بنات بموت من القهر ساعدوني الله يخليكم

مرحبا عزيزتي

انا من رايي انك تجلسين معاه جلسة مصارحة وكل واحد اقول اللي بخاطره وتتفاهمون علشان تردون مثل قبل ومادري احس ان يمكن انت بعد تغيرتي بعد الخطوبة وهالشي خلاه يتغير يعني قبل يمكن ماكنت تدققين وايد والحين تضاربون ومادري شنو يعني احتمال تكوني انت بعد تغيرتي فافضل شي جلسة مصالحة ترد الامور الى مجاريها والله يسخره لج حبيبيتي

هلا اختي حسناء الإمارات

......(f) (f) (f) (f) ......

انتي حسيتي انه تغير من صارت الخطبه..اول شي اقول لا تظلمين الريال يمكن يعني الوضع يديد عليه..يعني قبل ما يحس بالالتزام الحين بدى يحس بالالتزام فمب قادر يتاقلم عطيه فرصه ياقلم عمره...وانتي يا اختي عودي عمرج انج ما تكونين على راسه ليل ونهار ..مثلا مب دايما تتصلين له ..ولا تسالينه وين بتروح وشو بتسوي الحين ..لان هو يحس انه لازم يقول ولازم يلتزم..خلج ثجيله شوي ..لا تتصلين فيه ..واذا هو اتصل وقالج ليش ما اتصلتي قوليه ما حبيت ازعجك انا اعرف انك هالحزه ويا ربعك...خليه هو الي يتصل ويتولهه ..شوقيه عليج...لا تقوليله خلنا نظهر خليه هو الي يقولج وانتي امسكي عمرج شويه...

وشي ثانيه الغاليه...لا تحطين الريال في موضع شك...الحين وعقب العرس...لان هالشي واايد يثيره عشان جي يعصب عليج...انتي اذا كنتي شاكه في اي شي..قوليله العكس قوليله انا واااااااااااثقه فيك فوق ما تتخيل وانا اعرف انك تحبني ومستحيل تدور على حد غيري ..ومن هالكلام ..واذا لا سمح الله صج كان عنده شي ...يمكن هذا قبل فترة الخطبه ويبى يودرهم الحين فانتي بس عطيه فرصه..وبينيله الثقه ...وان شاء الله بيتغير ..للاحسن...والسموحه على الاطاله يا قلبي ....

يارب افرج هم وكربة اختي(حسناء الامارات)

يمكن كان يتلاعب و لما صار الموضوع جد و تحولت لخطبه رسميه حب يكرهك فيه علشان تقولين ما ابيه

؟؟؟

جلسة صراحه بينك و بينه ممكن تكشف الموضوع و توضح اللي في باطن الأمور

شوفي ياقمر لاتضغطين عليه كثير وخليه ياخذ حريته بحدود يعني لاتحسسينه انه ارتبط وملتزم بس فيك خليه يروح ويطلع وانتي بنفسك اطلبي منه وشوفي كيف راح يتصرف

دائما الرجل اذا تزوج يحس انه مكبوت ويتمنى يرجع لايام اول عشان ياخذ راحته وحريته

لاتنفرينه منك بالعكس حاولي تطنشين وبنفس الوقت تحتوينه وتفهميه ... وتعلمي تطنشين وتثقلي عليه شوي وهو راح يرجعلك مثل اول وافضل ان شاء الله وكلام اختي دهن الورد مره رائع

وبالتوفيق وربي يسعدك (f)

حبيباتي
غداري - والله وايد جلسنا بس من غير فايدة
دهن العود - فديتك والله كلامك وايد عجبني و هذا أل بسوية وياه
سحايب - لا يا حبيبتي وحياتك 1000 مرة قلتلة ننفصل ما يطيع مول يقول أحبك بس ما أدري ليش أحس بتغيرة
نور عيوني - صدقج كلام دهن العود وايد مقنع

مشكورين فديتكم و أتريا مزيد من الحلول

لاء سحايب دبي حرام عليك هالكلام حبيبتي مااحد غصبه احد يخطبها مو معقولة انه بيجبر نفسه وبيخطب البنت وبعدين بكرهها فيه عشان يتركه هذا الكلام مايصير... بعدين كان بإمكانه مايخطبها بالأساس اذا كان يتلاعب بس يمكن حس ا لمسئوليات تغيرت وكبرت اقعدي معاه وتفاهمي معاه يكون افضل حاولي تعرفين شنو الي مضايقه وشنو الي يحاتيه وان شا ءالله الله يوفق ويسهل عليكم يارب..

