اكلة ايطاليه جنان معكرونه بالكريمه والخضار وبالفرن يم يم

عندي لكم معرونه فضيعه ريلي يموت عليها وكل من ذاقها
المقادير:
معكرونه الفراشه الملونه + فراشه مو الملونه العاديه نص من الكيس الاول ونص الكيس الثاني نفوحهم بماي وملح ونخليهم على الجنب
بروكلي
زهره
مشروم طبيعي شرايح
2 ماجي
بصل شرايح حبه
كريمه كي دي دي
حليب
جبن شيدر ومازوريلا
دجاج مقطع الى مربعات صغيره

الطريقه:
نضع الزبده بالقدر والبصل بس يحمر شوي نحط الدجاج وفلفل اسود وبهار خفيف او يكفي الفلفل الاسود
ونحط المشروم بعده مع التقليب ونحط الماجي2 ونكون قبلها فايحين البروكلي والزهره بالماي مع شوي كمون مو وايد 6 دقايق عشان ما يتفتت وتطلع الغازات الي بالبروكلي والزهره
نضيف البروكلي والزهره والحليب كوب ونخليه يطبخ مع بعض بس مو وايد الحليب لا يغطي الخضار عشان ما تكثر المياعه للاكله ونخط الكريمه نص علبه او حسب الرغبه
ونضيف المعكرونه المفيوحه عليهم اي مطبوخه ونخليه على نار هاديه عشان يطبخ مع بعض وما يتفتت البروكلي والزهره

ونخليهم يطبخون مع بعض عشان الطعم

ونحطهم بصن البايركس وفوقه الجبن بنوعينا ونحمي الفرن اول شي تحت وبعد 10 دقايق فوق ليمه نحمر الجبنه

وبالهنا والشفا وقولولي اشرايكم