فطائر قوارب الدجاج بالجبن ... لــذيذة و بالصور

السلام عليكم ..
اليوم عملت قوارب الدجاج وان شاء الله تكون سهلة وتطبقوها ...



أولا : نحضر العجينة اللي متعودين عليها للبيتزا والفطاير واللي تضبط معانا
ونخليها تتخمر ساعتين



ثانيا : نحضر حشوة دجاج بالطريقة اللي نحبها
( أنا طريقتي المعتمدة : حمست البصل ثم أضفت له ملفوف مقطع قطع صغيرة وجزر مبشور ثم اضفت الثوم والفلفل والزنجبيل المفروم وقطع الدجاج المسلوق والمفتت وذرة وتبلت بالفلفل الأسود والقرفة والهيل الناعم وطبعا الملح )



بعد أن تتخمر العجين نعيد عجنها قليلا ثم ناخذ كرة متوسطة الحجم من العجينة ونفردها بشكل دائرة ولازم ماتكون رقيقة جدا ولا غليظة يعني تكون متوسطة





بعدين تضبطين شكل الدائرة عدل من أي زوائد




ثم نقطعها نصفين ونضعها على جنب لين نخلص كل الكمية المطلوبة ..




بتلاحظين انها رجعت تتخمر وتنتفخ وهذا يدل ان العجينة مضبوطة ..



بعدين نسخن زيت غزير ونبدأ نقلي اللأنصاف مع ضرورة تحريكها بسرعة عشان تنتفخ




بعد ما تخلص الكمية عندك تركيها تبرد شوي..



في هالأثناء جهزي الحشوة وضيفي عليها جبن سائل أو مايونيز حسب رغبتك ..
أنا أفضل الجبن عشان كذا حطيت عليها جبن كرافت سائل ونخلطها



بعدين يجي وقت الحشو ، تاخذي الحبة وتفتحيها من فوق من النص مع مراعاة أن الفتحة ماتنزل لين تحت عشان ماتنثقب العجينة



بتلاحظي ان بعض الحبات تجي مفرغة من الداخل وبعضها صاير مليان عادي مايضرك اي شي بيجي حلو بس ماتكون غليظة وايد

ثم ناخذ من الحشو وندخلة فداخل الفطيرة بالكمية اللي تناسب حجمها ويفضل انك تمليها





بعدين ترصينها في صينية الفرن



ناخذ جبن شرايح ونقطعه شرايح طولية ونخلي كل شريحة على وجه الفطيرة




وممكن نحط موزاريلا , أنا استخدمت النوعين وندخلها الفرن ونشغله من فوق وتحت لحد ماتسخن الفطاير ويتحمر الجبن ..



وهذا شكلها بعد ماتخرج من الفرن ..




ان شاء الله تكون الصور واضحة .. والشرح سهل ...
:shy:

بالهنا والشفا...