تتذكروني يا حوامل اغسطس :)

فديتج أختيfashion girl

قولي الحمدلله على كل حال
هو راح عنج بدنيا بس ما راح يروح عنج بالأخره ولاتنسين
راح يكون شفيع لج يوم القيامه إن شاء الله
أما عن الحمل استشيري الدكتوره أحسن دامج توج مسويه العمليه الله يسهل عليج ويخلف لج الخير يارب قوي قلبج حبيبتي وأحتسبي الأجر الله يصبرج

فديتك حبيبتي
حاسة بيك
وطبيعي تتعذبي بفرقان ولدك بس تذكري هادي ارادة ربنا
وانشاء الله يكون سند ليكي بالاخرة
وانتي حبيبتي ربنا يخليلك جوزك اكيد تحملين وتجيبي عيال يفرحوكي ويونسوكي بدنياكي
بس لاتنسي عيلتك:angry:
واكيد هتتجاوزي حالتك النفسية على خير:salam:
وخليكي قريبة من رب العالمين تاكدين بيساعدك واكثري من الاستغفار
وربنا يسعدك ويشفيكي ويفرج همك ويبعد كل حزن عنك ويعوضك خير انشاء الله امين
ويرزق كل محررومة يارب
امــــــــــــــــــــــــــــــــــــين
اميـــــــــــــــــــــــــــــــــــــــــــــــــــــن:shy:

ام عبدالرحمن

مشكوره و ماتقصرين و انا استشرت دكتوره شاطره و جافت ان الخياطه ماشاء الله قويه و عادي اجمل في اي وقت اباه.. بس انا متردده لاني توني خلصت الاربعين و احس اني مب متهيأه نفسيا و خايفه اني اخسر الثاني بعد

روح الوفا

مشكوره على الدعاء و ان شاء الله ربي يعوضني بطفل كامل الخلقه و سليم ياااااارب و ما مر في الي انا مريته و لا وحده تمر فيه ياااااااااااااارب

هلا باحلى فاشن غيرل....

والله انج كنتي على بالي اليوم الصبح ..ماعرف ليش....اتذكرت كل بنات اغسطس وانتي بعد..ودعيت لج الله يسهل عليج وتتجاوزين المحنه بسلام....

حبيبتي..طبيعي انج تمرين بهال احاسيس...خصوصا وانج ولدتي..ومثل ما تعرفين وايد من اللي يولدون اييهم اكتئاب ما بعد الولاده بسبب التغير في حياتهم وتاثير الهرمونات...وانتي لج قابليه تخترب نفسيتج اكثر عن غيرج لان اللي حصل لج وفقدان طفلج شي مب سهل ابدا...بس باذن خالق الكون بترتاح نفسيتج وبتتجاوزين هالمحنه....كثري من قراءه القران...وادعي رب العالمين يصبرج و يرزقج...وكوني دوم مؤمنه بان الله اكيد كاتبلج اللي فيه الخير ...وترا طفلج بيشفعلج انتي وابوه يوم القيامه..شو تبون اكثر عن جيه :)
وبالنسبه للحمل مره ثانيه..ارتاحي وخلي جسمج يرتاح كمن شهر علشان يكون حملج الياي بدون اي مشاكل باذن الله...واستانسي هالفتره..وسوي شهر عسل ثاني مع ريلج..وسافري ..واطلعي واسهري وياه ترا بعدج عالبر...واليهال يوم ايون خلاص...يقيدونج :)
الله يريح بالج وقلبج...ويرزقج اللي فيه الخير

الحمد لله على سلامتج اختي الغاليه ..... والله يعوضج خير عنه

بالنسبه لحالتج هذا شي طبيعي بعد الولاده ... يعني اللي تولد طبيعي تحوشها الف حاله نفسيه ساعات تبي اهلها وساعات تبي زوجها وساعات ماتبي احد وهالشي طبيعي

بالنسبه لفقدانج لجنينج فاحمدي ربج وشوفي مصايب غيرج تهون عليج مصيبتج
ماتدرين هالشي يمكن يكون خير لج
لاسمح الله يمكن كان هالجنين اللي فقدتيه بيكون انسان متعب لج ولابوه او عاق او ي شي ماتدرين الحين انتي متاكده انه من طيور الجنه والحمد لله وبيشفع لج يوم القيامه
ولو دعيتي ربج واقتنعتي باللي صار ماتدرين يمكن رب العالمين يعوضج بتوام


:)


اختي الغاليه انصحج تحملين بعد شهر او شهرين :)

