاب للمستشفى بس قلت أبصبر للظهر وبعدين أشوف ويوم صارت الساعة العاشرة بدا معي ألم خفيف وزاد الدم وبديت أمشي كل ما زاد علي الألم ويخف علي وبعد صلاة الظهر جاء زوجي من الدوام وقالي نروح للمستشفى قلتله نصبر لحد ما أحس إن الألم صار ما يطاق وبعد صلاة العصر رحت للمستشفى بعد ما صار الألم يجي كل خمس دقائق يوم دست الدكتورة قالتلي مفتوح 4 سم الصراحة فرحت كثير ما كان ودي أطول عندهم مثل حملي الأول لما جيت قالوا 2 سم فقط :angry: قامت الدكتورة وشقت كيس الماء وصار الألم ما يحتمل فظييييييييع :confused: وكانت الساعة الرابعة والنصف في ذاك الوقت كان زوجي معي كان يتألم كثير لما يشتد علي الطلق طلبت منهم مسكن وعطتني الممرضة ابرة ولا نفع أحس بالألم وعطتني ثانية وثالثة ورابعة وما في أمل الألم أقوى من المسكن لما صارت الساعة السادسة قالتلي الدكتورة الحين 10 سم الحين ولادة والحمد لله ماطولت 10 دقائق وطلع صلوحي للدنيا ومثل ما قالت أختي انجل نسيت الدنيا يوم شفته ونسيت الألم كله سبحان الله وجلست الدكتورة تخيطني ساعة كامة مرة غريبة لأنه في ولادتي الأولى ماطولت في الخياطة لا والصدمة الكبيرة يوم قالتلي ما تطيح خيوطك إلا بعد شهر مدة طويييييييييلة
على فكرة ولدت وماأحد عرف إني أولد لما انتهيت كلم زوجي أبوي وأمي وأبوه وأمه وخبرهم ما حبينا نقلقهم لأننا في مدينة وهم في مدينة أخرى فكانت مفاجئة حلوة لأن ولادتي جاءت قبل الموعد
الحين صار لي 17 يوم والحمد لله صلوحي طهرناه والحين هو بخير وعافية وأنا طبعا خيوطي إلى الان ماطاحت لأن الدكتورة تقول تجلس شهر ما تطيح :angry:
يالله نبي نسمع قصص الباقين لاتتأخرون علينا:clap:
l
22-08-2006 | 11:53 PM
مرحبااااااااااااا
انا ولدت يوم الأحد 20\8 بعد معاناة مع الولادة انشالله اقول لكم اياها بعدين
ولدي حبيبي بالحضانة ادعوله ربي يطلعه بالسلامة
انا ولدت يوم الأحد 20\8 بعد معاناة مع الولادة انشالله اقول لكم اياها بعدين
ولدي حبيبي بالحضانة ادعوله ربي يطلعه بالسلامة
F
23-08-2006 | 09:44 AM
سلام..
انا لي رجعة بعدين.. بس حبيت اتطمن على القصص...
واشارككم قصتي بعدين.
انا لي رجعة بعدين.. بس حبيت اتطمن على القصص...
واشارككم قصتي بعدين.