الجزء الحــ11ـــادي عشر من تجهيزات عرايس قطر 2006

iهلا هلا والله والحمد لله على السلامة يييتي ويا الخيييييييير كله

حبيبت اكون اول وحدة في الجزء

مبروك على الجميع

بنات شخباركم مبروك عليكم الجزء 11
انا من زمان مارديت ولا دشيت اسلم لاني بالبحرين بنات تامرون على شي من اهني لاتستحون
لاني بارجع بعد كم يوم ا

مبروك عليكم الجزء الحــ11ـــادي عشر ..

والله يزيد ويبارك فيكم ويطرح فيكم البركة إن شاء الله ..

مشاءالله بعد جزء جديد لوول مبرووك عليكم بنوتات

بنات..اذا شهر العسل 22 يوم تقريبا...شكثر اودي معاي ملابس؟ وبكل الانواع بليز...واحذية؟؟ "عزكم الله"

محتاره !!

هلا والله بـ عراييييييس قطـــر :shy: ...


الحلمـ الهادي ..

الصــراحه ماعندي فكره عن هالموضوع أنا مثلج إذا حابه أجهز مو عارفهـ ..

نتمنى من البنات اللي معرسين يفيدونا بهالشغلات ...






والله يوفق الجميع إن شـــاء اللهـ

بناااااتـ أتوقع باجر إن شاء اللهـ عرس [ البنفسج ] 12/8/2006 م أدعووووو لها اللهـ يوفقها

وتتيسـر لها كلـ امورها إن شاء اللهـ وتطلع احلى عروووسـ ياربـ ...

مبروووووووووك الافتتاح
والحمدالله عالسلامه بنت الغالي نورت الدوحه ....

هلا والله أختي الحلم الهادىء ..

والله ودي معاج كميه بسيطة ..

تعرفين بتشترين من هناك بعد ..

وبخصوص الجواتي والنعل الله يعزكم ..

ودي جوتي حق الرحلات يكون مريح .. ودي معاج نعال ولا صندي رفيع حق التمشي العادي ..

بس حاولي أنج ماتكثرين ..

قمصان النوم والبجامات ودي مثلا معاج 10 ولا أقل يعني بس بتكررينهم مرتين .. عشان لو رجعتي يكون عندج شي مالبستيه عرفتي ..

وإن شاء الله البنات يفيدونج

الكحل :) ثانكس على الرد حبيبتي ماقصري وصاجه المفروض مانكثر لان اكيد بنشتري من هناك

اليازي :) ثانكس على الرد

ألف مبروك بنات ع الجزء الجديد ..

بنتنت الحمدلله ع السلامه ..

خاطري نتطمن على دوحانيه وكلاسيك وسحوبه والعنود وعذاري وباقي البنات الي تزوجوو ..

البنفسج يارب الله يوفقها ويتمم لها على خير ويطلع عرسها يجنن يارب والاهم يوفقها مع زوجها ويرزقها الذريه الطيبه الباره .. اللهم آمين ..

الحلم الهادي صح كلام الكحل لا تكثرين .. واهم شي جوتي مريح رياضي "الله يعزكم" لانه السفر كله مشي والنعل والصنادل الكعب ماتنفع كلش بتذبحج ريلج .. واذا بتلبسين بناطلين وجي ودي كذا شي محايد ينلبس مع اكثر من بلوزه عشان ما تترسين الشنطه ع الفاضي .. بالنسبة للشنط 2 كفايه ..هذا الي في بالي موفقه الغاليه ..

امم عندي سؤال لشموخ عنادي "الله يتمم لج على خير ويوفقج" .. ايش الي حسيتيه مميز في تنظيف البشره عند جاك ديسانج ؟ يعني شنو الي يميزهم عن غيرهم ؟ وشنو الماركه الي يستخدمونها ؟

روح قطر :) هلا فديتج...هذا اللي نويت اسويه عقب ماجيب بنطلوناتي كلها وبلايزي وارتبهم بحدد الالوان اللي باخذها من الجواتي والصنادل والنعل وباخذ اللي يناسبهم بس


البنفسج يارب الله يوفقها ويتمم لها على خير ويطلع عرسها يجنن يارب والاهم يوفقها مع زوجها ويرزقها الذريه الطيبه الباره .. اللهم آمين

مبــــروكـ الجـــزء الــ11






الله يوفق اللي عرســوا،،،،،، ويرزق اللي ما عرســوا الزوج الصالـح




بنت الغالي>>>>>>>>> الحمدلله على السلامة منورة الدوحة

مبروك على الجزء الـــ 11

والف مبروك للبنفسج > > > الله يوفقهاااا

وويوفق الباقي

والفال لي وللبنات الحلوووين

ما بغيتو تفتحون الجزء


ام الغالي قلت الحين يبي لج يومين لين ترتاحين من السفر وعقب بتفتحين لنا الجزء


صج اليوم كنت متضاااااايقه يوم شفت الموضوع مغلق

وقعدت ادور


الحمدلله على السلامه بنت الغالي:)