والله يرزقج باللي ينور دنيتج

عزيزتـــــــــــــــــــــي جبرالله بخاطرك
انا مثلك فقدت بنتى بعد الولادة على طووول لانى جبتها مبكرة فى الشهر الســــــــــــــادس
وخلصت من الاربعين قبل فترة بسيطـــــــــة وانشاءلله احاول احمل الفترة هذى ويااااااااااااااااااااارب انا وانتى نكون حوامل
هالشهر

طبعا النفسية اكييييييييييييييد تعبانة حيل بس هذا اللى الله كاتبه
بس ماقلتيلــــــــــــــــــــــى وش كانت سبب الوفاة ؟؟؟؟؟؟؟؟؟؟؟

ختية الحمد الله على سلامتج والله يعوضج أنشاء الله بالي أحسن منة .................
ختية ليش ما جربتي أتسافرين لمدة أسبوع ول حتى أسبوعين أتغيرين فيهن جو وصدقيني بتردين بنفسية أحسن أنا أنصحج أتروحين العمرة هناك بتقدرين أتفرغين كل الي بقلبج وبتتقربين أكثر من ربج والله أنشاء الله بيرزقج بالذرية الي أتعوظج عن شي خسرتية أنا أدري أنة كلامنا ما بيفيد الوحدة أصعب ما عليها تخسر ظناها بس الله كاتبلج الأجر ولدج ألحينة عصفور في الجنة الله عطاج بطاقة دخول للجنة بالمجان يعني انتي وأبواه ظمنتو الجنة بمشيئت رب العالمين ولا تنسين (( عسى أن تكرهوا شيء وهو خير لكم وعسى أن تحبوا شيء وهو شر لكم والله يعلم وأنتم لا تعلمون ))

angel eyes

هلا والله

انا دوووم احاتيكم اذا ربيتوا و لا بعدكم... مشكووووووووره الغاليه على الرمسه الي تشرح النفس :) والله اني كنت وايد مستانسه و ياكم في موضوعنا ... و دوم افكر فيكم انتوا.. ان شاء الله تربين بسهوله يااااارب و ما تتعبين مثلي..

اتخيلي انا عشره ايام في الم المخااااض عشان الطلق الصناعي الله يهديهم ذبحوووني .. و في النهايه قيصريه.. الله لا يراااويج هالتعب يارب

ام شهد و مريم

مشكوووووووووره على ردج الحلو و ان شاء الله ربي يرزقني بطفل ثاني يدخل ويانا الجنه :) بشفاعه اخوه..


ام غدير

انا بعد ولاده مبكر في بدايه الشهر التاسع ... الولد من دخل الشهر السابع قام يشرب ماااي .. بدون اي سبب لدرجه اني سويت تحاليل من بريطانيا الى المانيا و سحبوا ماي البيبي... بس ما يعرفون شو سبب الاستسقاء في هالمرحله من الحمل ؟؟

و كلهم نصحوني بالاجهاض لانه ما بيعيش .. بس انا صبرت الي بدايه الثامن و البيبي يشرب و يشرب الى ان استوا حجمه وايد كبييييييير و بدون مبالغه واايد كبير .. و الدكاتره كانوا يخافون علي لانه ممكن يدخل الماي في رئتي انا و بعدين مافي فايده للكلااام .. اظطريت اني اسوي القيصريه بعد الم الطلق الصناعي الي دام 10 ايام..

الله بيعوضنا انا و انتي ياااااارب و نفرح ببياتنا :)



لب الفؤاد

مشكوووووووره الغاليه على الرد الي فرحني و صدقج بطاقه دخول للجنه بس مب بالمجان هههههههه تعبني و كرفني و خالاني اصيييييييح ... بس عشان الجنه الواحد بيسوي المستحييييل ههههههههه خخخخ

مرحبا اختي

عسى الله انشالله يصبر قلبج و يعوضج خير يارب

الي تمرين فيه شي طبيعي و انشالله ما عليج الا العافية و هذا زوجج اذا ما يوقف معاج و يقدر احساسج و يساندج شالفايدة ...
ربي يخليكم لبعض انشالله و يرزقكم الذرية الصالحة آمين
و نصيحتي لج نطري شوي على الحمل لمن تتحسن حالتج النفسية و الله يهون عليج حبيبتي

لولو

مشكووووووووووووره على الرد

و ريلي مب مقصر فيني حليله الله يخليييييييه يارب

ان شاء الله انا بتريا 6 او 7 شهور و بعدين بجوف كيف الاحوال على الحمل ؟

الله كريييييم

السلام عليكم ورحمة الله وبركاته

الله يعوضك خير يا رب و يكتب لك الأجر إن شاء الله...

و بإذن الله تبشرينا قريب :)