السلام عليكم ورحمه الله وبركاته

بسم الله الرحمن الرحيم
هذا الحلم اتكرر معاى مرتين بس مو نفس الطريقه ..وعشان جيه حبيت اكتبه وتفسره لى ان شاء الله وبين الحلمين فتره قصيره تقريبا شهرونص
الحلم الاول ..حلمت انى دخلت غرفتى وشفت ان شيطة الذهب الي في الكبت محد انسرقت وباقى العقد الي يابه لى زوجى يوم ولدت ولدى ..وهو في الواقع هذا العقد مش في شنطه الذاهب بس موجود في نفس الرف الي فيه الشنطه في الكبت ..ولما صديت صوب التسريحة شفت ان اغراضى بهد انسرقت والتسريحه صارت خاليه تقريبا وكان باب الحمام مفتوح لما شفته وبعدين شفت نفسى في غرفه ثانيه بس نفس البيت وشفت الممثله الاماراتيه سميره احمد قاعدة على الارض ولابسه كندوره فاتحه ووقايتها البيضه ..وانا يلست عشان اسالها عن الشخص الي سرق الذهب .. لانها عندها شى اتعرف من خلاله السارق .. وكنت يالسه مقابلتها يعنى ويهى بويها .. وفجأه شفت كره صغيره شبه شفافيه تمشى علي الارض وكنت اشوفها لين ما وصلت عند وحده يمكن تكون خدامه لابسه جلابيه ووقايه وكانت حنطيه غامجه ..

الحلم الثانى .. شفت الممثله الاماراتيه سميره احمد لابسه كندوره فاتحه وفوقها عبايه علي الراس شفافيه لدرجه ان كندورتها ينعرف لونها وشكلها وكندورتها فاتحه وفي اسفل كندورتها مثل الزخرفه اما وجهها ما كان ايبين لانها كانت لابسه ووقايه سوده مره ..وانا اشوفها وكانت تمشى لانها كانت اتصوره والكيمرات تتبعها وعقب ما خلصت من التصوير .. راحت عشان تركب سيارتها الي كانت واقفه جدام باب بيت اهل زوجى وسيارتها جديده وبيضه وانا كنت امام الباب وكانت معاى صديقتى من ايام الدراسه اسمها نيره مصريه وما اعرف عنها شى ..وركبت صديقتى السياره ومعاها حد سياره كبيره ستوت وراحت وبنفس الوقت فتحت سميره احمد الباب الامامى لسيارتها فجاه شفت دخان ابيض وطلع من الدخان جنى شبح ابيض له راس اما جسمه مب واضح زين وفجاه طلع الجنى بسرعه مع الدخان من السياره وسار بخط مستقيم لين ما اختفى في السكه الي اتجابل بيت اهل زوجى .. وركبت سميره السياره .. واتحركت وصارت سيارة ربيعتى اول وسياره سميره وراها ودعمت سياره سميره سياره ربيعتى وانقلبت سياره سميره مره وحده واتحطمت وصارت صغيره وربيعتى وقفت ونزلت من سيارتها هيه ومعاها اشخاص .. واحد لمحته من بعيد يمكن اخوى المتوفى .. ومعاهم بعد واحد ما اعرفه .. وانا قلتلهم طلعوها طلعوها .. وهو التمو حول السياره ايطالعونها والسياره صارت صغيره انكمشت وفجاه شفت نار في السياره بس مكان سميره وولعت فيها وبعدين انطفت .. ودخلت انا البيت .. وشفت واحد ما اعرفه ماعرفه بالواقع .. في الحديقه وحفر حفره تحت الشجره وحط راسه فيها ..


انتهى الحلم