سر بنات الكويت؟؟؟؟؟؟؟؟

انا اشوف طريقة الحجاب عاديه وااايد بس جان نزل موديل جدي خلي يعلمونه ترى اختكم عن الكويت من سنة بالغربه بس لي نزله عن جريب ان شاء الله ادعولي.

واحنا نحبكم بعد حبيبتي ... مشكووره

حبايبي في موضوع عن طريقة لبس الحجاب الكويتي

بقسم المواضيع المميزه

دخلوا هناك واخذوا فكره

انا قصدي طريقة اللف ؟؟؟؟
انتوا تلفونها بطريقة تحلي الوجه و انا عندي سفرة و ابي اطلع كشخة مثلكم؟؟؟؟؟
ممكن احد يرد علي؟؟؟؟؟؟؟

اي اختي

موجود بالموضوع اللي قتلج عنه

دخلي وشوفيه

وانشالله بتستفيدين

مرحبا حبيبتي اكيد الحجاب الكويتي روووعه واستايل

وفيه طريقه جديده حنا نسويها.. نرفع الشعر شوي فوق من ورا كنفخه بسيطه
ونحط الشيله الملونه عليها .. بس تخلينها واسعه يعني اذنك تطلع تشوي وتلبسين حلقان
وعند الرقبه تغطينها بشيله وحده بس وفيه طريقه الباندانا هذي هابين فيها كثير
ربطه الماركات..

خواتي كلمه لله

الحلال بيِن والحرام بين وبينهما امور مشتبهات ، فمن اتقى الشبهات فقد استبرأ لدينه وعرضه، ومن وقع في الشبهات وقع في الحرام

المتحجبه متحجبه عدل والا كل هاللي انكتب في هالمشاركات في هالموضوع حرام

شنهو انطلع الاذون شوي ونلف شيله ملونه وهالكلام؟؟!!

في ذمتكم هالأشياء ماتلفت النظر؟؟

والله احنا البنات نقعد نطالع، وعلى فكره الخليجيه تنعرف تنعرف سواء في الخليج والا في اوربا

خواتي الوحده مب عارفه متى يومها ،،،

ليش نتمسك بالحرام ونتحايل على الحلال لحد مانقع في الحرام والشبهات!!

أتمنى كل وحده ماتاخذ اثم غيرها وهي تحرضهم على التبرج،،

ينقل ركن استفسارات الازياء

ان شاء الله بنات الكويت مايقصرووووووووووووووون

انا اقول كلمة حق...

اشهد انه بنات الكويت كشيخات.. وامووووووووووووت في ستايلهن..

وبالنسبه للحجاب.. كل بنت وكيفها..هي وضميرها...

بنات شنو طريقة الباندا بعديين مو شرط شيلة ملونة
يعني و اللي تقدر تسويها بالصور الله يكفيها شر الدنيا و يرزقها خير الاخرة

شوفو بنات انا كويتية وعمري 17 ههههههههههه بس ما فهمت شنو تبون بالضبط


يعني اللفة العادية

انا اقولج

تحطين على راسج القبعة بعدين تحطين الملفع على راسج وتخلين جزء اطول من الثاني بوايد

الجزء الصغير تلفينه على رقبتج هههههههه امو تنزنطين لا بس جذيه لفيه عادي

واللفه الثانيه الطويله حطيها على راسج وطلعي شويه رقبتج
لما تثبت اللفه عدلي الملفع من تحت


وفي طريقة سخيفة طايحين فيها البنات اللي تصير الرقبه كلها طالعة وبس مغطيه الشعر

هذا مو مو استايل الى تشويه لصورة الاسلام

انا اتكلم عن رايي مع انه اكثر اللي اعرفهم يلبسونة بهالطرق وايد
المهم


انا ترى توني متحجبه ولا اعرف هههههههههه الف حجابي هههههه

المهم لو تصبرين بس فترة اسبوع بتزورنا بنت خالتي ههههههههههه
وبتساعدج انشالله اهي تعرف بكل الطرق

يعطيج الف عافية شعلة ايمان بس لا تنسين؟؟؟؟؟؟
و راح اجرب الطريقة من شعلة ايمان

يعافيج ربي

اختي انا مو كويتيه بس اعرف طريقه احسن من انج اطلعين ارقبتج واحسن انج ما تتأثمين منه اخذي من السوق القبعه الاسلاميه اللي اتحطينها تحت الشيله لاتاخذين الصغيرة اخذي الكامله لين الرقبه اي لون تبين ولفي الشيله الكويتيه مثل ماعلموج اياها بنات الكويت والله احسن لج واحسن حق شكلج الاسلامي واتمنى تعجبج الفكرة

في قبعة يديده نازله بالسوق تصير من فوق فيها كرتون

بس تلبسينها وتلفينها عادي تصير حلوة وايدة

بنص دينار وتهبل
وبصراحة انا ما اطلع رقبتي

بس جربي تسوين طريقتي


يعني الملفع تلفينه عادي جزء طويل والثاني قصير والقصير لفيه على رقبتج علشان
ما تطلع
والثاني لفيه ويكون فوق القبعه يعني القبعه لا تبين وتصيرين حلوة

و الله كلكم عسل
طيب ما حد يقدر يفيدني بالصور

يعطيكم العافية بس حبيبتي شعلة شلون صايرة ام كرتون هاذ من وين خذتيها

من سوق الكويت هههههه عند الهنادوة ههههههه والله تهبل حتى بالنقرة بكل مكان تنباع

نوران وهالاماكن ما شفتها فيه

بس والله تهبل وفي منها الوان بكل مكان يبيعون ملافع فيه

حتى بالسيتي سنتر

انتي قوليله قبعة يديدة نزلت ويقولج هذي اهي

في وحده مو زينه بدينار ونص شريتها من النقرة الجنوبي لا تشترينها اخذي اللي بنص

مشكورين الي مدحو بنات الكويت حبيبتي انا مانصحج بها الستايل اتطلعين الرقبة والاذن بس في بالمجمعات قبعات من الجدام في كريستال وايد حلو البسيها ولفي عليها الشيلة بس مو تلفينها حيل خليها شوي مرتخية