مشكلتي مع ولد أخوي

السلام عليكم

بنات انا اليوم مشكلتي غير عن كل مشاكلي السابقه

مشكلتي مع ولد اخوي عمره 14 سنه ومشكلتي هي انه اخذ مني اخوي الكبير

اخوي الوحيد اللي مهتم فينا وخاصة فيني انا اخوي هذا اكبر مني بـ 20 سنه

وهو اللي كان مدلعني ومهتم فيني ويخاف على مشاعري ويلبي لي طلباتي

ويحبني لدرجه ماتتصورونها ..

بس بعد ماجا ولد اخوي هذا وخاصة بعد ماتطلقت امه وهو يعامله على انه يتيم

اخوي هذا ما انكر انه انسان جدا حنون ومشاعره فياضه على الآخرين لدرجه

ماتتخيلونها يعني مايحب يشوف حتى طفل يبكي قلبه من داخل يتقطع

وهو طبعا مو متزوج ..

المهم بعد ماتطلقت امه صار عندنا ربيناه فتره وبعدها ابوه تزوج

فصار عند زوجة ابوه طبعا انتو عارفين كيف زوجة الأب ومعاملتها لأولاد زوجها

فكانت تعاملهم بقسوه وهو يجي يقولنا واخوي هذا يتقطع قلبه

فيخفف عنه بأيش بالأسراف في التدليع والحنان الفائض لدرجة تصورو

انه الى الان يدلعه بألفاظ طفوليه اذا جا يكلمه فالولد خلاص كبر وهو مايزال

حاسس نفسه طفل يبكي على أقل شئ صارت شخصيته مايعه ولاعنده شخصيه

اي شئ يصادفه مايتصل على أبوه يتصل على اخوي

لو اجي اقوله كلمه يجلس يهزئني مايرضى عليه بشي

ونا من داخل اتقطع بصراحه لاني حسيت انه اخذ مني اخوي صار يكلمني بجفا

وصار يقولي انتي بتشوفين كيف ربك بعاقبك عشان بس احيانا اقوله انت

ليه كل ما اتصل بس اشوفه معاك من جد انقهر لما اشوفه معاه اقوله خلاااااااااص

اتركه خل ابوه يربيه من جد الولد كره ابوه ولا عاد يعتبره موجود

الأساس عنده أخوي حتى اذا بغا يروح لمكان ولا يسوي اي شئ

واسطته اخوي عند ابوه لأنه عارف انه راح يقنع ابوه ...

صرت انا الغلطانه في اي شئ اقوله انا ما أنكر ان فيني غيره منه

لأني حسيت انه اخذه مني بسببه صارت تجيني دعاوي علي من اخوي عشانه

صرت انا الظالمه في نظره ..

انا ما انكر ان اسلوبي فيه غيره بس بنفس الوقت لان اسلوب اخوي اصلا غلط

الولد صار مايحب ابوه ولا يعتبرله اي قيمه نتيجة تعلقه في اخوي

تصور و انه تولى مسؤولية حتى انه يفصل لهم الملابس ويشتري لهم

اغراض المدرسه ويعطيهم فلوس وخاصة ولد اخوي هذا غير اخوانه الثانين

من جد صار مايع صار بدون شخصيه صار يستقوي حتى علي

من كثر مايسمعه يقول انتي الله بعاقبك انتي وين تتوفقين وانتي ظالمه

ماتبينه حتى يطلع معاي ... يابنات تخيلو حتى ان صادفته مشاكل مايعترف بأبوه

خلاص الولد ركن الأب على جنب وصار عمه هو الأساس عنده ..

تصورو انه كل يوم يجي عندنا كل يوم وهو حركي زياده عن اللزوم كل شي

مخربه كل شي يسويه ولايهمه احد لانه عارف ان وراه عمه ماراح يرضى

لو نقوله شي حتى اذا كان غلطان يقول حرام صغير توه جاهل تشرهين على بزر

بسببه اخوي الوحيد من اخواني اللي يحبني قرب يكرهني حتى اليوم يقولي

بتشوفين من اليوم ورايح معامله ماشفتيها ليه لاني قلت له ليه تبغا تسفره معاك

وش معنى هو يعني وجلس يشحن نفسه ويصارخ وانتي ماتخافين ربك انتي

ضايقتيني انتي قلبك مافيه رحمه انتي تحطين عقلك بعقل جاهل صغير اقولكم

صغر عقله من كثر مايقول عنه انه صغير والله العظيم انه يتصرف بنفس تصرفات

اخوانه الصغار من ابوه اللي اكبرهم عمره 7 سنين وبعد والله انه اثقل منه

تعبت نفسيا يابنات بسببه من جد انا اخواني كلهم مافيهم خير لنا .. الله عطانا

ورزقنا بهالأخ الحنون اللي يحبنا .. وجا ولد هالأخ وغير كل مجرى حياتنا

صرت اسمع الدعاوي علي من بعد ماكنت اسمع منه ياعمري وياحبيبتي

صار مايحبني ويغلي ولد اخوه صرت انا الظالمه ونا اللي اسعى اولا انه يكون

له شخصيه مايكون ولد مايع وبنفس الوقت ما ابغا احد ياخذه مني اخواني الثانين

قاسين وهو احنهم علينا ومعاملته له بهالطريقه تقهرني تحسسني كأنه مو شايف

احد قدامه الا هالولد مستعد والله العظيم يابنات انه يطنش كل شي عشانه

لانه يسميه يتيم حرام انتي وين بتروحين من ربك على اللي تقولينه يعني

من جد مو عارفه كيف اتصرف معاه خاصة وان اخوي هذا مريض بعدة امراض

ضغط وسكر وكلسترول فما ابي اضايقه ما ابغا لاسمح الله يجيه شي بسببي

والله نموت من غيره مانقدر على فراقه ابد ..

ساعدوني ابغا طريقه اتعامل فيها مع اخوي ومع ولد اخوي .. وشكرا لكم