يــــــــ الـــــــخـــطـــــوبــــة ــــوم

ان شاء الله حاحد بنصيحتك حبيبتي لما يجي روميو

ماشاء الله الله يوفقكم ويتمم للكل على خير يارب ياحبيبي
بس يابنات الحين اذا الخطيب جا بيشوفك اول مره قبل الملكه حرام تجلسين جنبه بشعرك وبلبسك
بعد الملكه سوي اللي تبين بس قبل اجلسي عالاقل جنب اهله اذا بيجون بملابسك الكشخه بس بعدين لااا ادخلي له بعباية الكتف والشيله وصدقيني ربي بيحليك بعينه وبيشوفك ملكه جمال

شكلكم ملخبطين بين الشوفه والخطبه والملجه خخخخخخ :) يحليلكم

موضوع حلو ومهم وباختصار شديد بالنسبة لي

يوم خطبة الاهل "اهل المعرس" كنت لابسه بدله حلوه ورديه ومخليه شعري مفتوح ولابسه اكسسوار "طقم" راقي وحلو من ديووور وحطيت مكياجي بنفسي نعوم ومناسب للون لبستي

والحمدلله انعجبوا فيني وايد والحين اهو يقول لي شلون كانت تعلقاتهم...حتى عن ريولي قالوا له خخخخ وعن الاكسسوار وعن الشعر وكل شىء ترى الاهل ينقلون كل التفاصيل للمعرس خخخخخخخخخخ بس فله عرفت شقالوا عني الحين :)

وعقب الشوفه.....طبعا لابسه عبايه كتف وشيلة وشعري متغطي كامل ..ووجهي نظيف بدون مكياج ...عشان يشوفني على طبيعتي ومايقول عقب كانت غير !! وماتوقعتها جذي !!

والحمدلله انعجب فيني بعد :)

وعقب الملجه...سوينا حفل عائلي بسيط "خطوبة" في البيت...وجهزت نفسي...لبست فستان فخم...وشبكتي كانت حلوه الحمدلله من اختياره مع اهله

وكنت كاشخه بشعري مسشور وحاطه فيه ورد طبيعي يجنن على جنب بلون فستاني....وساعة فخمه الماس وخاتم الماس بس لان بيلبسني الشبكه

ولبست كعب عالي والحمدلله طلع بعد اطول مني حتى لما البس الكعب :) ونااااااااسه

ومكياجي كان وحده جاتني البيت ومكيجتني والشعر نفس الشىء

وبالصور طلع المكياج نعوووووووووووووم وراقي وايد ...الحمدلله

ادعولي بالتوفيق لان عرسي قريب جدا :)

أنا يوم خطوبتي كنت لابسة فسان كت وحاطة مكياج ثجيل يعني للأعراس وكنت مسشورة شعري وعاملة فير بس كل واحد على حسب أهل المعرس لأن كل حواتي إلي أنخطبو قبلي وعرسوا كانوا عادي بس أنا أهل ريلي يحبون جي فأنا لبست وتعدلة