حلم غريب

السلام عليكم..
ارجو تفسير حلمي..انا مطلقه..اعمل ..عمري 23..حلمت في وقت الفجر
حلمت ان انا في حديقه وكنت اشرب عصير من زجاجه وكان لذيذ وفيه قطع من الفواكه..وكنت اتمشى رحت مكان فيه شجرة تين..وكان فيها تين اخضر بس لين الحين ما استوى..وشجرة توت وفيها توت بس بعد احمر بس ما استوى عدل واذكر اني خذت توته وكنت اقطعها قطع صغيره واعطيها لقرد صغير حجمه كبر الكف..وبعدها رحت غرفتي..وكانت معاي اختي فاطمه وقعدت اطلع لها قمصان جديده شاريتها 12 قميص وكنت اقول لها انها للشغل وكانو من القطن واكتشفت ان كلهم فيهم اللون الاخضر..بعدها اذكر اني رحت المطبخ واخذت جبن (اللي يكون مثلثات وفي علبه) وفتحت وحده ومصيها وكلت شوي منها بعدين اخذت سكين قطعت روتي(اللي هو نوع من الخبز) وحطيت فيه باقي الجبنه..وفي هالوقت دخل علي ابوي ورحت وضميته وقلت له اني احبه وايد..وكان معاه رجل غريب ما اعرفه بس وسيم جدا ولابس ثوب ابيض جديد وغتره بيضا..الرجل اخذ الروتي اللي انا مسويته واكل منه قعدت ابتسم واضحك بس بدون صوت قلت له انت لو تعرف انا شسويت كان ماكلت منه كنت بترجع (كان قصدي ان انا مصيت الجبن)..قام ابتسم في وجهي..بس شفت اسنانه كلها عدله الا السنين اللي فوق في الامام واحد منهم ما كان موجود بس طالع له سن جديد مكانه بس صغير يعني لين الحين ماطلع كامل..وقعدت وكان على اذآن الفجر..
ملاحظه..انا علاقتي بابوي مش قويه ومستحيل اقوله اني احبه او اضمه..انا ما اكل جبن بهالطريقه او حتى احبه لهدرجه وفي الحلم كان وايد حلو..

جزاكم الله الف خير