الجزء الحــ11ـــادي عشر من تجهيزات عرايس قطر 2006

**عصفورة قطر**:
مسا الخير عرايس
بنات ابي نصيحتكم ..
من وين تنصحوني اشتري لي فراشي مالت الميك اب ... ؟؟؟
امي قالت لي من فور ايفر .. انتوا شرايكم ..؟؟؟
وبعد شنطة الميك اب من وين تنصحوني؟؟؟؟

هلا والله عصفورتنا ..
تبين أحسن فراشي مكياج وأصلية وشعرها شعر ذي الحصان ..
عند نزيه .. وفي شنطة يمكن قيمتها 120 ريال المهم ليا رحتي قولي أبي شنطة فراشي المكياج ..
وبطلعها لج .. ويمكن ماتحصلين قولي له متى بتنزلونها .. وكل كمن يوم أتصلي وليا قال لج نزلناها روحي لهم على طول لانهم يجيبون كمية بس ماشاء الله ماأتم .
للعلم هالفراشي يستخدمونها خبراء التجميل وربي شاهد ..
والله يوفقج ..
أنا صار لي 4 سنين وشي .. والحمد لله لين ألحين ماأختربوا وكانهم جداد لين الحين ..

شوفي الحلوة ..

أنتي مري عليه قبل لاتشترين قطع ولا تودين له موديلات ..

وخليه يوريج اللي عنده .. وقولي لها أنا من زمان أفصل عندك عشان يطلع لج .. خخخخخخخ..

وخليه يوريج بلادت هو مفصله ولا جاهزه وبيسلمها حق حد ..

والله يوفقج ..

وبخصوص البديات مري هاي لاند ولا السلام ولا جلامور .. وأخذي لج من عندهم ..

ولا روحي لهم وقت السيل ونبشي عدل والله بتحصلين .. وركبي عليهم بناطلين وتنانير ..

مشكورين بنات على ردوكم

بعد ابي كذا شغله


التصوير وين احسن مكان ومب غالي

يوم الحنا ... عطوني افكار لها بسويها في بيتنا

وابي حنايا ماتكون غاليه حق مجموعه لبنات

ومن اختار للمكياج والشعر حق عروس وحق خواتها ؟؟

الاضاءة وش اختار والبخار الي يطلع والتلفزيون الي على الجنبين كم يكلف ؟؟
العرس 16-11- 2007

البنات اللي طالبين سبيس أم حمد القطرية ..

http://go.3roos.com/7RKYWVLaX6y

هالوووووووووو..بنوتات..


مس دانه..
الله يبارك فيج...لافديتج ماتحنيت... بسبه الحساسيه..وبعد ماتركب الحنه مع استايل الفستان اللي كنت لابسته..


بنت الغالي..
الاستاند...شوفي ماسيس.. انا الاستناد كان من هناك..مع الكوشه..كان شغل حلو..


كلاسيـــــــــك..
حمدالله على السلامة..والف الف مبروك..والله انا بعد حاجزة سعاد..شكلي بقولها تعالي 4!..خخخ..لان معاي..صديقتي..وامي...

تسلمين الكحل ... انا امس كنت في نزيه شريت منه مكينه مالت الحلاوه بس مايا على بالي الفرش ..
بروح لهم قريب ان شالله تسلمين حبيبتي

ولو بنات بلادي أنا في الخدمه وحاضره لكم بأي وقت ..

يسلموووووووووووو حبوبه بنت الغالي :)

بنات ... بسألكم؟؟؟
بخصوص الاغاني اللي تنحط في يوم الحنا ؟؟ شنهي الاغاني اللي تنحط في يوم الحنا .. ولا اييب دي جي ولا شسالفه ؟؟؟ ولا انا اللي اسوي السي دي؟؟؟؟

فراشتكم....مشكورة حبيبتي ما قصرتي...اي جذي الواحد يحس بوجوده في المنتدى...
بنت الغالي....ماقصرتي فديتج و تسلمين يالغالية...و يعطيكم الف الف الف الف الف الف عافية يابنات على هالنشاط الرائع و بالتوفيق يا رب...
بالنسبة للعرايس الحلوين اللي بدو يتجهزون احب ابارك لهم من كل قلبي و ادعي ربي ان يوفقهم و يهنيهم ان شالله....عندي لهم ملاحظة وايد مهمة...وهم يتشرون ...اهم شي انهم يتاكدون من المقاسات و الموديلات و الالوان اللي يختارونها قبل ما يطلعون من المحل..لان بصراحة انا تعقدت من بعض المحلات اللي تطلبين منهم مقاس و لون و موديل معين انه يجيبه من داخل الستور...وطبعا يجيبه مغلف و مسكر....انا اخذه و انا واثقه و ارجع البيت....بعدين اكتشف انه اللي في الجيس شي ثاني...طبعا اتنرفز حدددددددددددددددددددددددددددي و ودي ارجع له و اذبحه لاني احس ضيع وقتي في زحمة الشوارع و صار مشواري مشوارين...و بالذات الاجهزة الكهربائية(الاستشوار-البراون-مكواة البخار-جهاز الحلاوة...) هذي الاشياء تاكدو منها في المحل ....مب تاخذونه بكرتونه و تستانسون و تجون البيت و تخشونه من الوناسه...خخخخ....والله يعطيكم الف عافية

صاجه والله عروسه ..

عصفورة .. والله الدي جي اوكي وأريح لج .. وعندج مروه في بن محمود .. ولا السودانيه اللي في التنظيم اللي في المرخيه ..

بس بخصوص الزفه ولا الجلوه .. اشتري شريط فطومه وحطيه والباقي اغاني رقص وربشه ..

