كلنه انعرف فوايد الشاي الاخضر في تخليص الجسم من السموم المتراكمه لانه يحتيوي على مضادات الاكسده اللي تحمي خلايه الجسم من الامراض الخبيثه وامراض القلب وهو ممتازللتخسيس .. واكثر شعب يعرفون فايدته هم الصينيون وافضل الانواع تنباع عندهم .
والشاي الاخضر فوايده ما تختصر بس للجسم من الداخل لكنه ممتاز للبشره ولحل مشاكلها لانه مطهر وفيه مواد مفيده للجلد .
في هل موضوع راح اعطيكم وصفات من مكوناتها الشاي الاخضر
اول شي :
( محلول الشاي الاخضر )
كيفيه اعداد هل محلول
كوب من الشاي الاخضر المجفف + نص لتر ماي حار .
اتضيفين الماي الحار عل شاي واتخلينه ساعه كامله لين يبرد, صفي الماي من الشاي . ممكن اتحطين المحلول في غرشه سبري فاضيه او اي غرشه .
وهل محلول له فوايد كثير منها :
1- ينعش الوجه والجسم خاصه في اجواء الصيف الحاره ( بس حفضي المحلول بارد في الثلاجه )
2- لو كانت اريولج تعبانه( بعد لحواطه في السوق ):bigsmile: رشي عليهم محلول الشاي او نقعي ريلج فيه .
3- لو في ريلج اي نوع من الالتهابات الفطريه نقعي ريلج بالمحلول لمده 15 دقيقه ولبسي بعدها دلاق . وممكن اتضيفين ملعقه بيكنج سودا لانه يفيد في حالات الفطريات .
4- يستخدم كغسول للفم
5- يستخدم للخدوش والجروح.. حطي المحلول في قطنه وخليه عل جرح لمده لا تقل عن 5 دقايق
6- لحروق الشمس .. غمسي المحلول في شاش طبي وحطيه عل اماكن المحروقه .
7- يعالج العيون المجهده ( من الكمبيوتر, الشمس , الغبار , التلوث .. الخ) غمسي قطنتين في المحلول وخليها على عيونج لمده 15 دقيقه .
8- لعلاج الحبوب الخفيفه ( مثل اللي تطلع بعد الحف )
ثانيآ اقنعه الشاي الاخضر
1- ( قناع الوجه )
المكونات :
بياض بيضه
ملعقه كبيره عسل
كيسين من الشاي الاخضر المجفف ( اللي ينباع في السوبرماركت) بس تاكدي انج تطحنين الاوراق .
ملعقه صغيره شوفان مطحون
ملعقه صغيره
corn starch نشا
ضيفي ماي ورد لين ما يتجانس القناع . حطي على ويهج لمده 20 – 30 دقيقه وغسليه بماي فاتر وحطي التونر والمرطب .
2- ( قناع للعين )
يساعد في تخفيف السواد والانتفاخات
- شرايح تفاح ( قطعيهم ضعاف)
- محلول الشاي الاخضر
حطي شرايح التفاح في المحلول البارد لمده 5 دقايق وحطيهم على اعيونج لمده 10 دقايق .
او ممكن اتضيفين اكياس الشاي الاخضر المبرده بعد ما تستخدمينهم على عينج لمده 10 دقايق .
وبعد ما تستخدمين اكياس الشاي الاخضر ممكن اتطلعين الشاي من الكيس وتستخدمينه كمغشر للوجه .. يعطي نظاره للبشره .
هاذي بعض تجاربي مع الشاي الاخضر واللي عندها اي وصفات غير اتشاركنا فيها
[COLOR=red][BLINK][B][SIZE=6][FONT=Comic Sans MS][COLOR=red][B][FONT=Comic Sans MS][SIZE=6][COLOR=red]((اذا عجبكم الموضوع يرجى تقييم الموضوع))[/BLINK][/COLOR][/SIZE][/FONT][/B][/COLOR][/FONT][/SIZE][/B]
[/COLOR]