ريلي غير مبالي كل همه البحر؟!!! مني ولا منه 2

السلام عليكم ورحمة الله وبركاته

هلا بيكي أختي...

واضح إنه في شيء غلط صار في الموضوع ...مثل فايروس أو شيء...

يا ريت أختي تكتبي لنا الموضوع ثاني...علشان أكبر قدر من العضوات يساعدوكي...

أعتذر منك مرة أخرى (f)

انشالله اختي مرمووم بكتب المشكله مره ثانيه .. مشكوره
انا ريلي ماعنده وقت يقعد معااايه دوومه البحر ويمكن اتكون المشكله مشكلتي لاني عقب ما ارجع من دوامي ارقد وعقب اسير بيت اهلي لين 11 تقريبا واحط راسي وارقد وبعض المراات اناديه بس يقوولي بيقعد مع اخواانه اتملل وارقد عمري غصب وادخل واقرا واطبق الي تكتبونه عن معامله الزوج بس اطبعه كم من يوم عقب ارجع مثل ما كنت ابا اعيش حياتي قبل لا اكون زوج زوزوجه ابا انكون حبيب وحبيبه مثل قبل العرس اااااااااااااااااه والله ايام حلوه .... بس انشالله بنصاايحكم بحااول اخليها احسن عن اول .. يلااا بنات اتمنى انكم ما تبخليوون عليه ويزاااكم الله خير ..

السلام عليكم ورحمة الله وبركاته

هلا أختي...

أختي و ليش تروحي عند أهلك كل يوم لحد الساعة 11 ؟

خليكي في بيتك أختي...البنت قبل الزواج مش مثل بعد الزواج...

لازم يحس إنه في زوجة و بيت ينتظروه...علشان يشتاق يرجع لبيته...

و حاولي دايما تكوني إنتي الأحسن...يعني إنتي اللي بادري...و ما تنتظري منه شيء...شويه شويه بتلاقيه تعدل...

و حتى البحر...جربي روحي معاه مرة...يمكن تنبسطي فعلا...

بالتوفيق أختي..

شوفي حتى لو في يوم فكر انه يرجع البيت من وقت

و لا انه يطلعكم و لا يجلس معاكم بيعرف انه لو رجع ما بيحصلج فاكيد يقول ليش ارجع خليها بيت اهلها هيه مرتاحه

الرياييل طبعهم ما يحبون يقولون لج انتي ترى غلطانه بهذا الشي
بس يرد عليج بطريقه غير مباشره انه ما يقعد بالبيت و لا رجع يقعد مع اهله مثل ما انتي قاعده للساعه 11 بيت اهلج

افهميها يا حلوه

قعدي بالبيت و نطريه حتى لو قعد مع اخوانه ما عليه انتظريه طولي بالحمام علشان يضيع الوقت تسبحي و تعدلي و تفركس و سوي مساج و شوفي التلفزيون تحذري تنامين قبله ترى هالشي واااااايد يضايق الريال انا الحمد لله ما انام عنه لو سهر للفجر بره يجي يلاقيني انتظره و الله وايد يستانس و يقول حبيبتي لو نمتي انا قايلج بتاخر بره اقوله في احط ينام من غير غطا انا ما اعرف انام من دونك
وايد يستانس من هالحركات
و لو طلع ما اطلع دايما و اروح بيت اهلي مع انه من سكني لبيتهم خمس دقايق
بس اظل بالبيت و لا رجع و لقاني قاعده مع عيالي قال ليش ما رحتي اقوله من يومين يايه من عندهم مو ضروري اروح لهم اليوم قلت يمكن ترجع البيت و ما تلاقينا ... ما احب اخليج بروحك

و الله حتى تغير وايد

و صار ما يحب يطلع و السبب انه يستانس لما يقعد معانا انا و عياله

جربي و قوليلنا النتيجه

[grade="00008B FF6347 008000 4B0082"]مشكووووووورات خوااتي صدق جربت ويابت نتييييييييجه:clap:

الحمدالله بس توه يعني بخبركم كيف ....؟؟؟؟؟....:gum:

البارحه رديت من الدواام قالي انه بيظهر واني اذا ابا اسير بيت اهلي عشان يوديني قلتله لا ما ودي اسير اليوم ابا ايلس في البيت (بس المشكله ما قلتله ابنتظرك مثل كلامكم حلو ماشالله ) المهم ..
قالي معليه ما بتاخر قلتله معليه خذ راحتك بس من طلع تم يدق تلفووون يطمن عليه انا وولدي وعقب تقريبا 2 ونص رجع البيت الحمدالله واااايد استاانست بس انشااللله يتم جي علطول وياااريت تخبرووني الاسلووب الي لازم اتبعه معااه يعني مثلج انتي يا سحاايب دبي ماشالله عليج احس اسلووبج وااايد حلووووووو :clap: :clap: عطيني ولا تبخليين علينا خبرييني شسوي شو الاسلوب الي لازم اسويه :shy: :shy: ... [/grade]

