مسقطه من 6 شهووور وللحين ماحملت .... شو أسوي ؟؟

مرحبا..

فيه موضوع مختص بهالشي سوي بحث في المنتدى الحمل والولادة وبيطلع لك لأني قريت هالشي انك تضمنين الحمل فيها وأتمنى أني افدتك بشي..:shy:

اختي اولا اهم شي الدعاء والله مايخيب ظنج اذا رفعتي يدج له وترجيتيه...



انا مريت بنفس القصه هذي بس طلع عندي بعد الاجهاض ضعف بالبويضه


وكلت كلوميد والحمدلله حملت من اول شهر من العلاج


لاني اول مره حملت طبيعي بس الاجهاض اثر علي شوي

سوي تحاليل مره ثانيه وتاكدي عزيزتي...

واذا كل شي سليم روحي لمساده يعني وحده تسويلك مساج بس من حريم اول

يمكن يكون عندج الرحم نازل او شي

والله يرزقج بالذريه الصالحه ياااااااااااارب...

هلا اختي مريم
الله يفرح قلبج بالحمل القريب ان شاء الله
انصحج مثل اختي روعه تروحين لوحده معروفة بالمسح او مسادة لأن احيانا يقولون المحامل تنقلب فتروحين للمسادة تمسحج وان شاء الله تحملين ويالله ننتظر اخبار حلوة

مريوم يالغالية ترى بعد وقت

انطري جم شهر وبتشوفين كل خير

وكل تأخيرة فيها خيرة

الله يرزقك بالحمل انشالله فى القريب العاجل

اذا استطعتى غاليتى ان تتابعى مع طبيبة نشاءوولادة ايام التبويض وانشالله خير

حبيبتي انا سمعت عادي اللي تجهض تتأخر بالحمل طبيعي انا اخت ظلت سنة بعد ما اجهضت بعدين حملت كل شي بيدالله روحي لدكتورة مختصة يمكن لاسمح الله اذا سويتي عملية تنظيف مالت الاجهاض انسد انبوب او شي

اذا انتي من بوظبي سيري عند الدكتوره راويه بتنفعج ووووووايد ......... وبعدين النفسيه تلعلب دور في هالموضوع لا تفكرين وايد وان شاءالله بيستوي

حبيبتي انا صار معي نفس الشئ بالظبط بس انا المده طالت شويه يعني 8 اشهر ورحت عند الدكتوره وكان كل شئ طبيعي بس ممكن انتي ما تعرفيش ايام التبويض تابعي مع الدكتوره بعد الدوره روحي وهي بتحدد لك يوم سونار لمعرفة التبويض وان شاء خير

ختية أنتي أمبين عليج من كلامج أنج هب مرتاحة من الموضوع مثل ما قالولج البنات النفسية تلعب دور وووووايد كبير في السالفة أنا حملت وعقبها صقطت والشهر الي عقبة حملت والحمد الله انا الحينة بالثامن والله يختية كل ما كانت نفسيج مرتاحة كل ما كانت فرصة الحمل أكثر.................
بس بنصحج نصيحة بعد لازم أتمسحين أنا ما حملت الا على المساح كنت أسير عند وحدة عندنا في العين سرتلها تقريبا ثلاث مرات وعقب شهرين حملت كانت أتقواللية رحمج مقلوب ....................
ولا تنسين التوكل على الله والدعاء وكثري من الأستغفار ........................
وبعدين لا تخافين أنتي حملت مرة يعني تقدرين تيبين عيال وما عليج من الرمسات صدقيني فترة وبتعدي وألي رمسو اليوم باجر يوم أنشاء الله بتحملين بيسكتون ...................

والله يرزقج أنشاء الله

والله انا حتى نفس الحاله ...اللحين صارلى 3 شهور ...

وماادري شو السالفه مع انى مشتريه جهاز معرفه التبيويض وماشى فايده ...

(( قصتى نفس قصتج بالضبط )) بس الفرق انى بعدنى 3 شهور ... واتمنى ان اشا ءالله احمل

مادري شو السالفه :(

انشاء الله تحملين بس سوي فحص اشعه الانابيب و هرمون الحليب

معاج حق يا اختي الاجهاض يخوف ... انا خايفة احمل ثاني اخاف اسقط .. وخايفة اطول واتأخر .. عشان جذي قررت أتابع مع دكتورة شهر بشهر والله ييسر لنا انشالله..

انا اعاني مثلج من سبعه شهور
خذيت كلوميد ابر تفجيريه هم مافي فايده والحمدالله على كل شيء

ماخليت دكتوره ما رجعتيها قالت كل شيء عندج اوكي

مالي غير الدعاء انه الله يرزقنا ان شاء الله

يااربي ترزقنا اجمعين

وانا يالغاليه سالفتيه مثل سالفج انا الحين كملت 5 اشهر وللحين ماصار شي

الحمدالله علي كل حال

الله كريم

م دامنا كلنا بخيررر ماعلينا الا الصبررر

انا بعد نفسكم حملت وسقطت وصار لي 4 شهور من سقطت ولين الحين ما حملت ادعولي واللي يعافيكم ابي عبود او صفوي

:sad: انا بعد نفسكم حملت وسقطت وصار لي 4 شهور من سقطت ولين الحين ما حملت ادعولي واللي يعافيكم ابي عبود او صفوي

هلا أختي قوي قلبج إنتي توج 6 شهور عادي مب مشكلة بالعكس ريحي نفسج شوي لأني الإجهاض يرهق المرة.. وحبيبتي إلي صار لهم سنين شو يقولون.... قولي الحمد لله إن عندج أمل دام إنج حملتي إن شاء الله بيصير صدقيني..

بس إنتي ديري بالج على نفسيتج تراها وااااااايد تأثر على الحمل يعني ممكن تكونين طبيعية وما تحملين بس لأن نفسيتج تعبانة...

طنشي الموضوع وعيشي حياتج توكلي على رب العالمين .. وشوفي النتيجة شو بتكون

حبيبتي مريم - مريوم ، أولا" لازم يكون أملك بالله كبير ، وانشاءلله تحملي قبل رمضان ولكن أحب أقول لك انه وضع طبيعي تاخذيلي وقت لين الحمل ، علشان كل اللي أعرفهم يرتاحون -6 شهور - وبعدين يبدأوا قصة الحمل ،،، يعني لازم ترتاحي وأنصحي بمُراجعة دكتورة لزيادة الإطمئنان ، وأنا والله أتعالج عند الدكتورة و زهقت مني وأنا زهقت كمان ما كفاني الكيلوميد ولا كفاني الأبر ، مليت والله نفسيتي تعبت والدكتورة تقول مافي شيء ، كل شيء طبيعي ؟ شو الحل ؟ اذا عرفت واحدة تمرخ في أبوظبي خبريني عنها لانه أنا من أبوظبي وما أعرف واحدة تمرخ ، وانشاءلله خير ،،

شو يعنى تمرخ ؟