افضل المستشفيات في البحرين

حبيبتي المستشفيات الحكوميه صدق معاملتهم زففت بس اامن لج :) لانه المستشفيات الخاصه للاسف بصراحه اذا صارت حاله طارئه الله لايقوله سيده يتصلون بسلمانيه لانه السلمانيه عندها كل الاستعدادات اما الخاصه ماعندها اي استعداد

انه اللحين حامل ببداية السابع كنت عند التخصصي ما اقولج مب راقيه بلعكسس واايد راقيه وحلوه ومريييحه بس لكن من بعد ماشفت حماتي ولدت هناك وشنو سوو لها وللبيبي سيده نقلت عند عيادة زينب الجفيري والولاده انشالله الله في السلمانيه انه مابي اخرب عليج ولا على احد اذا انتي خاطرج في خاصه روحي الامريكي لانها اكثر مستشفى من المستشفيات الخاصه عندها استعداد من بعد السلمانيه طبعا :)

والله يسهل عليج انشالله ومسامحه على الاطاله

شكرا لج حبيبتي ولا والله ماطولتي بس ماتعرفين كم اسعارهم

حبيبتي

المستشفى العسكري عندهم خدمات ممتازة

واسعار الزيارة للدكتورة عشرة دنانير شاملة الكشف الطبي والتحاليل والتلفزيون

وعندك المستشفى الامريكي عندهم برنامج للولادة يبتدي من 270 دينار شاملة من الاسبوع الاول ولغاية الولادة في غرفة جماعية وان اردتي غرفة خاصة راح يرتفع السعر

ليش تبين خاص ؟؟

العام افضلا لج لان بس يوم واحد

وهذي ولادة الحمدلله مو شي ثاني

وبعدين اني مرة رحت العسكري طرشوني السلمانية ........يقولون زحمه عندهم مع اني كنت تعبانه

توكلي على الله ولاتروحين خاص

روحي السلمانيه

واذا على المعاملة كلهم زفت حتى لو بفلوسج

جربت العسكري والسلمانيه زفت في زفت

حبيبتي ام احلى حمود ياريت تخبرينا عن التخصصي لانه انا تعالج هناك وناس وايد مدحوي لي ياريت اذا تعرفين شي تخبرينا

اختي انه ولدت في الامريكي معاملتهم واااااااااايد ممتازه ومجهزين لكل الاستعدادات والاهتمام بالام والبيبي ممتاز حتى بعد الولاده
الولاده كلفتني حوالي 700 دينار ........>>> هذي تكاليف الولاده والغرفه VIP ROOM والاكل (لان الاكل ينحسب سعره)

بس فيهم عيب انه مو شرط الدكتوره الي تتابعين معاها اهي الي تولدج لا الدكتوره الي على الزام يومها تولدج الا اذا قيصريه لاسمح الله او اذا بركبون عليج طلق صناعي ومحددين اليوم قبل فدكتورتج تكون معاج

واسعارهم بالنسبة للولادة الطبيعية في حدون 300 الى 400 دينار اما بالنسبة للولادة القيصرية يوصل لللألف دينار وعنايتهم ممتازة والدكتورة هي اللي تولدك وممتازيييين كلهم ، بعد عندك مستشفى عوالى اذا الله كتب وحملت راح اولد بإذن الله بمستشفى عوالى بعد عنايتهم ممتازة بس نفس ما يقولون الأخوات الله لا يقول في الحالات الطارئة للبيبي بالإسعاف يودون البيبي السلمانية ....... وعاد السلمانية كأن سوق السمك من الوساخة والمعاملة ..... لكن عندهم جناح 408 انا ولدت فيه ببنتى الله يحفظها اول ولادة جلست بالغرفة اللي بـ 60 دينار رعاية هالجناح توب يعنى ممتازين لكن قبلها بجناح الولادة والطوارى مأسسسسسسسساة وفوق المأسسسسسساة وطبعا عمليتى سوووووها لي بالغلط لدرحة انى سافرت الأردن اتعالج والسبة عمليتهم الغلط واللي على الكول الي يودلدوووون ............... بس ارتحت بالتخصصي على ولادتى الثانية الدكتورة هي اللي تباشرك..........................:shy: وبالسلامة.........