والله يهنيج إن شاء الله ..

وأستانسي في الحنا لانها طعمها أحلى من طعم العرس .. وتذكري هالكلام أوكي ..

عصفورة قطر.....لو تجيبين دي جي يكون احسن لج و اريح لج ...هي طبعا عندها خبرة بالاغاني المطلوبة في هالمناسبات و بعدين جهازهم مضمون ...يعني ما تحاتين ان كل دقيقة يقطع...و راح تكون على طول مع المسجل تشبك لج الاغاني و تجهز زفتج و تضبط الصوت ...يعني بتكونين شايلة هم المسجل و مفتكه
ترانيم قطر....التصوير انصحج بالوان الخليج....شغل مضمون و حلو وخبرة سنوات و سعرة معقول و انصحج ما تكثرين اكثر من خمس افلام ....انا سويت تسعة والله كله طايحين برع الالبوم مب عارفة شاسوي فيهم...عندهم بعد الاضاءة و البخار و الشاشات اللي على الجنبين(الشاشتين عطاني دعاية لاني حجزت عندهم الكوشة و الستاندات و التصوير الفيديو و العادي و البطاقات و المسكة )
بالنسبة للحناية لحد الحين احسن ثنتين رحاب و زبيدة ....اما ليلة الحنة....طبعا حلو ان يغلب عليها الطابع التراثي....يعني لبسج يكون عبارة عن جلابيه راقية و فخمة لكن ماخذة مديل ثوب النشل...وممكن تلبسين هندي مع اكسسواراته...اما الكوشة طبعا على طول روحي فتول و لا تترددين لانهم فنانييييييييييين في كوش الحنة و اسعارهم مب اكثر من 2000.....تقدرين تسوين توزيعات عبارة عن حنة او دهونات بسيطو او بخور في علبة حلوة...على حسب امكانياتج....بالنسبة للزفة حطي الزفات الكويتية اللي جنه طق طبالات....اما الوصيفات اللي بيزفونج حلو انهم يلبسون ثياب نشل بالوان مختلفة و متنوعة و يمسكون مداخن و مرشات و سلال مشموم .....احس بيطلع شي رووووووووعة.....اتمنى افكاري عجبتج

عروس.... الكحل.... يعطيكم الف عافيه

هلا كلاسيك :) فديتج الله...خلاص شطبت التجهيزات وبس باقي لي بقية العرابين ..مابقى شىء خلاص اسبوعين !!

ببتدي هاليومين ابخر وارتب اغراضي في الشناط لاني بسافر بعد العرس بيوم الحمدلله بيتي تقريبا جاهز او بيجهز بعد اسبوع بالضبط :) وبنقل اغراضي هناك قبل العرس بكم يوم

سعاد للحين ماردت علي..ابغي اككد الحجز عندها بخليها تجيني الساعه 4 كلامج وايد خرعني :( ابيها تخلصني بسرعه لان التصوير اتوقع بياخذ وقت

وحجزت حق ثاني يوم "العشا"...عند نجوى للشعر ونجلاء عبيد ...بس للحين ما اكدتلي الحجز

والله تعبت من كثر ماتصل :( لو برنامجمن سيربح المليون جان حصلت خط من زمان !!

الله كريم :)......كم يوم سافرتي؟...انا بسافر باذن الله عشرين يوم او اكثر بشوي...للحين ما اكدنا الرده...بس مدري احس يبي لي اخذ ثياب معاي لانها فتره مب قصيرة...شرايج؟؟

استخدمتي خلطة شهر العسل هناك؟ خخخخخخخخ ماتخيلج والله ...افكر اوديها معاي لان مفعولها صج عجيب :) شرايج؟

الحلم الهادي شوفي بناطلين لاتكثرين بس كثري التوبات لان بتكرفين الجنز والبنطلون الاسود ولاباقي الكشخات بيكون مالج خلق عليها :) .......... باقي اسبوعين وبتروحين عنا اضحك ولااصيح فديتج والله

اليوم رحت ماسيس حجزت ستاند لخطوبة اخوي وبعدها مريت جنبه الركن الفرنسي احنا مسويين عنده قبل كيكه عجييييييبه طعمها لذي وفيها نفس الدرج ونوافير يعني صج صج راقيه ولقيت عنده بس ماحجزت قال لي تعالي بكره ........

الحلم الهادئ بالتوفيق حبيبتي .. بس ذكريني متى عرسج ..؟ لوول

بالنسبه بنات ابي اسالكم عن الاوتي البخار بس مب لاعوود لا الصغير اللي بحجم اليد هاذي يكوي نفس الكبير ولا مايسوي شي ابي وحده مجربته وتقولي اخذه للسفر ولا اخذ اوتي عادي ..؟

:gum: ووو بنات بالنسبه للحلاه شنو احسسسسن نووع لاني اخبر خذت لي من تايلند ماركه حلاوه بس شنو رووووووووووعه تحسفت اني ماخذت منها واييد لاني بلفيت اجرب والحين ادور منها ماافي فالدوحه فابيكم تنصحووني شنو احسن نوعيه حلاوه ومب يابسه وايد ويبيلها تسخين وعفسه :shy:

مشكوره عروس 2009



بس ابغي المكياج والتسريحة عند من

مممممم فراشتكم عندج حلاوة شمسا اوكي


بنت الغالي

تووووني مسكره من فاطمه التميمي خلاص حجزت عندها
العادي ب 350 والسبشل ب 500


اختي مادري ليش كل ماقلت لها عن سما ماتتشجع تقولي يمكن مب مضمون ومادري شنو وخلج عاللي ضامنته

بنات انتوا شرايكم
مكياج سما نفس مستوى فاطمه التميمي ولا لا؟