مشكلتي كبيرة مع حبيبي ابي حل تكفووون

السلام عليكم،،،

أخواتي المسلمات .... أطلب منكم تساعدوني بمشكلتي ... حاسه إني تعبانه موت من كثر التفكير ... قصتي طويله بس ابي حل تكفون إقرأو مشكلتي وعطوني حل

أنا عمر 21سنه أكبر وحده من أخواتي واخواني أدرس بالكليه سنه ثالثه ،،،

بدايه مشكلتي إني ماكنت متفهمه مع والدتي ببعض افكارها فمثلا كل ما قالت لى شي ما اقتنع فيه وكنت اسوي الى أبيه وارتاح له ...

والدتي من النوع الى تحبني أجلس بالبيت دايم أطلع مع والدي اذا طلع بس هو ما صار يطلع وايد وما اطلع معاها بسبب انشغالها بدوامها ولا توافق اطلع مع بنات خالتي

لكن أكثر شي ضايقني لما اعرف انه اقاربي عازميني بعزيمه غداء او عشاء وما تقولي عنه الا بعد مرور ايام واسألها اني انعزمت ولا لا عشان اعرف وتقول لى ايه عزموج بس نسيت اقوللج بس يكون فات الاوان قلت ما مشكله يمكن بسبب انشغالها بالدوام نست تقول لى ....

بعد مرور اشهر بنت صاحبه والدتي كانت بتتزوج فانا اول ماشفت بطاقه الدعوه بغرفه امي قلت أكيد في بطاقه حالى لان صاحبه امي تعرفني وايد حتى بناتها يعرفوني ،،،جيت وسألت أمي عن بطاقتي قالت لى عزموج بس خبرتهم أنه عندج أمتحانات ،،،بهذاك الوقت انصدمت قلت بنفسي أمي ما جات تسالني بشي عن دروسي ولا تعرف متى أمتحنت واصلا بهذاك اليوم ماكان عندي اي اختبار،،، بوقته زعلت وايد وتضايقت مستغربه ليش امي تحرمني أطلع معاها سواء بحفله ولا عرس ولا أي مكان ..ما ممكن يكون بسبب دروسي لان حتى بفتره الاجازه تمنعني....

بالكليه كنت ادور اي احد ممكن افتح له قلبي واحكي له عن همومي مر سنه وتعرفت على بنت بكليتي لما اشتركت بنشاط وارتحت لها فبديت اقترب منها شوي عشان نبقى اصحاب واقدر احكي لها عن همومي ...

انا ماكنت من النوع الاجتماعي وايد عكس هالبنت فكل ماشفتها بمكان اروح اجلس وياها ونسولف احنا البنات ومرات كانو يجون شباب بس بالنسبه لى كنت اعاملهم كزملاء فقط لا أكثر ولا أقل ...

بس بمرة جا زميل معنا بالكليه وجلس يكلمني عن الدروس والمحاضرات وقال لى انه شكلي مألوف له وانه يشبهني باحد فسألني عن اسم والدتي وقلت له وانا سألته عن اسم والدته لان حتى هو كان شكله مألوف

رجعت البيت وقلت لامي تعرفين وحده اسمها((...)) الى هي والده زميلي ردت على ايه اعرفها ليش قلت لها لان واحد معانا بالكليه قال انه شكلى مألوف وشافج مرة معاي فجيت بس أسألج ...لما التقيت مع هالولد بالكليه قلت له الوالده طلعت تعرف والدتك ..الولد حط في باله انه لنا صله معارف فكل ما شافني جا وسلم على ومشالله عليه محترم وايد ...

مر شهور وبيوم فتح لى قلبه وقال انه معجب فيني وايد ..سألني اذا رح اقبل العلاقه ولا لا ...انا رديت وقلت له خليني بحالى افكر ورح ارد عليك عطاني رقم جواله بسبب انه كان ما يظهر بالكليه الا قليل يعني يحضر محاضراته بس ويطلع ....جلست بحالى افكر ومتردده خايفه لانه اول مرة يطلب منى علاقه وخايفه من كثر ما اسمع عن خيانه الشباب للبنات ،، لاني بنت وايد حساسه فما ابي امر مثل هالمواقف وانهار ... يوم بعد يوم صرت اكلم هالشاب واسأله عن شخصيته والاشياء الى يحبه الى اكتشفته انه انسان خلوق ومحترم وركز على اكثر شي اذا كوننا علاقه ما اكذب ولا اخون واكون صادقه بالحب .... قلت اكيد لان هذا الى انا حتى ابيه منك بعد ...

