لوكي الجديد بالصور ،، بسرعه

صباااااح الخير بنوتات

هالمره جيت لكم بلوك جديد

بشرحه لكم مع الشغلات اللي استخدمتها
واتمنى يكون الشرح واضح لأن طريقة الشادو وايد سهلة ،، نقدر نقول سموكي :gum:

قبل مابدي ..

حبيت اشكر مشرفتنا الغاليه مجد لأنها دلتنا على شادو club ،، صادني احباط رهيب لين حصلته ..
وفعلاً اللون كان يستحق كل هالانتظار .. وفي هاللوك استخدمت الشادو Club بطريقة مجوده ..

يالله نشوف اللوك ....


طبعاً بعد غسل الوجه وتنشيفه ..


وزعت البيس من ايف سان لوران ،، وبعد ما امتصته البشره رشيت مثبت المكياج البخاخ من ماك


استخدمت الفاونديشن بطريقة غاليتنا مناري وهو خلط الدبل وير مع نقط من الماكسيموم كفر واثنينهم من استي لودر ،، وزعت الفاونديشن بالفرشاة من ماك 190
وبعد ما اندمج الفاونديشن في البشره ،، وزعت بودرة كانيبو بدرجة كراميل


بالفرشاه المائله وزعت شوية من البودره باللمعه الذهبيه تحت العين عشان تلقط اي شادو يتنثر


مشطت حواجبي و رسمتهم بقلم الحواجب من لورد آند بيري ..
وزعت على عظمة الحاجب high brow من بنيفت عشان يغطي الشعر الزائد ويعطي اضاءه للمنطقه

الحين بنبدي بشغل الشادو ،، تابعوا معاي ..

نشوف الشادوات اللي استخدمتهم ،، وكلهم من ماك :

1/ shroom
2/ amber light
3/ carbon
4/ club

نشوف الطريقه ،، بشرحها لكم بهالصور التقريبيه ،، عشان نقرب الصوره ..


المنطقه الموضحه بالاسهم باللون الاحمر واللي هي عظمة الحاجب ،، وزعت الشادو shroom

المنطقة الموضحه بالاسهم باللون الأخضر واللي هي الجفن الثابت ،، وزعت الشادو amber light و دمجته بفرشاة ماك 224

المنطقه باللون الأسود واللي هي الجفن المتحرك،، وزعت الشادو الاسود crbon وبنفس الطريقه الموضحه بالصوره ..

فوق الجفن المتحرك اللي وزعت عليه شادو crbon الاسود ،، وزعت الشادو club
وهي الطريقة اللي دلتنا عليها مشرفتنا مجد ،، اتمنى تكون الطريقة واضحه
وهي بعد ما نحط شادو كربون ،، فوقه وبنفس الطريقه والمساحه نوزع club

بعد ما خلصت من الشادو ،، نفضت البودره اللي كنت موزعتها تحت العين


استخدمت الكحل الاسود من بنيفت
والبيجمنت blue brown من ماك بالفرشاه المائله الصغيره
بنفس الطريقه في هذي الصوره :

بالقلم الكحل رسمت عيني من تحت "الجفن السفلي" و دمجت الكحل و وزعته شوي بالاسفنجه الموجوده في طرف الكحل ..
بالفرشاة وزعت البيجمنت blue brown فوق خط الكحل اللي رسمته
في البداية تخوفت ان لون البيجمنت ما يناسب الشادو ،، لكن لأني استخدمته بكمية بسييييطة ،، طلع لونه قريب وايد من الـ club ،، و ممكن بدال البيجمنت توزعون نفس الشادو club فوق الكحل

كحلت عيني من داخل بنفس الكحل الاسود من بنيفت ..

نسيت اصور هالخطوه ،، لكن خذت الصوره من موضوع سابق

عقصت رموشي بالـ Eyelash Curler
وبعدين حطيت ماسكارتي الحلوه من ايف سان لوران:shy:


بفرشاة ماك 187 وزعت البلاشر بلون طبيعي فاتح ،، و حطيت شوية من اللمعه من ماك بدرجة belightful


حطيت الروج viva glam v من ماك
لونه لحمي وفيه لمعه خفيفه

اتمنى ان شرحي هالمره كان واضح ومفهوم

وياريت يكون اللوك عجبكم

(f)