بنات عندي شيء شاغل بالي .. شنو رايكم ؟؟ هل اللي أبيه غلط او مو من حقي؟

الله يكون في عونك عزيزتي

احس ما فيه طريقه الا تكلمي امك... ومستحيل تطيحي من عينها

لانها حددت ان بعد ما تخلصي دراستك بتكلميه.. وهذا انتي خلصتي دراستك

فعادي تخبريها باللي في خاطرك

والله يوفقك وييسر امورك

لازم هو يطلب هالشيء

انتي لا تقعدين تفكرين ووايد

ريح العطر . حبيبتي ما فهمتيني .. أمي مو رافضه هالأمر بالعكس ..راضيه بس مستحيل والولد ماطلب ...

تجيله تقوله تعال يالله كلمها ... كل شيء له حدوده .. مع إنه يصيرلها ..

====================

نوسه .. حبيبتي ... ما جبتي شيء جديد ... أنا أدري إني ما اقدر أطلب. . .

ومستحيل اتجرأ أقوله أبكلمك ... بس المشكله شلون أحفزه يطلب. .؟؟


خصوصا إن على إننا أهل بس من زمان ما شفته عند خوالي. . من كان عمري ست أو 7 سنوات ..

المهم أنا بس عندي صورته ... واللي جابتها لي أمي الله يخليها . قالت لازم بنتي تشوف صورته ..


المهم ... شسوي.. أبي ردود .. وحتى تقولون ما في حل وتصبري. . والله يوفقج .. صدقوني بتريحوني بهالكلام ..

وشكرا

والله ماعرف ياختي

بس الصبر مفتاح الفرج

والله يوفقج بحياتج

الله يعينج هذي احلى ايام المغازله بين الريال وحرمته .
وبعد الزواج امه واخته واخواه والعيال ووووووووووو.
والله يعينج

الله يعينج هذي احلى ايام المغازله بين الريال وحرمته .
وبعد الزواج امه واخته واخواه والعيال ووووووووووو.
والله يعينج:confused: :confused:

بصراحه انتي من حقك ونص بعد لازم تعرفينه وهذا شي ابد موعيب لانكم مملكين رسمي
بس وش نسوي اذا كانت العادات والتقاليد الي ماانزل الله لها من سلطان
بس ماورنا الا الانصياغ لها

اقولك لا تسوين شي ولاتلمحين ولا مايحزنون ماعليك الا الصبر
يالله مابقي شي
والله يوفقك ويسعدك ويوفقنا اجمعين

اكيد هو في خاطره يكلمج بس مستحي

انتي لمحي لخواته وهن بيفهمن

الله يوفقج

بصراااحة انا انصحج تدعيين ربج
والله يوفقج ان شااء الله وترمسينه

ينقل الي ركن قضايا وحلول

بسالج اختي اشلون سويتوووو ملجه وانتو ماشفتو بعض

يعني انتي ولا مرة شفتيه

ويوم الملجه ماقعدتو مع بعض


اشلون يعني مب فاهمة

الريال من يملج خلاص صرتي حلااله

حبيبتي حاولي تتكلمين مع أمج وتقنعينها ....................

يعني الغالية مافي حل يا انج تقولي لين امج مباشرة يا انج تلمحين لها

يعني تمي اسئليها كيف طبعة عصبي مو عصبي و غيره و هي من كثر اسئلتج بتفهم

و الله يقدم اللي فيه الخير

السلام عليكم حبوبه

شوفي حبيبتي بما أن امج موافقه بس اعترضت علشان سبب وزال هذا السبب

فاتحيها بطريقه غير مباشره توفير للاحراج يعني قولي لها يمه انا خايفه من العرس

وما اعرف شخصيته ولا اعرف عنه اي شي ها زواج مو شي يصير وينتهي وخلاص

ابي اعرف شلون شخصيته

او لمحي لخواته انج خايفه وتحاتين شخصيته وهم ان شاء الله بيوصلون له وبيفهم

الله يوفقج حبيبتي ويسهل امرج

اولا : الف مبرووكـ الله يتمم مابينكم على خير

ثانيا: مستحيل تطيحين من عين امج ابد .. خصوصا (ملجتي)

راح اقولج شنو تسوين :

