بنات اللي زوجها اذا زعل ما يرضى بسرعة تدخل

هلا حبيبيتي انا زوجي نت النوع اللي اذا زعل عالاقل 3 ايام ويرجع عكسي تماما يقص علي بكلمتين واصدق..

طبعا اذا انا غلطانة اعتذر وابدأ اتحايل
اذا هو الغلطان احقره واتهاوش وازعل حدي يومين وارجع مرة ثانية اكلمه لان على قولتج ضربني وبكي وسبقني اشتكى

:gum: على حسب..منو الي غلط على الثاني ...صح مرات هو الغلطان بس اراضيه ...تعرفين ليش لان مرات احس الرياييل مثل اليهال لازم نحن الي نراضيهم...بس شوفي انصحج اذا مثلا زعل ...رحتي راضيتيت وما رضى ساعتها ...خلاص طنشيه...كلميه عادي ...وسوي كل الي يباه بس تغلى شويه...مثلا اذا كنتي تزهبين له الريوق خلي الخدامه الي تزهب...اذا كنتي تدخنينه كل يوم لا تدخنينه ...:shy: تغيري شويه وعقب اخر الليل ...عدلي عمرج وارقدي ...صدقينين بيتخبل عليج وبيقولج سامحيني ...:clap: (ان شاء الله يسوي جي ..)

الرجل يغلط وانتي تراضين :(:(

مو مشكله نتحمل بس لين متى ؟؟

انا لو مكانج اسوي عمري من البدايه زعلانه قبل لا هو يزعل
ههههههههههههههههههههههههههه
نذاله لا

أنا زوجي نفس الشي حتى لو هو غلطان هم يزعل :angry:
بس عاد أنا احقره بس بدلع يعني ما اعطي ويه بس اسويله أكله اجهز ملابسها اذا كلمني ارد عليه بس بثقل يعني اصير معاه رسميه واذا شافني جذي يبدي يتلصق :shy:

الورده المكنونه:
أنا زوجي نفس الشي حتى لو هو غلطان هم يزعل :angry:
بس عاد أنا احقره بس بدلع يعني ما اعطي ويه بس اسويله أكله اجهز ملابسها اذا كلمني ارد عليه بس بثقل يعني اصير معاه رسميه واذا شافني جذي يبدي يتلصق :shy:

وساعات مايعطيني ويه

وانا آخذ راحتي وانزرع عند النت

لكن كل شوي اطل عليه بس ماأبين له اهتمام

وساعات لي طولت المده اهو يكلمني

على حسب

كل زعله بحاله

الله يهدينا بس

هههههههه انا عكسم يزعل او ازعل

وهو لازم يراضيني

مشكلتي عنيدة

اذا الزوجه تشوف نفسها على زوجها حقها ان الزوج يطنشها بالشهر أو أكثر حتى تعرف قدر

زوجها وتعرف حقه عليها

مشكورين يا بنات حالاتكم وحلولكم وايد حلوة

شفيج اختي نزف الجراح عصبتي ما فيها شي احنا قاعدين نتناقش ليس اكثر

انا ... هم يزعل علي
بيوم واليومييييييين
بس شنو اسوي صرت اشوف الحل التطنيـــش
لما اكون طبعاً ماني غلطانه بحقه
بصراحه صايرين يزعلون
اكثر منا ع اي شيء ...
الله يكون بالعــــون ياخيتوووو

تحيتي لج
ام الجـــــوري

ههههههههههههههههههههههههههههههه انا زوجي يزعل او انا ازعل بس مانطول يروح يصلي مثلا واول مايدش البيت استقله بابتسامه والله انه يتخبل وينسى كل شي هذا مبدأنا انه الشيطان كان السبب ومن يصلي الله يهديه لي ويهديني له
واذا زعلنا اخر الليل يعني تكون فرووض اليوم مخلصه ماخليه يرقد قبل مايرضى عليه فديته اسير اتاسف بس مايخليني ويسبقني ويعتذر
الله يحفظه لي

والله اذا انا غلطانة غلط جايد وقوي اتسامح منه واراضيه واذا غلط عادي وبسيط مادقق بالمصالحة


واذا هو غلطان وزعل طااااااااااف البسه كيفه متي مارضي يرضي كيفه الانهم يحبون يتدلعون ويمصخونها بس اذا لي مزاج راضيته ولا كنت محتاجه فلوس ولا بطلع مكان ومابيه بزعله يرفض اصالحه واذا مو محتاجته اخليه يرضي بروحه

بس نصيحة مني وهي نذكرت اكثر من مرة من الخوات حتي زوجي يقول لما ازعل وانتي تمشين عادي تسوين طلباتي بس بشي من الرسمية اصير مجنون وانقهر اكثر فسويها معاه اكيد بتنفع الان اكثر شي يقهر الرجال انج تكونين مو مهتمة فيه

اي والله صدقتوا يا بنات اكثر شي يقهر الرجال انه يشوف زوجته رسمية معاه

مشكورين

بس يالله خل نشوف بقية البنات شيسوون

يا لله يا بنات نبي المزيد من الردود

ترى كل الرجال يتدلعون

بس ابي اعرف شلون تتصرفون معاهم

يالله يا بنات

zahoora:
اي والله صدقتوا يا بنات اكثر شي يقهر الرجال انه يشوف زوجته رسمية معاه

مشكورين

بس يالله خل نشوف بقية البنات شيسوون

الرجل لو طنش ما ينفع معه شي لو تكوني رسمية 100% , الله عزوجل ما اعطى الرجل الهجر

الا وهو قوته فيه , عرفتم يالأذكياء ..

لا اختي نزف الجراح

الرجال اللي يحب المرة ويشوفها رسمية معاه اكيد بيتاثر

اما اللي ما يتاثر فهذا اللي ما يحب زوجته

وهناك فرق

الرجل ما يحكمه قلبه مثل النساء حتى يتأثر , يستطيع أن يطلق أللي يحبها ويتزوج عليها

وما فرقت معاه , لأن الرجل يغلب عليه العقل أكثر من العاطفة .

يمكن هذا نوعية زوجك

لكن ازواجنا لا