ساعدوني ..

السلام عليكم ورحمة الله وبركاته ....

خواتي العزيزات .. انا حاطه لولب من 11 شهر تقريباً .. وبطني تعورني كل شهر وقت الدورة ويكون الألم مثل طلق الولادة ( بداية الطلق ) بس يكون لون الدم مثل الدورة وأكل مسكن المورفين وارتاح عليه ..

لكن هالشهر جاني ألم اقوى من كل شهر ورحت للطبيب واخذت ابرة مسكن . وقال لي الدكتور اذا ماراح الالم روحي للمستشفى احتمال تكونين حامل من ورى اللولب ...

انتظرت ساعتين والالم كل ماله يزيد .. رحت سويت تحليل بول وقالوا لي حامل ودخلوني المستشفى سويت تحاليل دم طلعت النتيجه سلبية يعني موحامل وسوولي سونار داخلي والنتيجه هم تقول مافيه حمل خارج الرحم ..

طلعت من المستشفى على مسؤوليتي .. وعندي مراجعه يوم الاحد .. وبيعيدون لي التحاليل ..
والمشكلة ان الدورة هالشهر غير كل شهر حتى بنزول الدم وشكله ولونه ..

ساعدوني محتاجة أكل مسكنات عشان ارتاح وخايفة اكون حامل وهالشي بيضر الطفل
اتمنى من خبرتكم تقدرون تفيدوني ..

وقبل ثلاث اشهر كنت فاحصه عن اللولب قالوالي كل شي تمام مع اني كنت أتألم منه
انا حاطه لولب نحاسي ..


اذا ماكنت حامل راح اغير اللولب بس ماعرف شنو استخدم أتمنى القى عندكم الحل

بأنتظاركم حبايبي