ريحة "الـــثــوم "مو راظيه تختفي ؟؟!

اختي بسألج سؤال طول شعرج يوم استخدمتي الثوم

أختي أنا لما حطيت ثوم في شعري ما راحت ريحته الا بعد فترة

قمت أغسله بالشامبو ... يعني لما أحط شامبو أخليه 3 دقايق
وأغسله وأرد أحط مرة ثانية وأخليه 3 دقايق أو أربع... وبعدين أغسله
وأحط البلســـم ... وأحيانا أحط كريم حمام الزيت.... وأخليه لمدة نص ساعة
وبعدين أغسله ولما أنشف شعري أحط دهن عود على ايدي وأبدا
أخليه على شعري كانج تدلكين شعرج... والحمد لله الريحة اختفت بس يبغالها استمرار وتروح الريحة .... وأنا الحين متزوجة ما أقدر أحط ثوم على شعري ...

أتمنى أكون أفدتج ... وان شاءالله تروح ريحة الثوم

لا والله ماطال (((بزوغ الفجر<<< لان انا مره وحده حطيته وتوووووووبه احطه مره ثانيه

عروس جنان
اشكرج من كل قلبي انا اسوي هالطريقه صراحه تعبت ماكو حل ثاني ؟؟؟

اختي بخريه بعد الحمام على طول

ومثل ماقالو الخوات طولي في الحمام

اووووكي الله يوفقك ويسهل عليك خيتوو

اختي يقولون اذا حطيتي نسكافيه مخفف بماي تخف ريحه الثوم .. انا وحده ما اقامر مستحيل احط ثوم في شعري مع انه له فوايد وايد خاصه للي شعرها يتساقط .

جربي النسكافي وقوليلنا .

اختج

روح البحرين

السلام عليكم اختي العروسة الناعسة ومبروك عرسك الشهر الجاي

بعطيك وصفات تزيل الرائحة وتغذي الشعر لانو حرام من كتر ما غسلتيه بنشف شعرك وبتعب

بامكانك تحطي عسل لانو العسل معروف عنه يزيل ريحة الثوم وخليه ربع ساعة - نص ساعة على شعرك بتروح الريحة وبستفيد شعرك ان شاء الله

او ضعي عصير البقدونس واتركيه على شعرك نص ساعة وكرري ذلك كل ما لزم الامر

ومثل ما قالت الاخت روح البحرين النسكافيه او تفل القهوة مليحة تزيل رائحة الثوم