الصراحه وجهة نظري ..

انه الريال احس انه شبع .. لا تزعلين من كلامي بس 7 سنين حب واعذريني على هالشي يعني الممنوع مرغوب .. فأنتي كنتي طوال 7 سنين شي صعب عليه .. يعني شي مب ملكه فيحب انه يكون معاج ويهتم فيج ..

بس لما يات اللحظه الي اتأكد انه انتي له وملكه حس انه عادي وانه حتى لو راح او ما اهتم تراج وراه وراه وله يعني وين ماراح انتي ما بتغيبين بيلقاج وقت ما يبا ..

يمكن كلامي يكون قاسي بس هذا التفسير الي انا احسه بما ان الأنسان دايم طماع و يحب يجرب كل شي ممنوع عليه ..

الله يهدييه لج ان شالله وحاولي تتكلمين معاه بصراحه

عزيزتي

انا راح اكون صريحة معاج

السالفة وما فيها قبل الخطوبة العلاقة الي بينكم هي علاقة حب

كل واحد يقول لثاني كلام حلو وكلام عسل

لما تتم الخطبة تشوفين البدايات في كلام حلو بعدين السالفة تبرد بينكم

انا في البداية من خطوبتي مريت بهذي المرحلة

حسيت اني انا وخطيبي صرنا بعاد عن بعض واننا خلاص ما نعرف نتفاهم

لأن السالفة وما فيها هذي مرحلة جديدة في حياتك وحياته

يعني حياة جديدة عليج وعليه فيمكن تحسين انك ما تعرفين تتفاهمين معاه

فأنا عن نفسي أكتشفت ان الغلط مني

لان في الخطوبة صار برود مني

يعني صرت اتعامل معاه ببرود ...او لما أتصل فيه ما كنت اقول له كلام حلو

مثل ما كنت اقوله قبل الخطوبة

فشنو سوينا قعدنا جلسة مصارحة ...وكل واحد منا قال عيوب الثاني بدون ان احد يزعل من الثاني

وحاولنا نصلح أغلاطنا

وبعدين انا من نفسي بديت أقول له كلام حلو ...ومغازل ....والكلام الي خبرج

وشفته رجع مثل اول

صدقيني بدون مبالغة ....وانا استعنت ببعض المواضيع الي في موقع عروس

الي في ركن الشؤن الأجتماعية

فعلا أفادتني كثيرا ....والحين كل شي تمام التمام

بيني وبين خطيبي والحمدالله

يعني الي عليج انك ما تتسرعين في فكرة الأنفصال

دوري على المشكلة في وين وحاولي تحلينها

وان شاء الله كل شي يتم على الخير

والله ولي التوفيق

عجبني كلام بعض البنات..

بس لا تنسين ان انتوا كنتوا اتحبوون بعض 7 سنين شووفي عزيزتي يعني الاشياء الي كنتواا اتسونها قبل الخطبه مب شرط انها اتم مثل ما هي بعد الخطبه...خلي الريال على راحته....وغيري شوي من الروتين..مثل ما قلتلج اكيد الايام الي قبل الخطبه وااااااااااااااااااااايد كانت رومانسيه واايد احلى الحين هوو مسؤول صدق عنج ومسؤول عن الحياة الي بينج وبينه والايام الي بتي انشالله..

لا تنتظرين هوووو يقولج كلام حلووو او هوو يتصل بالعكس انتي اتصلي وانتي بادري بالكلام الحلوو ولا تتأفين وتقوليه انت وااايد اتغيرت ...لان هووو ابد ما تغير ولا تياسين من كلام الغزل ..