بنت البحرين

انه بنت خالتي كانت تشتغل هناك وكانت تشوف كل الهوايل

الله يسلمج الدكتوره كيران ولدت ثنتين وطبيعة الدكتوره كيران وايد دفشه لانه انه كنت عندها اول ثلاث شهور بصراحه كلش مارتحت لها المهم وفي الولاده كانت تسحب البيبي من يده ويد البيبي مسكين للحين يده لينه وصار للبيبي اعاقه في يده بس طبعا مايقولون للام وللاهل من الدكتوره يقولون لها هذي من اول خلقة الله :( مرتين صارت هلحادثه

واخرشي حماتي توها من شهر ونص والده هناك :( تعرفين شصار فيها كانت تروح للدكتوره كيران من الشهر الخامس تقول لها فيني الم في بطني من فوق الدطتوره تقول لها لا لا هذي عادي هذي البيبي ومسكينه حماتي تتألم وايد بس ماكانت تدري شنو فيها وتصدق كلام الدكتوره وتروح ترتاح بس :( ووصلت لشهر السابع مسكينه وهي على هذي الاالم وقالت لازم بعد ترد تروح لها راحت لها وردت قالت لها هذي البيبي ماعلييج لاتخافيين وخلاص سمعت كلامها ويوم وصلت الشهر الثامن نهايته تقريبا خلااص ماقدرت تتحمل وراحت الا وشافت انه شكلها مب طبيعي واخرسي سوت لها كشف وطلع انه مرارتها ملتهبه وااايد وااايد ومنكثر ما اهي ملتهبه بتاثر على البيبي وقالوا لها لازم نودلج قيصري ونسيل مرارتج :( وخلاص رقدوها مسكينه وسولها العمليات وبعدها اهي صارت اوكي مافيها شي بس البيبي كان واايد تعبان لانه طلع قبل بموعده بشهر وخلووه في الشيشه وتجمعوا عليه كل الدكاتره علشان يعرفون شنو فيه ولادكتور عرف كلهم ماعرفوا يقولون البيبي دقات قلبه سريعه بس ماندري من شنو واحنا ماعندنا اجهزه :( البيبي مسكين قاعد يموت قدامهم واهم موعارفين شنو يسوون اخرشي يو ياسوو قالوا اتصللوا للسلمانيه ودوه السلمانيه في اقل من عشر دقايق عرفوا شنو فيه وخلوه على الاجهزه والحمدالله صار من احسن مايكون كان رئتينه فيهم جفااف حااد من جذي البيبي موقادر يتنفس يعني لو تم شويه بعد في التخصصي انجان راح الله لايقوله :( وبعدين حماتي مسكينه تمت 6 ايام في التخصصي مرقه والبيبي بعييد عنها في السلمانيه :( وماشافته ولا مره وقت الولاده كانت متخدره وماشافت البيبي الا بعد 6 ايام :( لكن لو اهي في السلمانيه انجان تروح للبيبي وترضعه المهم والبيبي ترقد 15 يوم والحمدالله صار اوكي


وبعد انه صار لي شي بس بعدين بقول لكم ههه لاني وايد كتبت

ما صدق اللي قلتيه خرعتينى بس بعد هالمرة توبة بصراحة ما راح اروح ، ان الله كتب باروح عوالى ............ انا تعودت على معاملة د.كيران ومللتها طلعت لها قرون الى ان خليتها تولدنى قيصرية انا ما بغيت طبيعى......... بس نفس ما تقولين وقت الطوارى مسكين حبيبي البيبي انشاءالله احسن الحين...... اختى وانتى شنو صار لك خلينا نعرف علشان نكون على بينة.............:angry:

هههه لا لا انه كنت حامل بلاسبوع 15 وصادني اسهال حااد والاسهال خطير للحامل الكل يعرف حتى الي مايفهم يعرف انه الاسهال خطير للحامل المهم رحت لها وانه في الموعد قدامها قمت ارجع وودوني الحمام الا اهي قامت تضحك حسيتها ماخذه الامر بسهوله وطبيعي تقول لي لاا لاا مافي مشكل وعطتني باودر بسسسس وقالت لي خلاص اشربي بتصيرين زينه رحت البيت اقولج ليلتها ولاقدرت انام كل نص دقيقه حمام حسيت روحي بتطلع بره تميت لي الصبح قلت يالله يمكن اصير زينه ويات الصبح ولا صرت اخس واخس وبسرعه زوجي وداني المستشفى الا الدكتوره محد قالوا لي مافي الا الدكتوره فرح قلت لهم ماعليي دخلوني على الدكتوره فرح ودخلت وقلت لها انه امس جذي وجذي ويت هني بس عطتني بودر وقامت الدكتوره صفعت على راسها تقول شلوون خلتج تروحين البيت الاسهال خطير للحامل ويمكن تخسرين البيبي بعد :( انه هني قمت اصيح الا تقول لي كم مره رحتي الحمام قلت لها يمكن فوق العشرين مره وبسررعه قالت لي لازم نخلي عليج سيلان يوم واحد ونسوي لج تحاليل ونشوف شنو فيج المهم وزودي اولشي غرفة الوزن وزنوني تخيلوا ناقصه 3 كيلوا وكنت صفره حدي وماقدر اشيل جسمي وبعدها خلوا عليي السيلان وسوو لي التحالييل وطلع فيني تسمم حااد ومن هذا التسمم صايدني التهاب حاد في القولون والامعاء وفيني جرثومه اسمها الشقلا هذي من اخطر الجراثيم :( كنت ماكله سلطه من عند كنتاكي وبس بعدها رقدوني اسبوع واحد والحمدالله صرت زينه والبيبي ماصار فيه شي

وقالت لي الدكتوره لو ماجيتي لنا انجان احتمال كبير يصيدج تسمم بلدم والجرثومه بتوصل للبيبي عبر المشيمه وبتروح حياته وانتي بتمين مريضه :(

وهذا كله سبب اهمال الدكتوره كيران لانها ماتسوي كشف للوحده ولاتسوي تحالييل تاخذ الامور ببساطه

فانه احب اقولكم انه كل مستشفى لازم فيها شي وانتي ماتدرين الله شنو كاتب لج بس الاحسن انج انتي تروحين للأأمن عشان حتى لو صار شي يتداركون

بس السلمانيه وايد زينين في الولاده عندهم خبرات عاليه لانهم يودلون في اليوم الواحد على الاقل 10 وحدات وصاتدهم حالات وايد ويعرفون كلشي بس طبعا في اشياء ثانيه مثلا امراض او ايشي اي تروحين الخاص احسن لج لانهم اخبر

رحت طوارى السلمانية اللسل الساعة 11 وحطونى ساعتين وحطوا لي سيلان وقالوا بس روحى عطونى بودر طبعا وع ما شربته ، الساعة 5 الصبح رحت بعد طوارى السلمانية ركبوا علي سيلان بعد كان اذكر يوم الجمعة ساعتين ورخصونى ولين رحت حق الدكتورة كيران طبعا امى الله يخليها جات معاى وقالت لها ما تطلع بنتى تنومونها المهم نومتنى وعطتنى سيلان وابرة مال الترجيع وووو المهم كانت بتنومنى بس انا طلبت اخرج علشان اتم مع بنتى بس بصراحة شفت الموت مع التسمم السلمانية ما سووا لي شي بس طبت من التخصصي .....:gum:

اي السلمانيه في هذي الاشياء زفت ما اقولج لا :) بس في الولاده زينين بس بعد الوحده ماتدري شنو الله كاتب لها سوا في السلمانيه او في التخصصي او انشالله في امريكا

هلا اختي...
انا الحين في نهاية الخامس تقريباً...

