شو اعطي ولدي غير الحلييييب

هلا حبيبتي

عطيه الخضروات المسلوقه نفس الجزر والكوسه

والارز المهروس ..وعنج الشوفان انا كنت اسويها عصيده ماي وشوي ملح وشوفان لين تعلظ او اسويها شوربها اكثر الماي واضيف لها البطاطا مع الجزر ... الزبادي زين

اتمني اني فاديتج بشي

ربي يعطج العافيه

أختي الكريمة
بإمكانك تعطينه السيريلاك بدون الحليب وجبتين في اليوم وركزي على الخضار كوسة بطاطس
ومرة الكوسة مع الجزر عشان يقدر يميز الطعم
وسوي له المهلبية ممتازة (دقيق رز مع الحليب) وأعطيه زبادي لو مرتين في الأسبوع
وربنا يحفظه لك

اسم الله عليه طفل بو 5 شهور يقدر على الأكل سلقي له ( بطاط وجزر وكوسا وزهرة )

وحطي معاه ذرة ملح ،،، وعندج بعد رز وروب شوية ،،، وحاولي تعطينه من غداكم

أو إيدامكم بحيث يكون إما مطحون أو قطع صغيرة صغيرة صغيرة كبر راس الدبوس لا تكبرينها

عشان ما يغص فيها لأن بعده ما تعود على البلاع ،،، وبعدين عندج سلطة الفواكة المهروسة

الجاهزة ،،، ماي العيش ،،، سيريلاك + ماي ،،، لا تخافين ترى كل شي على حسب التعود

وعسى الله يخليه لج يااااااااااااارب.....

السلام عليكم
اختي مع احترامي لكل الاقتراحات السابقه انا عندي لك نصيحه طبيه
اثبتت الدراسات انه امعاء الطفل غير قادره على هضم الطعام بشكل جيد
قبل الست شهور وقبل كان الكل يبدأ الاغذيه المساعده من ال 4 شهور لكن ثبت انه
هذا هو السبب في الاصابه بأمراض القولون والقولون العصبي في المستقبل
والسبب انه الامعاء بتكون ما اكتملت وعلى فكره طعام الطفل يجب ان يكون
خالي نهائيا من الملح الى ان يبلغ الطفل السنه الاولى وبعدها عادي ممكن تضيفي الملح
وتأكليه اي شي بس في البدايه كل شي بالتدريج
وبما انك بديتي تأكليه السيريلاك والفواكه لا تزيدي عليها شي حاليا عشان ما يصيبه مغص
وسوء هضم وبعد ال6 شهور عادي اكليه بالتدريج
اتمنى لك ولطفلك الصحه على الدوام واي شي انا جاهزه

___________________________________________________________
خريف


________________________________________________________________
خريف

هلا حبيبتي ولدي كبر ولدج بسم الله عليهم انا ارضعه طبيعي واممممم واعطيه الاعشااب وماي الرز المسلووق وتفااح على هيئه عصير وموز بعد وتمره اعطيه وانشالله من يكمل الساادس ببدأ اعطيه اكثر بس في البداايه هالاشيااء..

الله يحفظه يارب ..... وانا مع رأي خريف ... نفس كلام الدكتور ليه حدد له بس نوعين من السيرلاك مو كل الانواع نعطيه وهو باقي صغير وحذرني بعد مااعطيه الفواكه المعلبه يعني الوجبات الجاهزه للاطفال لان عليها مواد حافظه واحسن شي كنت استخدمه له اسلقي له بطاطس مع جزر واهرسيها له وبالغافيه وبعد لاتعطينه الزبادي لانه يسبب له حساسيه بصدره قبل السنه ولاتحطي على جميع اكله لا ملح ولاسكر ....... واذكر امي كانت بعد السنه تخلط طماطم مع ذره سكر يوميا حتى والله كانت تورد خدود اخواني ......... اتمنى اكون افدك:shy: :flower:

مشكووووووورات والله سديييتن ووفييتن ..:yes:

:clap: :clap: :clap: :clap: :clap: :clap: