^&^&^$ نصيـــــــــــــــــــحة $^&^&^

مرحبا حبيبتي الله يتمم عليج و يهون عليج ولادتك
انا بالنسبه لي اهم شي انك ما تكثرين ملابس المواليد يعني من 0-3 لانه الطفل يكبر بسرعه ...و يمكن تلقين انه فيه ملابس ملبستيها للطفل
انا بالنسبه الي شريتها
طبعا سرير للطفل
طاوله تبديل ملابس الطفل ....طبعا وايد ناس يقولون انها مو ضروريه بس صدقيني لما استخدمتها وايد وايد ريحتني لانها طاوله للتبديل و هم فيها بانيو وهم فيها ادراج لملابس للطفل يعني كل شي يمك
عندك اله غلي الرضاعه و اله تسخين الرضاعه
مهادات الطفل (اذا كنتو من النوع الي يمهد الطفل)
كريم للحفاظه انا استخدم كريم مذركير وايد ممتاز
طبعا بودره الجسم و كريم الجسم و زيت جسم الاطفال من جونسن و شامبو الاطفال من لوريال
بطانيه للطفل
كيس للطفل علشان لما يجون عندك ضيوف تحطين الطفل فيه
بالنسبه لملابس الطفل مثل ما قلت لا تكثرين منها لان الطفل يكبر بسرعه و كل ما اتسخ شي يغسل بسرعه علشان يلحق ينشف
و اتمني اني قد افدك

سواني

يزاج الله خير..افدتيني وايد مو شوي..و خصوصا لم قلتي اني ما أكثر من نيو بورن و 0-3..

مع اني سمعت ان اكثر شي اشتري من 0-3

ياليت تفيديني بالكمية اللي تعتبر اذا زدت عنها تكون كثيره..

يعني مثلا اليوم شريت 6 بجامات نيو بيبي و 3 ملابس داخليه نيو بيبي ..و 6 بجامات من 0-3 و 7 ملابس داخلية من 0-3

بالنسبه للبجامات وايد ولا شويه؟؟

و اشكثر اشتري ملابس للطلعه؟؟


ايهي اكثر شهور اكثر منها البجامات و ملابس الطلعه؟؟

1- نيو بيبي.

2- من 0-3 شهور

3 من 3-6 شهور

4- من 6-9 شهور

5- من 9- سنة

؟؟؟

بانتظاااااااااااركم


و ربي يوفق كل من ترد علي و تفيدني

:shy: أختي الله يسهل عليج ولادتك وبافيدك بخبرتي البسيطة في أهم المستلزمات الي حسيت أني أستفدت منهم..

*الملابس (البيجامة الشبك) لا تكثرين من مقاس 0-3 شهور، لأن مايعوق الطفل يكبر بعد الأربعين وماراح تستفيدين منهم، أخذي بس 3 او 4 منهم للمستشفى وأول الأيام ، أخذي من 3-6 شهور أحسن يكون يبقون لفترة أطول حتى لو حسيتي أن الطفل ضايع فيهم شوي..

*الملابس الداخلية (الشبك) تحتاجينهم كثير، اخذي 4 من 0-3 لأن الطفل اول الأيام يبهدل الدنيا بس الباقي أخذي من 3-6 شهور...
ترى الملابس الشبك هم أكثر شي يحتاجهم الطفل (طبعا اللي مسكر بالرجل)



* الرضاعات ( إذا انت إن شاء الله بترضعين طبيعي ماتحتاجين كثير، ونصيحة منى رضعي قدر ماتقدرين طبيعي لأن يقوي مناعة الطفل) أخذي 2 صغار زجاج من بيجون (واحدة للماء والثانية خليها لليونسون والعصير فيما بعد).. إذا متحبين جهاز التعقيم الكهربائي، فيه بالميكرويف،، عن نفسي امي كانت ترضى غير بالطريقة القديمة ، نعقمهم بالقدر حتى يفوح الماء،، طبعا تحتاجين فرشاة لتنظيف الرضاعات.. لا تنسين حامل الرضاعات يكون تخلينهم عليه بعد الغسيل...

* أشياء ممهمة (مقص الأظافر، فرشاة، مشط)


*أسفنجة الإستحمام (مثل الصورة) وايد مفيدة حتى أن أول الأيام (وبسبب الخياطة الجراحية) ماتقدرين تجلسين، تحطين الإسفنجة بمغسلة اليد إذا كانت كبيرة وأنت واقفة تسبحينه، طبعا بالإضافة للفوطة ، وأدوات الإستحمام (شامبو وصابون وكريم، كريم طفح الحفاظات أنصحك بسودوكريم)، طبعا لما تكبر شوي حطيها بكرسي الإستحمام (بالصورة) ولما تجلس إن شاء الله تكونين شريتي البانيو الصغير،، عندي من عمر ولدي 6 شهور ولحد الحين أستخدمه من mothercare.
ناس كثيرة يشترون طاولة التبديل (بس آنه للأسف ماأخذتها، بس المرة الثانية إن شاء الله باخذها)يقولون تفيد كثير ..