وبالنسبة للمستشفيات الخاصة... فعندك الأمريكي واللي الكل يمدح في رعايتهم الممتازة بس عيبهم ان المستشفى قديم.... سعر الغرفة الخاصة الكبيرة لمدة 3 ليال 305 دينار طبعاً شاملة لمراجعة بعد الولادة وتطعيم للطفل... بس لازم تكونين على الأقل لازم سويتي عندهم جيك اب حق الحمل عشر مرات عشان تحصلين هذي البكج....

وعندش التخصصي.... بعد الكل يمدح فيه... سعر الغرفة المشتركة لليلتين 390 دينار (بس للعلم انهم ما يخلون معاش احد الا نادراً) وسعر الغرفة الخاصة لليلتين 450 دينار ولازم تكونين سويتي عندهم جيك اب على الأقل 4 مرات ....

وللعلم اختي وهذا بشهادة عديد من الأخوات وبشهادتي لأني مجربة.... الجيك اب في المراكز الحكومية مــــــــــــــا عليهـــــــــــــــــــــــــــا قصـــــــــــــــــــــــــــــور واحسن من الخاص... فاذا بغيتي سوي الجيك اب في المركز مع عدد من الزيارات للمستشفى الخاص اللي قررتي تولدي فيه وبعدين الولادة بإذن الله في الخاص

ان شاء الله اكون افدتك

حبيبتي ...السلمانية ما يسوى ...لا علاج ولا معاملة عدلة .......انا يوم كنت حامل كنت على طول في التخصصي عند دكتورة فرح .....ما شاء اللة عليها صدق انسانة بمعنى الكلمة وفعلا تهتم وهذا اللي شجعني اولد هناك ..وطبعا هي اللي كانت معاي على طول .......بس انا ولدت قيصرية لأن الحبل السري اللتف حول رقبة بنتي ........والحمدللة قمنا ثنتينا بالسلامة.......ما اتخيل لو بالسلمانية جان ايش صار فيني .............وبالنسبة للأسعار ..اعتقد الولادة الطبيعية تبدأمن 350 لمدة 3 ايام .......بس لأني قيصرية كلفتني 800 مع اقامة اسبوع .........
بس بالنسبة الى الدكتورة كارين انا سمعت عنها سوالف واجد ...انها ما تهتم ...حتى صديقتي كانت عندها ...وكان ضغطها مرتفع ...وبغى يصيدها تسمم ..وهي خبر خير .........لو ما جيكت في مستشفى ثاني جان راحت فيها ..........يعني وخري عنها ...........
واللة يقومش بالسلامة ........

والله قصص وهوايل وكل من يسمع قصة عن مستشفى حكومي او خاص يحط ايده على راسه ويقول بس خلاص ما اطبه !!

خيرتي شكلي بولد في البيت مابي هالدخاتر ولا شيء :(

انا ولدت في السلمانية غرفة خاصة.. والحمدلله ما شفت منهم شيء.. الحمدلله ارتحت وايد..

بس مرت حماي كانت تبي تولد في الامريكي بس كان معاها الزلال مرتفع جداً وحجم البيبي كبير فطردوها من الباب قالوا لها روحي السلمانية مانبيج :( عورت قلبي المسكينة..
فراحت وولدوها قيصيري للاسباب السابقة

بصراحة حيرتوني بس مااقول الا الي الله كاتبة بيصير ويمكن اولد في السلمانية

تم تعديل العنوان للفائده

مرحبااا ,,

بس حبيت اسأل عن دكتوره اسمها امال في مستشفى العسكري
زينه ولا لاء لوسمحتوو اللي تعالج عندهااا يقولي كيف هي ,..
والمعامله شلون عندهم زينه ولا لاء ..

لان رفيجتي بتولد في البحرين وهي اسألتني عن الدكتوره بلييز اللي يعرف عنها يعطيني خبر