فقط للجادات..عشان مانقول السنه مثل الي قبلها

السلام عليكم ورحمه الله وبركاته....

طبعا كتبت موضوع انكم ترسلون لي ارقام خطابات بالخليج والكل طنش معقوله ولا وحده عندها رقم واحد لخطابه ههههههه يلا كيفكم كنت ابي انفع نفسي وغيري بدل مانقعد نحن بالمنتديات نبي نعرس نبي نعرس هههههههههههههههههههههههههههه....


المهم انا اليوم عندي موضوع وايد مهم وشيق--------------قولي والله

رايقه اليوم وبطفشكم بالسوالف خخخخخخخخخخ:gum: من قمت الصبح مالقيت احد اهذر معاه

بدش بالموضوع لان شكلكم بتصفقوني وانا مافيني شده ادافع عن نفسي:shy:




تدرون احنا اي شهر احنا في رجب وعقبه شعبان وبعده رمضان-----------بلافلسفه هاتي من الاخر

يعني انا اتذكر العام عدل شنهو كان تخطيطنا نختم القران نسوي ونسوي مادري اي وحده منكم حققت اي شي من الاهداف الي حطتها رمضان الي راح او مثلي تبتدي بحماس بعد اسبوع تزهق وتبطل كلشي؟؟؟؟؟؟؟؟؟؟؟؟؟؟؟؟:angry:


انا بنات والله ماكنت كذا قليله همه اول ايام الجامعه كنت كل يوم اقرا سوره ياسين والمعوذات وكان عندي برنامج يومي يعني حياتي كانت مرتبه وفعلا بذيك الفتره كنت رايقه وبالي ماكان ينشغل وايد رغم ان كان فيه مشاكل واشياء بس لاني قريبه من الله ومنظمه حياتي وعندي اهداف ماكنت اركز بالمشاكل كثير....



الحين وبعد مرور 100 سنه ضوئيه--------------------قولي الصج كم عمرج هههههه انكت ترا توني صغيره 27


الحين وبعد ماتوظفت مادري اشلون استغفر الله احس ان حياتي غبيه غبيه يعني بس تفكير باشياء تضيق الخلق ونوم وبدون هدف حتى القران اتمر ايام ماامسكه او اقراه ...ولاحظت ان مشاكلي كثره واني دايم حزينه واني بديت افتقد اشخاص واشياء بحياتي.....مافي شي تغير الحياه اهي الحياه بس انا الي تغيرت وطريقت حياتي.................العام في رمضان كنت حاطه اهداف لي..من بينها اني اصفي نيتي اكثر واقرب من الله اكثر واختم القران اكثر من مره ...........للاسف اني ماحققت كل اهدافي...........حياتي مازالت غبيه.........



اليوم قلت لازم اسوي جدول ...وقلت نشجع بعض او اذا في وحده حابه تضيف للجدول شي يكون خير وبركه تدرون فيني دايم اشجع الافكار النيره والمواهب الشابه---------هاتي من الاخر:gum:


1-يعني صلاه الفجر نجبر روحنا نقوم نصليها واذا بعد شوي شوي نقوم قبلها بخمس دقايق نصلي ركعتين يكون احسن بعد

2-اول مانقعد من النوم طبعا اهم شي امنا نصبح عليها بعدين نفطر ونقرا سوره الرحمن او ياسين.

3-نحط في اعتبارنا ان الله يراقبنا بكلشي تصرفاتنا كلامنا يعني نحط اعتبار للكلمه الي نقولها لانها اذا طلعت ماترد.

4-كل يوم العصر نقرا صفحتين من كتاب وياريت الي عندها اسم كتاب حلو تكتب لنا اسمه

5-وقت الصلاه شنسوي نقرا صفحه من القران بكل ركعه عشان نجمع الاجرين اجر القراه واجر ختم القران.

6-مااعتقد ان لو بعد التسليم راح يضيع وقتنا لو دعينا لاخوانا المسلمين وان ربي يشفي كل مريض ويفك اسر كل اسير وييسر امورنا اجمعين وندعي لامواتنا بالرحمه...وطبعا ماتنسون تدعون لبعض يعني البنات الي بالمنتدى ان ربي يوفقهم وييسر امورهم.

7-نحاول نخفف من سماع الاغاني وانا بعد بجاهد وياكم لان اهلي كلهم يسمعون اغاني وانا بيني وبينكم صايره هاليومين انطرب يوم اسمع اغنيه استغفر الله....لدرجه اني احيان قبل انام احس الاغنيه تدور ببالي وهالشي يضايقني ابي تكون خاتمتي زينه ..

فاصل اعلاني ههههههههههههههههههههه امزح معاكم بس حبيت اقول كلمه بهالمناسبه ....ياكثر ماتهذرين

يعني بنات انا اقول غضو النظر شوي بالتلفزيون وبطلعاتكم ترا وايد اشوف بنات يقزون ويبققون عيونهم ونصيحه اذا تقزين ببنت ابتسمي لها واذا تقزين بواحد متزوج نزلي راسج وقولي ماشاء الله تبارك الله ترا ماتدرين النظره هذي شنهي حتى لو كانت بحسن نيه تراها سهم من سهام ابليس ويمكن تسبب مشاكل



عدنااااااااااااااااااااااااااااااااااااااااااااااااااااااااااااااااااااااااااااااااااااااااااا


8-نحاول قد مانقدر نشيل الكره الي في قلوبنا ادري صعبه ومافي وحده بتقول انا قلبي مايشيل على احد او مايكره بس فيه ذره صغيره بالقلب ماتنسى وتشيل المواقف السيئه اي موقف تنقهرين فيه قولي لاحول ولا قوه الا بالله او حسبي الله ونعم الوكيل وخلاص انسيه لا تشيلينه بقلبج عشان الله يتقبل دعوتنا وتوبتنا ان شاء الله

ادري هذرتي وايد وطولت عليكم.............اي بنت عندها اي اقتراح على الجدول لا تبخل فيه علينا

وكل الي ابيه منكم دعواتكم لي بالستر وان ربي ييسر اموري ويرزقني زوج صالح يحبني انا بعدين عاد احبه براحتي خخخخخخخخخخخخخخ


يلا فمان الله ودمتم بحفظ الله ورعايته