الله يخليه في ميزان حسناتكم

[frame="2 80"]بسم الله الرحمن الرحيم
السلام عليكم و رحمة الله و بركاته
أولا أشكركم على فتح هذا القسم، و إنشاالله ينكتب لكم الأجر و الثواب منه.
حلمت إني كنت في أرض واسعة خضره، و كانت عبارة عن ندود وايده و كبيره، بس خضرا وايد، و كانت أشجار كبيرة و طويلة عطول الدرب اللي كنت أمشي فيه، و الغريب إنه ثمر هالشجر كان العنب مع إنه العنب ينبت عشكل عريش، و كنت عطشانه و حاولت أمد ايدي عشان آخذ لي عنب و ما كنت أقدر من كثر ما كان مرتفع، و في كل شجرة أمر عليها عقب، كانت عناقيد العنب أخفض، و لكن ما كنت أقدر أوصل لها، لين آخر الدرب، وصلت لشجرة كانت عناقيد العنب منخفضة لدرجة ما خذت منها ،بس رفعت راسي و كنت آكل و هي بعدها معلقة على الشجرة، و كان ماي العنب ينصب عويهى، و كان لذيذ، و بس .
آسفة على الاطالة,,, و أشركم وايد،، و تقريبا من سنة هالحلم.
أنا عمري 30 ، عزباء ( عانس ) ما أدرس و لا أشتغل,, و هاي الفترة أمر بهموم شديدة من الناس مب من سالفة عنوستي ، لأني أنا مب شايلة هالسالفة في بالي وايد، لأني آمن بأنه كل واحد له نصيبه في الدنيا، و إنه أكيد الله سبحانه بعوضني في شي أهم،،، الله ما يقصر، و ما في حد في بالي أصلا عشان أهتم، والحمدلله عمري ما حسيت بالغيرة من زواج حد أو عياله ( والله العظيم) و الله سبحانه يشهد لي، وعندي أمل كبير في الله _ تعالى_ إنه ما يضيع شي , و إنه سبحانه يعطي كل حد اللي يستاهله، و رزقي ما بضيع لأنه عند الله سبحانه...
أنا ما قاعده أقول هالشي بس جذي و الله شاهد علي.
مشكورين وما قصرتوا.
:shy: [/frame]