بنتي ..وعنادها

هلا اختي صدقيني هالمشكلة عند كل هالجيل اللي عم نشوفه والله يكون بعونك
بس صدقيني العناد ما ينفع معه غير العناد يعني قد ما عندت لا تردين عليها ولا تلبي طلباتها ابدا وطنشيها لما تصر على موضوع قليلها لاء وعليها لاء يعني لاء انتهى
وهي طبعا حتصيح وتبكي وما الى ذلك من الخدع اياها ومرة على مرة رح تفهم ان عنادها ما يجيب فايدة ورح تتعب وتبطل عناد وخصوصي اذا رح يحرمها من كتييير اشياء هي بتحبها
وحاولي انك ترشديها وتزرعي بمخها ان هي صارت كبيرة وشاطرة وما يجوز التخريب عشان الناس تحبها
وعليكي بالتنويع بالاكل اللي يخليها تنجذب اله وان اذا اكلت طبقها رح تلعبي معها او تحكيلها قصة حلوة كتييير

والله يكون بعونك التربية صعبة والله يقدرنا

انا عندي بنتين وتصدقين يا اختي جودي فور إفر
ان بنتي الكبيرة عمرها 5 سنوات مثل طبع بنتج يمكن اتكونين انت وزوجج متفقين على ما تسونه معاها
بس انا زوجي كل ما اشد معاها رخ هو يوم اقولة بتخرب تربية البنت اقولي لا شدي انتي وبرخي انا او العكس
بس الاحظ انه دايمن انا الي اشد وهو الي يرخي
سارت اتحبه وتسمع كلامه هو وهي على هالعناد

أختي كلنا نعاني مثلك، اللي عندي ذكي ويفهم بس مشكلته العناد، يعني الحين هو يحب شخصية القطار Thomas ، عنده بدلتين على هالشخصية، تشوفيه يرفض يلبس ويصر على لبس هذه البدلة..

الحين قمت أطنش، يصيح آتركه ، يصارخ ويسوي حركات كأني ماشوفه،، بعدها ييأس ويشيل اللي في باله....

[frame="2 80"]الله يعين الجميع على تربية أولادهم التربية الصالحة ..

أعتقد كشف لغز مثلث برمودا أكثر سهولة من هذا فعناد الأطفال قضية لا حل عند الكثيرات كما أعتقد لكل داء دواء يستطب به ،،، إلا ((عناد الأطفال)) أعيت من يداويها ههههههههه..

ولله الحمد أنا عندي طفلين الله يبارك فيهم ، وأقرأ كثييير في مجال رعاية الأطفال والإهتمام بهم تدرين مقبلين على دهر الله يستر منه ، وصدقيني الغالية كل ما في الأمر يباله بعض الصبر وطول البال واللي أشوفه نادر هالأيام .. بس حاولي وعسى الأمور تجري على ما يرام ، وأكييد الكتب اللي نقراها بهالخصوص تفيد ولو بالشي القليل وهذا من واقع تعاملي ويا عيالي ..

شفت إن العلاقة الحلوة بيننا تدفعهم الى ان يكونوا أكثر طاعة من خاطرهم لأن كلما زاد حبك لهم كان تقبلهم للتوجيه والنصح أفضل ، وإسمحي لهم بحرية الاختيار فيما يتعلق ببعض شؤونه الخاصة حتى ما نكسر خاطره المسكين في الاستقلالية والتفكير في الأمور العادية اللي ما بها أي ضرر ،
ولا تحاولي أبد إنج تسوين شي طفلك قادر إنه يسويه بروحه تراه ينزعج مررررة ويزيد صريخه وعناده ..

الله يهديهم بس وشوي شوي عليهم تراهم ما يستاهلوا العصبية والزعيق وطووول البال أهم شي ، وعلى فكرة موضوع التطنيش تراه أبد مو مفيد بالعكس له آثار سلبية تعقد الطفل لأنها توحي له بأن أمه ما عادت تهتم فيه وهاي يزيد من عناده أكثر ..

هاي اللي عندي وموفقات يا أمهات دائما ..[/frame]

الله يجازي بالخير كل اللي رد علي وشاركني في مشكلتي
ومثل ماتقول أمي جيل اليوم صاروا هم الأمهات واحنا اولادهم ..هم يأمروا واحنا ننفذ
وااله يكون في العون

أختي العزيزة
والله كأنك تحكين مشكلتي مع بنتي عمرها 5 سنوات ماخليت كتب ولا إستشارات ولابرامج أدور
حل وألحين إستخدمت معها طريقة العقاب لمدة 5 دقايق أجلسها بمكان أنا خصصته عشان أعاقبها فيه وبما أنها كثيرة حركة صارت تحاول ماتغلط خايفة من العقاب
وحسيت إنها بدأت تهدأ نوعا ما وبديت معها في أسلوب المكافآت
جربي ها الطريقة يعني مثلا لو عندك كرسي بالصالة خصصيه للعقاب شرط ماتطولين المدة أقصى حد 5 دقايق
وربنا يهدي لك ولنا

وأنا بعد عندب نفس المشكلة مع بنتي
عمرها سنتين ومشيبتني

كل ساعه تسوي لي سالفه تبيني أغير ملابسها
وتوقف عند الكبت وتصارخ وماتسكت الا لما أغير ليها..
عنييييييده مره
مافيه حل الا نعاندهم مثل مايعاندونا

و مانقول الا الله يعينك أختي ويعينا
واللي يشوف مشاكل غيره تهون عليه مشكلته..