منو يقدر يوفرلي الديرماكول في الكويت ؟؟

هلا حبيبتي انا كويتيه موجوده بالامارات اذا حابه انا اقدر ايبه لج من اهني ولا تزعلين انا اعرف اماراتيه تبيعه بس بمنتدى حواء انا طالبه كنت منها اغراض وبدزلي اياهم لبيتي فاذا تبين اطلبلج منها عندها الديرماكول بس اي لون تبين اي درجه؟؟؟؟؟
بس انا مستغربه انا شفته الاصلي بالشيك محد يشتريه ورخيص وقالتلي رفيجتي اهناك انه مو زين كلش بس للامانه انا ما جربته هناك كلش فمادري بس اتمنى انه زين البنت الي اقولج عنها تقول بسام فتوح يستعمله وحاطه بالمنتدى طريقة استعماله ويمكن صح:) انا ناطرتج بس مو اطولين عشان اغراضي بدزهم فمره وحده

راااائع
السلام عليكم ورحمة الله وبركاته
اشحالكم خواتي العزيزات بنات احلى منتدى حواء
انا صارلي فترة وانا اسمع عن اساس الديرماكول الراااااائع ومييزاته الرهيبة في التغطيه على جميع عيوب البشرة والاهم من ذلك انه طبي ولا يتير حساسية البشرة ........
وبناء على رغبة كثير من بنات العين وابوظبي انه اوفرلهن الديرماكول الاصلي لان اغلب التاجرات الي يبيعونه في الامارات من دبي والشارقة وذلك لان بنات العين وابوظبي اوصلهم اغراضهم مباشرة اما عن طريقي او عن طريق المندوب يعني التسليم يكون يد بيد من غير تعب التحويل وشركات التوصيل
وبنات الامرات الاخرى لايزعلون انا اقدر بعد اوصلهم اساس الديرماكول ولكن عن طريق يو بي اس وياخذون على التوصيل 20 درهم فقط .... والتحويل عن طريق اي صرافة تناسبك او عن طريق الايداع في حسابي في بنك دبي الاسلامي

ما بطول عليكن واليكن التفاصيل كاملة (صورته ومميزاته وطريقة استخدامه وسعره والدرجات المتوفرة ..............الخ )

أساس الديرماكول
في هذا الرابط بتحصلو موقع اساس الديرماكول ( موجود فيه صورته والدرجات المتوفرة منه )
http://go.3roos.com/EhtbPQCZmHc

طبعا اكيد اغلبكم تعرفون مميزات الديرماكول وقدرته الفائقة على تغطية عيوب البشرة حتى حب الشباب والدمامل وانه طبي لا يثير حساسية البشرة هذا بالاضافة الى ثباته فترة طويلة ولا يتأثر بالحرارة او الرطوبة ............ واغلب الممثلات الآن يستخدمونه وخبير المكياج بسام فتوح يستخدمه ايضا
وهو اكثر شي يناسب الاعراس والحفلات ويمكن يستخدم ايضا في النهار ....................

* وهذه ارقام درجات الالوان الاكثر انتشارا واقبالا
الدرجة رقم 211 لونها وردي فاتح وتناسب البشرة البيضاء جدا
الدرجة رقم 212 لونها بيج فاتح وتناسب البشرة البيضاء العادية والحنطية الفاتحة
الدرجة رقم 213 لونها بيج وتناسب البشرة الحنطية والحنطية الغامقة (المائلة للسمار )
الدرجة رقم 217 لونها مشمشي فاتح وتناسب البشرة البيضاء والحنطية الفاتحة ( وهذه الدرجة اكثر شي تستخدم في الاعراس والمناسبات لانها ناعمة وتضفي على البشرة مظهر جذاب ورائع )

بالنسبة لطريقة الاستخدام الصحيحة للديرماكول وحتى تحصلي على تغطية مثالية
أولا : ادهني وجهك بكريم مرطب
ثانيا : ضعي نقطة من الديرماكول على يدك وطبطبي عليها باصبعك حتى تمتزج على يدك
ثالثا : ثم بعد ذلك ضعيه على وجهك بطريقة الطبطبة حتى تغطي وجهك كاملا ثم وزعيه باسفنجة مبلله قليلا بالماء
او ممكن تستخدمية بمزج أحد انواع كريمات الاساس الاخرى معه لانه غليظ وتوزعيه على البشرة بشكل متساوي وبعدين تضعي فوقه بودرة

وبالنسبة لسعره 40 درهم فقط للحبة الواحدة
ولي بتاخذ كمية فوق الاربع حبات بسويلها خصم ان شاء الله
وطبعا انا سويت بحث كثيير عشان اوفرلكم الاصلي واكيد اغلبكم تعرفون الفرق بين الاصلي والتقليد
وبالنسبة لبنات العين ممكن الي حابة تشوف الكريم وتجربه بنفسها عشان تتاكد انه الاصلي

وبالنسبة للي ما يعرفون الفرق بين الاصلي والتقليد
الاصلي لونه ثقيل ومتماسك ورائحته مميزة وبلد الصنع الشيك والباركود الي على العلبة يبدأ ب 8591
اما التقليد فلونه وريحته مختلفين واول ما تفتحي العلبة يطلع ماي وسعره رخيص جدا وصناعة سورية او صينية

بالنسبة لطريقة التوصيل
بنات العين ممكن اتقابل وياهم واسلمهم الكريم بنفسي
بنات ابوظبي التوصيل عن طريق مندوب ويآخذ على التوصيل 25 درهم فقط وبتسلميه حق الكريمات
بنات الامارات الاخرى التوصيل عن طريق يو بي اس وياخذون على التوصيل 20 درهم فقط ، والتحويل عن طريق اي صرافة تناسبك او الايداع في حسابي في بنك دبي الاسلامي

ان شا الله بتوصلني كمية منه على الاسبوع القادم باذن الله فلي تبى تشتري رجاءاااااا للجادت فقط تخبرني الكمية الي تريديها وارقام الدرجات

وأنا في انتظاركم



هلا حبيبتي هذا موضوعها انا طبعته لج من المنتدى فانتي حره وانا حاضره:shy:

هلا أختي موجود بالكويت وبكثرة وفيه بالصدي محل حاط اعلان عنه وثاني شي أنا شريته من الأردن من مجمع مكة مول وبسعر ثلاث دنانير كويتي ست دنانير أردني وعادي مافيه اي ميزة عن غيرة من الاساس انا شريته ولاعجبني وتلاقينه بالكويت عند الهنود الي بسوق الفحيحيل وبكثرة ومافيه اصلي وتقليد واذا ماني غلطانة قالي صاحب المحل الي بالاردن انه صناعة اسرائيلية بس حاطين بلد ثاني وشكرا

miss one:
هلا أختي موجود بالكويت وبكثرة وفيه بالصدي محل حاط اعلان عنه وثاني شي أنا شريته من الأردن من مجمع مكة مول وبسعر ثلاث دنانير كويتي ست دنانير أردني وعادي مافيه اي ميزة عن غيرة من الاساس انا شريته ولاعجبني وتلاقينه بالكويت عند الهنود الي بسوق الفحيحيل وبكثرة ومافيه اصلي وتقليد واذا ماني غلطانة قالي صاحب المحل الي بالاردن انه صناعة اسرائيلية بس حاطين بلد ثاني وشكرا

معقوله صناعه اسرائيليه

بس هو وااايد حلو على البشره

تلاقينة عند عروس البحر الى فى الفروانية