اهتمي فيه بس مب وايد عن يطفر خلي شي حق بعد العرس ...وانصحج لا تطولين فترة الخطبه خلاص اصلن المفروض انتووا على طووول تزوجووون يعني مافي مجال لتعارف خلاص انتي اتعرفين عنه كلشي وهوو نفس الحاله....لان الخطبه الطووويله يتخللها الملل اتحسين تبين اتغيرين من الروتين تبين شي يديد في حياتج...

بس حاليا هاي النصايح الي عندي اذا في شي بخبرج ههههه وبتوفيق انشاالله مثل ما قلتلج انتي بادري بتغير مب هووو ودايما حطي في بالج عامليه مثل ما انتي انحبين انه يعااملج وانشالله بتشوفينه يتغير...بس يبيله صبر

ودري عنج الانفصال البنت مب كل يوم بتحصل ريل اذا هذااا جي يمكن ايج واحد اخس عنه شوو بتسوين...وعمووما اغلب الريايل نفس الشي..


ماشالله عليه وااااايد اتكلم

انا اقول بعد ترا الرياييل بسهوله يحسون انهم مخنوقين خليه على راحت لو شو ما سوى قولي اللي يريحك حبيبي لا تلاحقيه خليه هو اللي يركض وراج

مشكورين بنات والله ريحتونى كل ردودكم أحسها نصايح مفيدة جدا و بتصبرني على ها الشئ و بتبعها و أنشالله خير

ما حد أبد:
انا اقول بعد ترا الرياييل بسهوله يحسون انهم مخنوقين خليه على راحت لو شو ما سوى قولي اللي يريحك حبيبي لا تلاحقيه خليه هو اللي يركض وراج

فى الاول الراجل بيكون حاسس باحساس جديد انه هيموت عليكى لانك بعيده ولما تتخطبوا خوفه بيقل وبيبدأ يحس انك فى امان وبعدين متنسيش ان الاصحاب لما واحد يخطب يفضلوا يقولوله انت طنشتنا وخلاص الخطوبة غيرتك فطبعا بيحاول يتصرف على عكس كلامهم ودى بتبقى فترة والامور هتتظبط ان شاء الله ويا اختى صدقينى بعد الجواز بتقل الرومانسيه وبيعبروا عنها بطرق كتيرة بطرق عملية وطبعا احنا الستات مش بيعجبنا كده بس كلنا فى الهوا سوا ولازم نتكيف مع الوضع

فى الاول الراجل بيكون حاسس باحساس جديد انه هيموت عليكى لانك بعيده ولما تتخطبوا خوفه بيقل وبيبدأ يحس انك فى امان وبعدين متنسيش ان الاصحاب لما واحد يخطب يفضلوا يقولوله انت طنشتنا وخلاص الخطوبة غيرتك فطبعا بيحاول يتصرف على عكس كلامهم ودى بتبقى فترة والامور هتتظبط ان شاء الله ويا اختى صدقينى بعد الجواز بتقل الرومانسيه وبيعبروا عنها بطرق كتيرة بطرق عملية وطبعا احنا الستات مش بيعجبنا كده بس كلنا فى الهوا سوا ولازم نتكيف مع الوضع

البنااات ماقصروااا معااج :)

وانشالله افادوونج

لانه كلامهم كله صحييح

الله يهديه لج إن شاء الله ..

ويهدي كل زوج ما يطالع زوجته ..

إن شاء الله ..

الله يعينك

عيون بوظبي;2544282:
الصراحه وجهة نظري ..

انه الريال احس انه شبع .. لا تزعلين من كلامي بس 7 سنين حب واعذريني على هالشي يعني الممنوع مرغوب .. فأنتي كنتي طوال 7 سنين شي صعب عليه .. يعني شي مب ملكه فيحب انه يكون معاج ويهتم فيج ..

بس لما يات اللحظه الي اتأكد انه انتي له وملكه حس انه عادي وانه حتى لو راح او ما اهتم تراج وراه وراه وله يعني وين ماراح انتي ما بتغيبين بيلقاج وقت ما يبا ..

يمكن كلامي يكون قاسي بس هذا التفسير الي انا احسه بما ان الأنسان دايم طماع و يحب يجرب كل شي ممنوع عليه ..

الله يهدييه لج ان شالله وحاولي تتكلمين معاه بصراحه