البنفسج صج بنفتقدها:(


يالله الله يبارك لها ويكون كل شي مثل ما تتمنى واحلى ياررررررب

هلا بنوتات


الف مبروك الجزء ال11


الحمدلله عالسلامه بنوتة الغالي

والف مبرووووووووك البنفسج


حلاليمو بالنسبه للملابس


22 يوم


ودي معاج 10 بدل

وراعي انج تقدرين تمكسين وتركبين فيهم بكيفج مثلا البلوزه تتلبس على كذا بنطلون وجيه ونفس الشي الشيل لو بتلبسين شيل ملونه

خذيلج الوان محايده وتناسب كل الوان لبسج

ولاتنسين انج بتشترين من هناك بعد

قمصان النوم اتوقع 12 اوكي؟

لان بالفتره الاولى مب حلوه تكررين وايد واكيد بتشترين من برى فممكن تقلليل او تزيدين حسب شكثر حاطه ببالج تاخذين من هناك

لاتنسين تحطين شبشبين او 3 حق قمصان النوم انتي عروس ولازم تتكشخين وتتدلعين

والملابس الداخليه حطي كذا طقم وحطي اشيا عاديه للطلعات وجيه مثلا عندج الاشيا الساده والناعمه او الدانتيل المبطن مثل انواع ال برا عند بي اتش اس وغيره ونفس الشي لل البانتي خذيلج من بي اتش اس او هالمحلات اللي يبيعون 5 مثلا مع بعض هاي حق الطلعات والاستخدام اليومي


امممم خذيلج نوعين عطور فرنسيه ونوع دهن عود ومسك مثلا مع بخور

شنطه صغيرونه للمكياج فيها اساس بودره كحل وجم شدو بالوان محايده او باليت صغير


لاتنسين تنوعين بالاكسسوارات عندج كليرز فيه سوالف حلوه من ريش وغيرها وممكن تاخذين كذا شغاب من الطوال وفي عندهم خلاخيل (جمع خلخال )خخخخخ احسهم كيوت لو تلبسينهم في الفندق مع الملابس العاديه

حاولي تنوعين في الملابس

خذيلج كذا بيجامه ولاتنسين تحطين شي قطني لو ان بيصادف ايام الدوره


اممم الشنط والجواتي لاتكثرين منهم اهم شي تحطين اسود ويكون مريييييح وعندج النعل بوصبع في ميلانو واويسس وسبلاش حلوين ومريحين وايد وشكلهم حلو بالسفر

وحطيلج جوتي رياضه للرحلات مع جم دلاغ خخخ شنو بعد

اي لاتنسين تحطين الشاور جل والكولكشن اللي تحبينه صج انتي في سفر بس لاتنسين انج عروس والكشخه ضروريه


ولاتنسين العبي
عباتج اللي بتروحين فيها ولو تبين وحده احتياط


اوتي البخار لاتنسينه مهم وايد

ويكون افضل لو تاخذين قمصان النوم وملابس النوم وتعزلينهم في شنطه وتكون كل قطعه معطره ومبخره وجاهزه بكيس نايلون عن العباله


وببببس جني هذرت واي لو تبين شي انا حااااضره

RoO7 QtR:

امم عندي سؤال لشموخ عنادي "الله يتمم لج على خير ويوفقج" .. ايش الي حسيتيه مميز في تنظيف البشره عند جاك ديسانج ؟ يعني شنو الي يميزهم عن غيرهم ؟ وشنو الماركه الي يستخدمونها ؟

هلا حبيبتي

الله يسلمج على الدعوه الحلوه ما تدرين شكثر محتاجه لهادعوات :)


تنظيف جاك عجبني بالاله اللي تستخدمها مثل اسفنجات تحط فيها الخلطه او الصابون وتكون موصله بكهربا واير احمر والثاني ازرق

والحلو ان قبلها اتصلت عشان احجز قالت ما تقول لي شنو احتاج قبل لا افحص

رحت سوت لي فصح اول شي حطت كريمات وغسلت وصابون ومادري شنو قالت انها تنظف الطبقه اللي فوق البشره وعقب تفحص بالجهاز نوع البشره واذا جافه او طهنيه من الداخل وحطت لي ماسك هذي كله قبل


قالت لي بالضبط مناطق الدهون والجفاف في ويهي

وعقب قالت ما تحتاجين الا مره قبل العرس ب 4 او 5 ايام مع قناع الكولاجين اللي يعطي الويه نظاره لمدة شهر

وقالت اذا تبين بسوي لج مره قبل ب20 يوم

سويت التنظيف كان وايد مريح وحسيت بالفرق وحطت لي ماسك رووووووووعه حسيته مثل الفيكس بس باااااااااارد حتى راحت ورجعت عقب لقتني ارتجق احس جسمي كله برد


اشوفها لحفتني قبل لا تطلع:)

وباقي لي عقب اسبوع الجلسه اللي قبل العرس اللي بتحط لي الكولاجين


واذا عندج اي سؤال انا حاظره وادري اني تكلمت وايد:)