شوفي حبوبه بعطيج جدول جربي و حاولي تمشين عليه

بس لازم تستحملين هالاشيا

1- ما تسيرين بيت امج كل يوم و عادي لو مر اسبوع و ما سرتي
2- تحاولين تتقربين من حد من خواته مثلا عشان بتحتاجين تخلين ولدج عندهم شوي مثلا العصر و لا المغرب عشان تاخذين راحتج وياه لو نص ساعه
3- لو طنش الموضوع في البدايه عادي بس بعدين بيتعود و بيتغير وضعكم


يالله الجدول

1- الصبح قومي قبله .. .زهبي ثيابه حق الدوام و زهبي الريوق و عقب وعيه ...خليه يلبس و يتريقه عقب بوسه على الطاير و هو ساير الدوام و الله يعطيك العافيه :) هاذي يستانسون عليها

2- في الدوام اتصلي تطمني عليه .. اتصلي البيت شوفي شو الغدا .. اتصليبه قوليله غداهم اليوم الشي الفلاني ... لك خاطر فيه و لا نطلب شي من برع و لا ... يعني سولفي شوي

3- عقب ما ترجعون من الدوام لا تركضين و تبدلين و تصلين و تتغدين و تاخذين ولدج و ترقدين لأ لأ لأ

اول شي اذا انتوا ترجعون مع بعض من تدخلون الغرفه ... خذي عنه الغتره و يوم بيعق الكندوره خذيها من ايده و علقيها عنه

قوليله صل و ارتاح انا بسير اجهز الغدا بدلي بسرعه و صلي و سيري حطي الغدا ... يا انج تيبينه الغرفه او تسيرون تتغدون برع

عقب الظهر رقدي ولد و يلسي وياه لو دقايق اذا بترقدون مع بعض اوكي لو ما بير قد تمي وياه شوفوا التلفزيون
اذا بيقرا الجريده طيحي عداله سولفي وياه اقري وياه الجريده
لين العصر اول ما يأذن طيران على المطبخ قوليله بسير شوي المطبخ و برجع

لو رقد ارقدي بس لا تطولين نشي قبله صلي و سيري سوي السويت

سوي سويت خفيف و ارجعي صلي و غيري ملابسج و قوليله تعال بنسير نيلس برع مسويتلك شي
و شرب شاي و قهوه و سويت و سوالف بتشوفين الوقت معاه يطير و هو ما طلع عنج


عقب اذا بيطلع عادي ... انتي يلسي في البيت

يوم بيرجع هاتيله كوب عصير

و عقب اساليه عن العشا ... تعشوا مع بعض في البيت و لا طلعوا مع بعض قوليله مثلا مثلا نزلني بيت امايه بسلم عليهم شوي و هات العشا و مر عليه

و لا مثلا اساليه لو بيطلع يتعشا مع ربعه

خليه يطلع

انتي رقدي ولج و قبل لا تتعشين اساليه لو بيرجع يتعشا لو بيرجع ترييه و لو ما بيرجع تعشي و اتجهزي و اترييه في الغرفه
يوم بيرجع تاكدي انه تعشى و ليله سعيده :)

مب كل يوم كل يوم يعني نفس الجدول
مثلا في نص الاسبوع قوليله اذا بتطلع بسير شوي بيت ابويه .. مره وحده مب كل يوم
و اذا تاخر حاولي تخلين اي حد يرجعج البيت من وقت على اساس لما يرجع تكونين رقدتي الولد و تتريينه :)

كوني ذكيه اكسبيه و شوفي التغير

اي مساعده اذافيه انا حاضره الغاليه

مشكووره حبيبتي نفعتي انشالله :clap:
وعقبال ما ننفعج احنا بعد :shy:

ان شاء الله ما اكون قصرت وياج

و اتريا الحلاوه اذا صار التغيير :)

:

عسى الله يهنيكم ويتمم عليكم ولا يغير عليكم إن شاء الله :clap: :clap: :clap: :clap:


وديري بالج عليه ترى احنا من غيرهم ما نسوى شي خخخخخخ


:salam: :salam: :salam: :salam: :salam:

السلام عليكم ورحمة الله وبركاته

بارك الله فيكي أم عبد الله على النصيحة...كلنا إستفاد بصراحة...

و الله يهنيكي و يا زوجك و إبنك أختي عالية مستواها...خليكي محافظة على هذا الحب :)

وااااو افكار روعه

مشكورين

والله يوفقك مع زوجك ويسخركم لبعض

عسااج دووم مستانسه يا رب

و ريلج سمن على عسل ويااج
تستاهليين كل خير

سحايب دبي ما شاء الله علييج كفيتي ووفيتي