1-اختاري وقت مناسب وتكون امج مروقه وكلميها

2-وضحيها وجهة نظرج من الموضووع وانج تبين تعرفين اطباعه قبل لايطيح الفاس بالراس

3-وبطريقة مزاحيه قوليلها(يمه اخاف انه متفشل من هذيك المره موراد مره ثانيه يطلب يكلمني )

4-بوسي راس امج واستني فتره لمن تفكر بالموضوع

5-لاتقرقيين كل شوي عليها تبين الجواب اعقلي خخخخخخ

6- الله يسعدكم ياارب وتخلو صبيان وبنات

:qaq: ملجتو لوا شفتوا بعض...اقولج...لازم لازم تشوفينه قبل العرس ..يمكن سبحان الله ما ترتاحين لشكله..اصري على موقفج وكلميه اهو قوليله ابا اشوفك...او اسالي وين يقعد دايما في اي كوفي او في اي مول وروحي وشوفي وعشان تتاكيد اتصلي في نفس الوقت وبتعرفين شكله كيف...(خطه جهنميه)خخخخ

لا بس حبوبه جد لازم تشوفينه وتكلمينه...

شوفي

انا مرت اخوي العود يوم ملكوا اختها اللي أكبر منها خذت رقم اخوي منا احنا البنات وعطته

اختها وتكلموا لأن احنا مافيه لقاءات لحد الزواج بس تلفونات، وكانوا مثلك شهرين ونص وتزوجوا

لازم تشوفين لك طريقه

مب عيب ولاشئ

بالعكس حقك

البنت تكون فيها رهبه أكثر من الولد اذا ماعرفت ريلها

والله يوفقك الغاليه

انا اقول اذا ماقدرتي توصلين للي تبينه

مب لازن تكلمينه انتم اكيد سائلين عنه قبل لاتوافقين وحتى وانتي متملكه تاااابعي بالسؤال عنه وعن طبعه واسلوبه

وماعليك من صديقاتك لاتخلين غيرتك من صديقاتك تحمسك واخرتها ماتدرين وش يصير

تعوذي من الشيطان وتوكلي على الله وماخاب من توكل عليه سبحانه

شوفي حبيبتي, الحل الي بقول لك اياه اهو الصح و انا متأكده...

لما طلب انه يكلمك أول ما ملكتو امك رفضت بحجة الدراسه و هو سكت, و اتوقع انه استحى انه يقول لها مرة ثانيه عشانه يمكن فكّر انها معارضه هالشي و تحججت بالدراسهو فما حب انه يحرجها أو يسبب لها أي نوع من الاحراج حشيمة و اكرام لها على ما يقولون....

المطلوب الحين تتركين عنك الاحراج و الحيا و تعتبرينها مرحلة جديدة بحياتك فيها شوي من العزيمة, لأن هذا الشي من حقج مية بالمية و ماعليك من الي يقول لازم هو الي يقول, لأن في هالحالة اقول لازم تفاتحين امك بالموضوع و هي الي تقول له ان هذي زوجتك و من حقك تكلمها الحين دام الدراسه خلصت...

صدقيني هذا الي قلت لك عليه هو عين العقل و الي المفروض يصير, و عن الاخت الي قالت (بس وش نسوي اذا كانت العادات والتقاليد الي ماانزل الله لها من سلطان
بس ماورنا الا الانصياغ لها )
كلامها غلط ميه بالميه و أصلا مافي بولا شرع و ولا قانون مبدأ ينقال له الانصياع للعادات و التقاليد من هالناحية, بالعكس العادات و التقاليد ان الرجل لااازم يكلم المرأة اثناء فترة الخطلة, و هذا الي بيجعل من الزواج ناجح و سعيد باذن الله....

توكلي على الله ياحبيبتي و كلمي أمك و قوليلها ترا الدراسه خلصت و ابيك تبلغين فلان وتقولين له هالشي و انه ممكن يكلمني و تشرحين لها ليه ما جت من صوبه و انه أكيد بيكون محرج و زي التحليل الي قبل شوي, و تقولين لها عن الي مضايقك و تطلعين لاي بقلبك كله, و ادعي ربك ان الله يفرجها عليك,,, و الي يقول لك اصبري ماعليك منه, مافي شي اسمه صبر و المشكله حلها واضح و بسيط, مجرد جرأة شويه و تحليل بسيط للأمور و تنحل العقدة باذن الله, و بارك الله فيك...