وما اكذب عليكم كل يوم بعد يوم يكبر بعيني لانه جاني ونصحني باشياء الى كنت ما اتفاهم ابد مع امي واقتنعت وعرفت بغلطتي عرفت ان كلام امي صح وهذا الى شدني اكثر شي له ...

في يوم من الايام كنت جالسه انا وصاحبتي بالكفتيريا الى بالكليه وهو كان موجود بس مع زملائه (جلس بس عشان يشوفني) المهم جا واحد من الشباب بطريقه مب حلوه وملفته للنظر وجلس ويانا انا تضايقت من هالشي وخبرته يكلم هالشاب انه الى يسويه غلط ... في يوم قال لزميله يكلم هالولد لانه يكون اقرب له .... زميله رد عليه وقال اصلا هالبنات هم الى يبون الشباب يركضون وراهم لان البنت الى انا ارتحت لها كثير وبغيت اشكى لها همومي سمعتها وسخه بالكليه ....

هالولد جا وقال لى كيف بديت امشي وياها وليش وبدا يشك فيني كثير بسبب سمعه هالبنت جيت وقلت له وسخه من اي ناحيه قال لى كلام كثير انصدمت فيهم وقال هي من النوع الى ترقم الشباب وو..... انا اول ماصدقته لان كنت معاها بالدوام من الصبح للمغرب اروح وارجع معاها وقلت لى ترقم الشباب وتطلع معاهم كنت بعرف لان هي دايم معاي بس بيوم جا اخوي بالصدفه وقال لى في بنت اعرفها بكليتكم تطلع وايد مع الشباب وترقمهم وتسكن بحاره كذا وكذا ووصف لى بيتهم من كثر ما سمع عن هالبنت ،،،

من يومه قللت الجلوس معاها وحسيت انه الولد الى كان يبي يكون علاقه معاي صادق 100 % ووثقت فيه وحبيته وقلت مستحيل الاقي مثله ......بس مشكله هالشاب وايد عصبي وكل ما صار سوء تفاهم بيننا يسكر التلفون بوجهي وبيوم قال لى بيني وبينج انا شاك فيج لانج كنت تمشين مع هالبنت وسمعتها وسخه ...قلت له وربي ماكنت اعرف عنها لان اكتشفت هالاشياء الى تسويه من ورانا وتكذب علينا انها ماتطلع مع شباب ولا ترقم .. أثبتت له اني صادقه بكلامي واني غير عن هالبنت.. ..

بس الوقت الى يصير سوء تفاهم احاول اتفاهم وياه يطنش مكلاماتي او رسايلي بعض الاوقات وذا انا طنشت حتى ولو مسج واحد له سوى لى سالفه كبيرة ويبدأ يشك فيني اكثر حاولت اكثر من مرة افهمه ..والحين كملنا اكثر من شهر لعلاقتنا ونكون نفسنا عشان نتزوج ..لكن الى خايفه منه اذا ربي ما كتبه لى وش رح يكون مصيري ...

للعلم كلمت والدتي عن هالعلاقه وحست تغيير كبير من ناحيتي يعني صرت اتفاهم وياها اكثر من اول) وقالت لى ماتبيني اكون علاقه قلت لها اني مارح اكلم الا هالولد وهي اقتنعت بكلامي لانها تعرف والدته وسمعه اهله ....

اخواتي انا خايفه كثير اذا كان هالولد الى حبيته ما مكتوب لى للزواج ماعرف وش رح يصير لى انا وايد حساسه ممكن انهار اذا ما عشت معه ... والحين بعد ما لقى له وظيفه صار سوء التفاهم بيننا يكبر ويكبر اوقات يقول لى يبي يتزوج بس ما متخرج بعد وهو اذا جا وتقدم لى لازم يكون متخرج ويشتغل اخاف يتزوج غيري وربي حالتى تتعبني ابي حل تكفوووون ابي اعرف كيف ممكن اتفاهم وياه :cry: