حركته قوية وايد .. وانا خايفة

سلام بنات .. شخباركم

انا الحين حامل في بداية الشهر السادس " حوالي 22 اسبوع " وعلى الرغم من ان هذا الحمل الثاني لي الا ان البيبي هالمرة يتحرك وايد وقووووووة لدرجة تسبب الام في بطني ولوعة جبد .. احس انه في شي يطفح لفوق لما يتحرك البيبي :sad: على عكس حملي الاولي كان ولدي حركته جدا قليلة وما يتحرك لايام حتى اني رقدت في المستشفى لما كنت حامل وحطوني تحت الملاحظة عشان يطمنون ع البيبي بسبب قلة حركته .

يوم الاحد كان عندي موعد في المستشفى والدكتورة اكدت لي ان البيبي حجمه بالضبط 22 اسبوع وان كل شي تمام لكني نسيت اسألها عن الحركة القوية للبيبي واذا كان هالشي طبيعي او لا ..

فهل هالشي طبيعي وتحسون به بما ان في حملي الاولي ما كان ولدي يتحرك مثل هالبيبي ؟؟ هل في طريقة ممكن اخفف بها حركته ولا لازم اتحمل هالشي لما اولد ؟؟ انا لو ما كنت ادري اني حامل بطفل واحد كنت قلت اني حامل بتوأم .. ولو الدكتورة قالت لي البيبي حجمه كبير كنت عذرت هالشي .. لكن المشكلة ان البيبي واحد وحجمه طبيعي :qaq:

واعاني بعد من البيبي وايد يتحرك تحت .. يعني احسه قاعد يرفس في منطقة عنق الرحم ، وانا نسيت اسأل الدكتورة بعد عن هالشي .. وانا خايفة ان كثرة رفسه لتحت تسبب لي ضرر مثل نزول ماي او دم او تسبب لي التهابات او ولادة مبكرة لا سمح الله..

يا ليت اللي عنده خبرة او معلومات في هالموضوع تفيدني وجزاها الله كل خير :shy: