مشكلت بنتي

عطيها مغلي ماي العيش ..

عطيها عصير برتقال مخفف..

اسبوعين .. حرام عليج..؟؟

اي والله اسبوعين وايد وايد مسكينه

وديها طبيب اطفال متخصص لا تتاخرين

السلام عليكم ورحمة الله وبركاته

أختي أول شيء...النعناع و الكراوية ما تعالج الإمساك...هي تعالج الغازات بس...

بعدين الحبة الحمرا ثقيلة على الأم...فمابالك بالبيبي اللي عمرها شهرين ؟

أختي ما تغامري ببنتك...و تلعبي فيها و تعطيها أشياء مش مضمونة تأذيها لا سمح الله و تدخلي في دوامة ثانية...

أسبوعين إمساك كتيييييييييييييير...ما يصير تسكتي...لو راجل كبير كان صابه شيء...

روحي على الدكتور و ما تجربي أي خلطات...ممكن تكوني محتاجة تحميلة الجليسرين لأكثر من يوم علشان تشيلي كل الفضلات الموجودة عندها...

و يمكن نوعية الحليب اللي تعطيها إياه مش مناسبة لها...

طمنينا على بنتك...

ياعمري والله سلامتها بس انصحك بكلام الاخت مرموم ولا تتاخري حرام
وحاولي تجربي معها كمية بسيطة من اليانسون عن جد راااائع والف لا بأس عليها

هلا حبيبتي الحبه الحمرا واايد زينه انا كنت اعطيها ولدي والله والاوليين الحريم قبل كله يعطوون عياالهم زينه تمشي البطن بس حطي كم حبه من الحبه الحمرا وشويه مااي يعن مب اللي نحن نشربهاا لا بدون حليب اتمنى انج فهمتي قصدي ..
وانشالله ماتشووف شر..

انا امي عطت بنتي الحبة الحمرة اظن وقت ما كنت بالاربعين او بعد الاربعين ما اذكر بس هي كانت صغيره توها يعني بالاشهر بس اظن انها كانت بالاربعين قالت لي زينة عن البطن
وعطتها عادي الحمدالله والله يعافي بنتج يارب وحاولي ترضعيها طبيعي لا تعتمدي على الحليب الصناعي لانه الصناعي هو سبب الامساك مهما كان نوعه

مسكينة البنت أسبوعين فيها إمساك حرام وهي بهالسن..

أعرف شي عند العطار بس مو ذاكره أسمه (لونه أسود مثل الأسطوانة يعني كأنه قلم) أكيد امهات قبل يعرفونه وايد يريح الطفل..
بس للأطمئنان أكثر أخذيها للطبيب يكون يشوفها ويرتاح بالك....

حبيبتي ام ابراهيم صح هذا اللي قالو عنه القلم تلقينه في سوق واقف امي كانت تعطيه اخواني تقول زين حق البطن والله يخفف عنها ياربي هالكتكوووته الحلوه ماتستاهل

مرحبا

انا ولدي نفس الشي يوم كان صغير ما كان يمشيه بطنه الا كل 7 او 8 ايام وديته عند دكتور ممتاز و قالي ما استخدمله اي شي لانه هذا شي طبيعي لانه بس يرضع ويشرب سوائل جهازه الهضمي بعده ويوم بيبدا ياكل بيتحسن وفعلا الحين عمره 6 شهور ويوم بديت ااكله صار كل يوم اويومين عشان جذي اذا بنتج ماتتالم يوم يمشيها بطنها لا تحطيلها تحاميل ولا تعطينها حبه حمره بس انتبهي ما تصير لها غازات ولا تعودينها لا على زيت الزيتون ولا على تحاميل . ولا تقلقين انشالله مافيها شي واذا تبين تتطمنين وديها المستشفى و سلامات

وانا والله بنتي نفس الحال ولين االحين اعاني معاها:(

رانيا اعتقد اللي تقصدينه يسمونه خيار شمبر اذا ماني غلطانه..

بنات نصيحة لكم... عدم انتظام التبرز من امساك او اسهال شيء طبيعي جددددداً لدى الرضع...

لا تستعجلوا وتجربوا اي وصفة تسمعوا فيها او تقروها من النت...

خلوا الطفل ياخذ وقته عشان يتعود جسمه على نظام التبرز خارج الرحم...
للاسف الاطفال سريعوا التعود على الاشياء الخارجية التي تساعد على التبرز... بعدين راح يوهقج وما يرضى يتبرز الا بتحميلة او دواء... :)


انظروا دليل الركن لمزيد من المعلومات حول عدم انتظام التبرز الامساك والاسهال

بصراحه اول مره اسمع اسبوعين وايد
لازم اول شيء اتودينها لدكتور يكشف عليها
وانا انصحج انج تعطينها مره كل اسبوع عصير برتقال مخفف
وكل يومين تعطينها ماء دافئ مع سكر نبات أوه تذكرت شيء خطييييير كل طفل محتاج السكر وافضل شيء
انج تعطينه 3 حبات تمر بكوب ماء مغلي تتركينه فيه من بليل لحد الصبح واتصفينه ويشربه بالعافيه بس ما يكون غليظ لاحظي انه يكون ذو حلاوه معتدله