أكيد تحتاجين مهادات، بطانية خفيفة إذا بتولدين بالحر، او ثقيلة للبرد، مفرشين (لأن إحتمال يوسخ الطفل به وماينشف الثاني بسرعة)، شنطو للخروج،...

طبعا والأهم كرسي السيارة أخذيه من الحين،،، لأ، لما تخرجين مع الطفل اول الأيام ، الصراحة مانصح حد يشيل طفله بالمفرش على يده، كرسي السيارة أحفظ وأئمن لكم ،، خصوصا مع العباية صعبة تشيلين اول الأيام....



هذا اللي يحضرني الحين وإن شاء الله يارب آكون أفدتك....

السلام عليكم ورحمة الله وبركاته

ما شاء الله البنات ما قصروا :)

الله يتمم لك على خير إن شاء الله

اااااااه يا ربي متى الله يرزقني؟
الحمد لله

هلا اختي الحقيقة البنات كفوو ووفو بس اعتقد لو تعمللي بحث بركن الحمل والولادة رح تلاقي مواضيييع كتيرة تهمك وتفيدك
وشكر

وه ام فروووحه امنزلة موضوع عندنا بالركن ... وانا اشوف الركن امنووور !! :D


المهم ان خواتي ما قصروا معاج.. وحبيت اضيف عليهم هالاضافة مع انج مرابطة في ركن الحمل والولادة لكن يمكن ما شفتيهم لأنهم في المواضيع المميزة...


من هنا

الللللللللللللللللله متى أولد واشووووووووف البيبي انا لين الحين مب مصدقة اني حامل وان بيجيني بيبي ولين اشتري له احس اني احلم وبقووووووووم من هالحلم الجميل

ماشالله البناات كفوا ووفوا ماخلونا شي عسب نكتبه..

حبيبتي ام فروحاه ماشاءالله انا شايفه انه البنات صراحه كفو و وفوا عيني قالولك كل التفاصيل المهمه
بس بما انك سالتيني انا اقول نفس كلامهم الي شريته وايد ممتاز و بالنسبه لملابس الطفل في عمر الثلاث شهور و اكثر خليه بعدين انتي الي تقررين لما تشوفين حجم البيبي
يعني انا مثلا بنتي ظلت لين 6 شهور البسه من 0-3 لانه حجمها كان وايد صغير و خلي بالك انه في بعض المحلات مقاساتها تختلف عن بعض انا مثلا شريت من سنتربوينت(لاندمارك سابقا) بدله من 3-6 و انا بنتي الحين عمرها 10 شهور انتي شوفي الملابس و قارني فيها بطفلك
الله يتمم عليج
ما قلتيلنا انتي في اي شهر و وين بتولدين

شكرا شكرا لجميييييييييييع البنات اللي افادوووووووني و شاركوا..

الله يجزاكم كل خير..

جمانه الركن منور فيكم و بأصحابه :):) و مشكوووووووره يا الغالية على الكلام الحلو و الرابط المفيد..بس انا حبيت اعرف تجاربكم الخاصه :)


عروووووس ربي يرزقج ان شاء الله و تلقين بطنج منفووخ قريب و كثري من الدعاء :)


قطر غيرل باذن الله عن قريب يتحقق حلمج..

سواني شكرا يا الغالية..انا باذن الله بدخل السادس عن قريب..

اما بالنسبه لمكان الولاده لم الحين ما تحدد والله..


شكرا مره ثانية لمروركم :)

التفاصيل وايد متعبه
بس انا كنت امشي على هاي القاعده اي شي بحتاجه للبيبي من اول يوم اشتريه
و عقب تيي الاشيا الثانويه اللي احتاجها لما ارجع البيت
و بعدين اشوف الاشيا الباقيه
الاشيا اللي اعرف انها مليوم بالميه بتوصلني هدايا و ما بحتاجها بسرعه بعد الولاده بصراجه ما اشتريها لين ايي وقتها
لانه احيانا تشترين شر لما بعد الأربعين و تفاج~ين انه وصلج هديه

نصيحه اشتروا الاشيا الصروريه لاول اسبوعين بس و بعدين كل شي في وقته
لانه الهدايا احيانا تييب لج اشيا انتي تحتاجيها و ما في ضروره تشترينها و يصير الشي مكرر على الفاضي