ضايعة!!!!!!!!!!!!!!!!!!

هاي حبيبتي لا تخافين ولا شي ... بالعكس عندج وقت تسوين كل شي ...
قبل كل شي مسكي ورقه وقلم وحطي الاشياء اللي تبينهم ... ومسكي رزنامه وزعي احتياجاتج عالايام:

اول شي (واهم شي) : الفستــان يمديج تفصلين واذا حابه تاخذين بدله جاهزة ... حطي لنفسج اسبوع عشان تدورين فيه ...

بعدما تخلصين الفستان خلصي من النعل (وانتي بكرامه) ... وبعدها الاكسسوار واذا تبين اكسسوار للشعر ... وحطي ببالج التسريحه اللي بتسوينها ووين راح تسويين شعرج والمكياج ...

الحين تقريبا خلصنا كل شي يخصج ... باقي اساسيات الحفله وشنو بتسويين حركات ((لانه يوم مهم ولازم ما يكون اي شي))


1- اكيد بتحجزين البوفيه ... وتحجزيـن الطاولات والكراسي (تختارين لون المفارش لأن كل الحفله راح تاخذ نفس اللون)
2- تختارين الكوشه (وبما انه حفلتج بالبيت لازم تكون الكوشه صغيره وناعمه عشان ما تاخذ مكان وبنفس الوقت ما تكون over )
3- تروحين لمحلات الزهور عندهم حركات وايد حلوه لتزيين الطاولات ... تقولينلهم لون المفارش واهم يسوونلج بوكيهات صغيره مع شموع حسب طلبج ...
((في حفلة اختى انا نظمت الحفله سويت البوفيه بالحديقه كان روووعه مع شموع عالطاولات بس للأسف الجو ما يساعدج))
4- لا تنسين صواني التوزيع للحلى والفطاير ((مادري احنا بالكويت عندنا لازم مادري اذا انتوا مثلنا )) تشترين الصواني (او تاجرينهم) تحطين عليهم خامه تور او كرستال من نفس لون المفارش ...
5- امممممم بعد تشترين شموع كبيره شوي تحطينهم عند المغاسل والحمامات (وانتي بكرامه) يطلع منظرهم رووووعه ...
6- اوووو اهم شي لاتنسين تحجزين الدي جي

أهم شي ان الضاءة تكون خافته بالبوفيه واعتمدي عالشموع

لما تخلصين من كل هالحجوزات فرغي نفسك في رمضان لنفسك وبس ... دخلي قسم العنايه بالبشرة والشعر..
واخذي جم خلطه ودلعي نفسج عشان تطلعين روووعه ... لان لازم تطلعين احلى وحده :)