بنات عروس لحقوا علي صدري بينضب

اولا الحمدلله على السلامة ومبروك ما جاكم ..ويتربى في عزكم والله يجعله من الذرية الصالحة ..
عزيزتي تقدرين تاكلين التمر .. وحلوى الرهش .. وفي الدول الاجنبية ينصحون في شرب الحليب ..مع العلم عندنا في الخليج يقولون ما تشرب المرأءة النفسه الماء ..!!!!!!!! لكن ما اعتقد هذا صحيح ..لانه الاطباء ينصحون في الحليب .. وانتبهي عزيزتي لا تشفطين كثير علشان لا يخترب الصدر مثل ما صار معاي ..

الرهش زين حاولي تاكلين منه

الرهش (( حلاوة الطحينيه )) .. جربيه وعلى ضمانتي ..

وأشربي حليب قد ما تحبين .. ومثل ما قالت الأخت فاتن عن شرب النفساء للماء فهاذي اعتقاد مو صحيح

لأنهم يعتقدون إذا ما شربت ماي راح يخف الدم .. مع انها بأشد الحاجة لتنضيف جسمها بعد أختزان السوائل لمدة طويلة

واتمنى لج الصحة والعافيه ومبروك ما يبتون

نزين بنات أنا سمعت إنه فيه شاي بالأعشاب عشان إدرار الحليب إشرايكم فيه و أقدر اطلب من الطبيب كبسولات إدرار الحليب و لا هاي مو زينة..؟

هي الخلطة تستخدم لدينا في سوريا واستخدمتها أختي :
حليب وسمن وتمر (ويمكن طحين أو سميد بتأكد منها ان شاء الله )وتأكل منها النفساء والبعض تضع مثل حجاب على الصدر فيه الاية الكريمة كاملة (..........لبنا سائغا للشاربين..............)

اول شي مبروك حبيبتي .. وانشالله يترب في عزكم يارب ...


بالنسبه لادرار الحليب كثري من شرب الحلبه ...

الرهش ما انصح فيه كله دهون ..!!

انا اسمع ان الحلبه تدر الحليب تطحن وتوضع مع حليب وتشرب في الصباح

وانشااء الله تكون معلومه صح

الغالية انا ولدت قيصري بس ما حد قالي ما اشرب ماي لكن الحليب بس اول ايام العملية كان ممنوع وبعدين عادي وكثري من الحليب الطبيعي والرهش مثل ما قالوا البنات وعليج بالحلبة الغالية وايد زينة لج وايد وايد زينة

الاعشاب اللي تقصدينها هي اعشاب سيكم لإدرار الحليب
وعن تجربه وااااااااااايد زينه انصحج فيها ثلاث مرات فاليوم لأني انا بعد ارضع واذا خف حليبي اشرب هالاعشاب لأن من مكوناتها الحلبه واليانسون ومعروف عنهم انهم يدرون الحليب
اما الرهش بعد واااايد زين ويدر بس ماانصحج تاكلين منه لأنج بتمتنين وايد عليه وخاصه انج والده قيصري والبطن مايروح بسرعه
الا اذا انتي حابه تمتنين هاي شي ثاني

كتكوتة .. فديتج هاي شاي الأعشاب صحي و طبيعي ..؟ لأنه أخاف يأثر و لا شيء .. و بالنسبة للرهش لا ما راح آكله دام السالفة فيها متن ...:dd:

عزيزتى اكثرى من شرب الحليب الممزوج مع الحلبة فبالاضافة الى ادرارة للحليب تعمل الحلبة على تنظيف الرحم بعد الولادة

بالاضافة الي التمر والرطب لان معروووووف اي شي فيه نسبة سكريات واجد تعمل على ادرار الحليب

والف مبرووووووك البيبي والحمد لله عالسلامة

مثل ماقالوا البنات

الرهش .. والحلبة ..

والله يقومج بالسلامه

فديتج شاي الاعشاب(لإدرار اللبن) طبيعي 100%
تحصلينه في بعض السوبرماركت او الصيدليات... اسئلي عنه هناك...