يا بنات كووويت

السلام عليكم ...

اول شي حياج الله بالكويت ... وانشالله تطلع السفره على مزاجج ...

بالنسبه لمحلات الأطفال :

في محلات الماركات ((والحين موسم تنزيلات)) في سوق شرق
اول ما تدخلين من باب دبنهامز تصعدين الدور الثاني بتحصلين محلات الأطفال الراقيه ...
الاسعار تعتمد :
فستان بناتي قطعه وحده يتراوح بين 5 - 12 دينار
ملابس الأولاد بالقطع .. والقطعه الوحده ((بنطلون او توب)) بحدود ال 5 - 7 دنانير




في عندنا لاند مارك ... روووعه للاطفال والتشكيله واسعه والأسعار ارخص شوي ...
((لاند مارك له اكثر من فرع ... الافضل بالشويخ))


مجمع المهلب (في حولي) .. في كذى محل ... والاحلى بالدور الأول
بس عيبه غالي شوي ((بس الحين فترة تنزيلات))



اما اذا تبين اشياء رخيصه وبنفس الوقت حلوة ((للتبديل اليومي)) عندنا اسواق شعبيه رووعه
اسعارهم تبدا بدينار ونص .... وتوصل للــ 6 دنانير ...
منهم: (الجميع) وافرعه في المباركيه الدور الثاني وفيه في مجمع النقرة الجنوبي ..
(خان الخليلي) سوق شعبي بس بضاعه الاطفال حلوة واسعاره مناسبه مناسبه اذا مو رخيصه ..


اما بالنسبة لـلـجلابيــات :


جلابيات عديل الروح كلها من المصممه انسام الخلف ومكانها
بالجابريه قطعه 1ب شارع 2 بناية 103
الحين مسويه تنزيلاااات لا تطوفج 70% لتاريخ 18\8 اذا ماني غلطانه
اسعارها ((بالتنزيلات)) فيها الغالي ((من 150 دينار وطالع)) .. وفيها المعقول ((تحت ال 70 دينار وطبعا تحت ال 25 دينار ما اعتقد تحصلين لان الحريم يخلصونهم من اول يوم تنزيلات :) ))


دار فاطمة للجلابيات بالجابريه بجانب صالون آستر ((لآلاء دشتي))
عندها شغلات وايد حلوة ... وحركات غريبه
أسعارها تتراوح من 80 - 200 دينار


فيه عندي اميه مشغل ومشغل متخصص بالجلابيات بس اغلبهم بيوت وتتعبين اذا بتفرين عليهم



اما المكان الاكثر شعبيه للجلابيات هو مجمع العربيد في الفروانيه
خياطين هنود قصتهم نظيفه ويقلدون اي موديل بالضبط والمنافسه بينهم كبيره يعني الاسعار رخيصه ...
أسعارهم (10 - 15 - 20) وكاسريهم على راحتج واذا ما اعجبج السعر روحي للي يمه اكيد راح تحصلين السعر اللي تبينه ..
ممكن تاخذين القطع المعروضه جاهزه .. والافضل انج تطلبين منه يفصل لج على مقاساتج والالوان اللي تبينها وياخذ بالكثير 3 ايام ...




هذا اللي يطري الحين على بالي .. واذا عندج اي سؤال او استفسار لا يردج الا السانج :)